یہ ویڈیو چُھنہ کشیرِ منز سنگ بازَنّ تہ فوجس درمیان جھڑپن ہند

Claim

سوشل میڈیاہس پیٹھ چُھ بویلیا ہس منز احتجاج ویڈیو وائرل گژھان یتھ متعلق وننہ چُھ یوان زہِ یہ چُھ کشیر منز سیکورٹی فروسز طرفہ اکِس سنگ بازس کلس یوان گولئ لگاو نہ۔

بویلیا ہس منز احتجاج ویڈیوکُ آرکایو ورژن ہیکیو توہئ یتیتھ وچھتھ

Fact

نیوز چیکر طرفہ آو بویلیا ہس منز احتجاج ویڈیو کسِ بارس منز پور زاننہ خآطرء احتجاج ویڈیوکِ کی فریم گوگل ریورس امیج سرچ کرنہ۔ اسہ آو اسرائلچ اکس بھول۔ کو۔ الِ ناوچہ ویب سائٹِ پیٹھ 12 اگست 2022 ہچ اکھ رپورٹ ویڈیو سان لبنہ، یتھ منز یتھ منز وننہ چھ آمتُ زہِ یہ ویڈیو چُھ بویلیا ہس منز پیش آمتِ اکِ واقعکُ۔

امہِ مزید آو ٹیلیٹیکا۔کام ناو اکسِ ویب سائٹِ پیٹھ بویلیا ہس 8 اگست 2022 ہس منز کوکا وپداون والین ہندِ طرفہ اکِ احتجاجچ رپورٹ لبنہ۔ یتھ ہسپانوی زبانِ منز ٹائٹل اوس آمتُ دینہ۔ یمکُ مطلب تقریباْ چُھ زہِ اکسِ احتجاج کرن والسِ گو دائنامایٹس سگریٹ سمجتھ اتھس منز دھماکہ۔

رپورٹس منزچُھ ویڈیو تہ یوان وچھنہ تہ اتھ سآتِ چُھ نائب وزیر داخلہ اسماعِل تیِلز سندُ  بیان تہ چُھ آمتُ وننہ زہِ بویلیا ہس منز احتجاجس دوران اکھ احتجاجی چُھ اتھس منز ڈائنامایٹ پھٹنہ سآتِ زخمی گومتُ، تہ یہ ڈاینامائٹ اوس تِمنَ پولیسس پیٹھ لگاوُن۔

امہِ مزید چُھ تِمو ونمتُ زہِ سرکاری شکایات دفتر طرفہ اَکِ عہدیدار نادیہ کروزن چُھ ٹویٹرس پیتھ ونمت زہِ زمیندار چُھ شدید زخمی کنِ صدمکُ شکار گومتُ۔

ویڈیو چُھ بویلین ٹیلی ویژن نیٹورک یونیٹیل بویلیا طرفہ ویڈیو پلیٹ فارم ڈیلی موشنس پیٹھ شئیر آمت کرنہ، کیپشنس منز چُھ لیکتھ زہِ کوکا وپداون والین ہندس احتجاجس منز چھ اکھ احتجاجی اتھس منز ڈائینا مایٹ پھٹنہ سآتِ شدید زخمی گومتُ۔

امہ علاوہ بویلینچ اکِ نیوز پلیٹ فارم لاریزن ڈجیٹل طرفہ تہ چُھ آمت یہ ویڈِیو کیپشن سان شئیر کرنہ۔ کیپشنس منز چُھ لیکھنہ آمتُ زہِ لاپازس منز ایف ای ایل سی سی ڈیمارٹمنٹ کمانڈر رونالڈ روجاس تہ نار بچاو عملک طرفہ تہ چُھ وننہ آمتُ زہِ اڈیب کوکا مارکیٹ بویلیا ہس منز احتجاج کرن والیو چُھ ڈائینامائٹ استعمال کورمتُ۔

توہی ہیکیو مزید رپورٹ یتیتھ تہ یتیتھ وچتھ    

پتِمیو کینہ  ہفتو پیٹھ چُھ بویلین دارحکومت لاپازس منز کوکا وپداون والیو طرفہ احتجاج جاری۔ احتجاج کرن والینِ ہنْدُ مطالبہ چُھ زہِ غیر قانونی کوکا مارکیٹ گژھِ یُن بند کرنہ۔ یمہِ وجہ سآتِ پولیس تہ دیپارٹمنٹل ایسوسی ایشن آف کوکا پروڈیوسرس درمیان جھڑپہ شروع گئیہِ۔ مزید رپیو یتیتھ تہ یتیتھ۔

یتھ پآٹھ وآتئ اسہِ اتھ نتیجس پیٹھ زہ ویڈیو ذریعہ کرنہ آمتُ دعویٰ چھ غلط۔ یہ ویڈیو چُھنہ کشیر منز پولیس تہ پتھر بازن درمیان کینہ،بلکہ چُھ یہ ویڈیو وسطی جنوبی امریکہ ہس منز اکسِ ملکس بویلیا ہس منز احتجاج دوران پولیسس تہ کوکا وپداون والین درمیان جھڑپن ہندُ۔

Result: False

If you liked this and want to read more such fact checks then click here.

If you would like us to fact-check a claim, give feedback, or lodge a complaint, WhatsApp us at 9999499044 or email us at checkthis@newschecker.in. You can also visit the Contact Us page and fill out the form.