پی سی بی چیرمین رمیض راجہ سُند ویڈیو غلط دعویٰ سان وائرل

Authors

Abrar Bhat

آئی سی سی ٹی20 ورلڈکپ 2022 ہکُ 27 اکتوبر گنندنہ آمتسِ پاکستان تہ زمبابوے پیچس منز ہارنؤ زمبابوے ین پاکستان، تمہِ پت کور کرکٹ شائقین پاکستان چہِ ٹیم پیٹھ سیٹھا تنقید۔

پاکستانکِ سابِق کپتان رمیض راجہ سُند ویڈیو وائرل گژھان، یتھ منز تِمو پآکسانِ ٹیمکُ زمبابوے یس نشِ ہارنس تآریک وقت قرار دیُوتمُت تہ ملکی ٹیمس پیٹھ سیٹھا نقید کورمتُ۔

ٹویٹر صارِفو چُھ رمیض راجہ سُند ویڈیو شیئر کورمتُ۔ اکِ ٹویٹر صارفن چُھ یہ ویڈیو شیئر کرتھِ کپشنس منز لیوکھمتُ: ‘رمیض راجہ یِہ چھِ تُہنز منظور کرنہ آمژ ٹیم۔ توہیِ چُھو یتھ ویڈیوس منز پننہِ پان ورائے تمام ذمہ دار ٹہراوان۔ اخلاقی جرت ہآیو تہ دیؤ استعفیٰ’۔

شیئر کرنہ آمتین پوسٹن ہُند لنک ہیکیو توہیِ یتیتھ، یتیتھ تہ یتیتھ وچتھِ۔

رمیض راجہ سُند ویڈیو چُھ یوٹیوبس پیٹھ تہِ آمتُ شیئر کرنہ۔ یمیوکُ لنک توہیِ ہیکیو یتیتھ، یتیتھ تہ یتیتھ وچتھِ۔

Fact Check/ Verification

رمیض راجہ سُند ویڈیو وائرل آسنہ پتہ امچ حقیقت زاننہ خاطرء کرِ اسہِ گوگلس پیٹھ کینہ کیورڈ سرچ۔ سرچِ دوران آئی اسہِ لبنہ این ڈی ٹی وی وئب سائٹِ پیٹھ اکھ رپورٹ۔ رپورٹس منز چُھ وننہ آمتُ زہِ رمیض راجہ سُند یہ ویڈیو چُھ 2021 ہُک۔

رپورٹس منز چُھ واضع آمتُ کرنہ زہِ رمیض راجہ سُند ویڈیو چُھ اکھ وہری برونہہ تمِہ سنزِ یوٹیوب چنلِ پیٹھ اکھ وہری برونہہ تمہِ سات اپلوڈ کرنہ آمتُ، یلہِ نہ سُہ پاکستانِ کرکٹ بورڈکُ چیئرمین اوس کینہہ۔

رمیض راجہ سُند ویڈیو یلہِ اسہِ توجہ سان بوز تہ تِمہ چھِ ویڈیوس منز ونان زہِ پاکستانکُ زمبابوے یس نشِ ہارنُ چُھ پاکستان خاطرء ‘سیاہ وقت’۔

امہ پتہ کور اسہِ انگریزی یس منز رمیض راجہ، سیاہ وقت تہ دیگر کینہ کیورڈ گوگل سرچ۔ سرچ دوران آئی اسہِ 24 اپریل 2021 ہس منز شائع ٹائمز ناوچِ اکھ رپورٹ۔

اتھ رپورٹس منز چُھ وننہ آمتُ زہِ پاکستانکِ سآبق کپتان رمیض راجہ چُھ زمبابوے کرکٹ ٹیم نشِ پاکستان کسِ ہارنس سیاہ وقت قرار دیوان۔ رپورٹ منز چُھ رمیض راجہ سُند ویڈیوکُ ٹرانسکرپٹ لیکتھ۔ تہ امہِ سآتِ تور اسہِ فکرِ زہِ یہ ٹرانسکرپٹ چُھ امیِ ویڈیوکُ۔ سرچِ دوران آئی اسہِ انڈیا ٹوڈے وئب سائٹِ پیٹھ 24 اپریل 2021 ہس منز شائع اکھ رپورٹ تہِ لبنہ۔

اتھ رپورٹس منز تہِ چُھ وننہ آمتُ زہِ رمیض راجہ چُھ پاکستانِ ٹیم کسِ زمبابوے یس نشِ ہارنس سیاہ وقت قرار دیوان۔

یتھ کنِ گو نیوز چیکر کسِ تحقیقاتس منز ثابت زہِ رمیض راجہ سُند ویڈیو چُھ پرون۔ یُس 2021 منز چُھ ریکارڈ آمتُ کرنہ۔ اَتھ ویڈیو وس چُھن آئی سی سی ٹی20 ورلڈ کپ 2022 سآتِ کانہہ تہِ تعلقُ۔ 

Result: Missing Context

کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in

Authors

Abrar Bhat