Saturday, December 10, 2022
Saturday, December 10, 2022

HomeFact Checkپاکستانس منز 2017 احتجاجچ تصویر غلط دعویٰ سان وائرل

پاکستانس منز 2017 احتجاجچ تصویر غلط دعویٰ سان وائرل

پاکستانس منز عمران خان سندِ ضمنی الیکشنس منز 6 سیٹہ زیننہ پتھ گئی سیٹھا فوٹو تہ ویڈیو وائرل سوشل میڈیاہس پیٹھ وائرل۔ اکھ تصویر یتھ منز فوج چھُ لُکن پیٹھ فائر کران، وائرل گژھان۔ وائرل تصویر متعلق چُھ کینہہ سوشل میڈیا صارِفو دعویٰ کورمتُ زہِ یہ چُھ عمران خان سندُ وزیر اعظم آسنس دوران عیدِ میلاد النبیﷺ جلوسس پیٹھ ظلم یوان کرنہ۔ نیوز چیکر تحقیقاتس دوران گو یہ دعویٰ غلط ثابتِ۔

سوشل میڈیاہس پیٹھ چُھ صارِفو وائرل تصویر سآتِ #خونی درندہ عمران خان’ ہیش ٹیگ ٹرینڈ کران۔

اکِ ٹویٹر صارفن چُھ اکھ وائرل تصویر شیئر کرتھِ لیکوھمتُ زہِ “کانہہ احتجاج چُھنہ، کانہہ مانگ نہ، 4 مسلمان پاکستانِ آئی شہید کرنہ، یمہ عیدِ میلاد النبیﷺ کسِ سلسلس منز آسِ جلوس کران”۔

یہ تصویر چھِ کینہ صارفو طرفہ شیئر کرنہ آمژ، یمن ہند لنک ہیکیو توہیِ یتیتھ، یتیتھ تہ یتیتھ وچتھ۔

Fact Check/ Verification

نیوز چیکرن کور وائرل تصویر ہندسِ سلسلس منز تحقیقات خاطرء یہ تصویر گوگل سرچ، تہ اسہِ آو لبنہ زہِ یہ تصویر چھِ پرانِ تہ یہ چھنہ عید میلاد جلوسچ تصویر کینہ۔

تحقیقاتس دوران آئی اسہِ کینہ رپورٹ لبنہ یمن سآتِ یہ تصویر چھِ شیئر آمژ کرنہ۔ رپورٹس منز چُھ وننہ آمتُ زہِ یہ چھِ 2017 منز اکِ احتجاجچ تصویر، تہ یہ احتجاج اوس وزیر قانونس خلاف یوان کرنہ، یمسِ خلاف اسلام مزہبس یوہین کرنکُ الزام اوس۔

اے بی سی ڈاٹ نیٹ ڈاٹ اے یو، وئب سائٹِ پیٹھ شائ اکِ رپورٹ مطابق چُھ یہ احتجاج یوان تحریکِ لبیک کارکنو طرفہ وزیر قانونس خلاف کرنہ، یمِ اسلامس خلاف توہین آسِ کرمژ۔

رپورٹس منز چُھ وننہ آمتُ “تقریباً 1000 کارکنن ہندِ طرفہ آئی سڑک بند کرنہ، یمہ توہینِ اسلام کسِ سلسلس منز آسِ وزیر قانون سنزِ گرفتاری ہنز مانگ کران”۔

نیو یارک ٹائمز رپورٹس منز اکِ رپورٹ مطابق آئی احتجاجس پیٹھ قابو کرنہ خاطرء فوج بلاونہ۔

رپورٹس منز چُھ وننہ آمتُ زہِ “احتجاج گئی اکھ ہفتہ برونہہ تَمہِ سات شروع یلہِ نو منتخب اسمبلی ممبرن خاطرء آو نو خلف تیار کرنہ یتھ منز حضرت محمدﷺ ہُند ناو اوس نہ آمتُ لیکھنہ کینہ۔ احتجاجی آسِ وزیر قانون سندِ طرفہ استعفیٰ دینچ مانگ کران”۔

وائرل تصویر
Courtesy: Screengrab from New York Times

اتھ رپورٹس سآتِ چھ آمژ یہ وائرل تصویر تہِ شیئر کرنہ۔

وائرل تصویر

فائنانشیل ایکسپریس رپورٹس منز ہِ چُھ آمژ یہ وائرل تصویر شیئر کرتھِ وننہ زہِ یہ چُھ وزیر قانونس خلاف احتجاج۔

اسہِ کور تحقیقات زہِ کیا عید میلاد جلوسس دوران آوا کانہہ ناخوشگراو واقعہ پیش، تہ اسہ آو نہ کانہہ امِ قسمکُ رپورٹ لبنہ۔

Conclusion

یتھ کنِ گو نیوز چیکر تحقیقاتس منز ثابتِ زہِ یہ وائرل تصویر چھنہ عیدِ میلاد جلوسچِ کینہ، بلکہ چھِ یہ 2017 ہس منز وزیر خلاف احتجاج۔

Result: False

Our Sources

Report by abc.net.au, Dated November 26, 2017
Report by New York Times, Dated November 25, 2017
Report by Financial Express, Dated November 25, 2017


​If you would like us to fact check a claim, give feedback or lodge a complaint, WhatsApp us at 9999499044 ​or email us at ​[email protected]​. You can also visit the Contact Us​ page and fill out the form. 

LEAVE A REPLY

Please enter your comment!
Please enter your name here

Most Popular