بجنورس منز سٹریٹ لائٹِ تَل تعلیم حاصل کرن والس بچہ سنزِ تصویرغلط دعویٰ سان وائرل  

Authors

Abrar Bhat

یہ فیکٹ چیک چُھ امہ برونہہ نیوز چیکر خاطرء محمد ذکریا سندِ طرفہ اردو وس منز آمت کرنہ۔

سٹریٹ لائٹِ تَل تعلیم پرن وآلِس پچہ طالب علم سُند اکھ فوٹو چھ سوشل میڈیاہس پیٹھ وائرل گژھان۔ یتھ متعلق دعویٰ چُھ یوان کرنہ زہِ یہ بچہ چُھ مصرکُ۔ وننہ چُھ یوان زہِ اتھ علاقس منز چُھنہ لُکو بجلی فیس ادا کورمتُ، یمہ وجہ سآتِ محکمن چُھ اتھ علاقس بجلی کنیکشن منقطع کورمتُ۔

ٹویٹرس پیٹھ چُھ اتھ تصویر سآتِ کیپشن زہِ “مصرکُ اکھ بچہ چُھ اسٹڑیٹ لائٹِ تَل پران، اتھ علاقس منز چھنہ کینہ لُکو بجلی فیس ادا کورمتُ، یمہ وجہ یمن مکینن چھ آمژ بجلی منقطع کرنہ۔ مسلمانن پیٹھ کیتھِ شیطان صفت لُکھ چھ حکومت کران۔ یمہ پرتھ چیزس چھ مآلِ سنز ملکیت سمجتھ فآصلہ کران”۔

ٹویٹرس پیٹھ چُھ یہ فوٹو عربی کیپشن سان شیئر کرنہ آمتُ۔ فیس بُکس پیٹھ تہِ چُھ واریاہو صارفو یہ فوٹو شیئر کرمتُ۔

Fact Check/Verification

سٹریٹ لائٹِ تَل تعلیم حاصِل کرن واآلِس بچہ سُند فوٹوس کور اَسہِ گوگلس پیٹھ ریورس امیج سرچ۔ اتھ وران آو اسہِ وزارتِ توانائی ہندس ٹویٹر ہینڈلس ای ای ایس ایل انڈیا ہس پیٹھ یہ تصویر لبنہ۔ یتھ منز سٹریٹ لائٹِ تَل تعلیم حاصل کرن والس پچس متعلق چُھ آمتُ وننہ زہِ یہ تصویر چھ فیروز آبادچ۔

امہ علاوہ چُھ سماجی کارکنُ انامیکا آریہ ہن پننسِ ٹویٹر ہینڈلسَ پیٹھ سٹریٹ لائٹِ تَل تعلیم پرن والس بچسنز تصویر شیئر کرتھ مراد آباد کمشنر تہ ڈی ایم بجنورس امس بچس مدد کرنچ اپیل کرمژ۔ جوابس منز مرادآباد کمشنرن لیوکھُ متُ زہِ یہ معاملہ چُھ آمتُ نوٹسس منز نینہ۔

یِتھ پآٹھِ گو واضح زہِ وائرل تصویر چھنہ مصرچ کینہ۔ بلکہ چھِ یہ بھارتچ۔ اَمہِ پَتھ کور اسہِ ہندی زبان منز “اتر پردیش: سٹریٹ لائٹِ تَل تعلیم پرن وآلِس بچہ سنز تصویر وائرل” کیورڈ گوگل سرچ۔ اتھ دوران لوبہ اسہِ ‘بجنور ایکسپریس’ نامی یوٹیوب چینل پیٹھ 2 ستمبر 2022 ہس منز شائع ویڈیو رپورٹ۔ یتھ منز بجنور ایکسپریس رپورٹر نسیم احمد وائرل تصویر منز نظر یِنہ والس بچس تہ امہِ سنزہِ ماجِ ہس سآتِ کتھ باتھ کران یوان چُھ وچھنہ۔

رپورٹس منز چُھ آمت وننہ زہِ بچہ چھُ بھارت کسِ شہر نجیب آباد کسِ سہانپور علاقس سآتِ تعلق تھاوان، تہ سٹریٹ لائٹِ تل تعلیم حاصل کرن والسِ امسِ بچہ سُند ناو چُھ محمد ایشان۔ ایشان چُھ سرکاری سکولس منز زیر تعلیم تہ گھرس منز بجلی نہ آسنہ کنِ چُھ یہ بچہ سکولچ کآم سٹریٹ لائٹِ تَل کران۔

بجنور اسپیڈ نیوز نامی یوٹیوب چینلہ پیٹھ تہِ لوبہ اسہِ سٹریٹ لائٹِ تَل تعلیم حاصل کرن والس بچس متعلق رپورٹ۔ یتھ منز الطاف نامی رپورٹر یہ تصویر سوشل میڈیاہس پیٹھ شیئر کرن والس شادابس تہ محمد اشانس سآتِ چُھ کتھ کران۔

اتھ رپورٹس منز چُھ ایشان ونان زہِ یہ چُھ ژورمہ جماژ ہُند طالب علم تہ گھرس منز بجلی نہ آسنہ وجہ چُھ یہ سٹریٹ لائٹِ تَل تعلیم حاصل کران۔ ایشان سنز محنت سان پرنُ وچتھ چُھ شاداب اَمس فوٹو تُلتھ سوشل میڈیاہس پیٹھ شیئر کران۔ یہ فوٹو چُھ وائرل گژھان تہ یمہ پتھ چُھ اتھ متعلق یوان وننہ زہِ یہ فوٹو چُھ بیرون ملککُ۔

لائیو ہندوستان نامی نیوز وئب سائٹ پیٹھ تہ چُھ سٹریٹ لائٹِ تَل تعلیم حاصل کرن والس ایشانس متعلق رپورٹ 4 ستمبر شائع گمژ۔ اتھ رپورٹس منز تہِ چُھ وننہ آمتُ زہِ یہ تصویر چھِ نجیب آباد کسِ سہانپور علاکچ۔

Conclusion

لہذا گو نیوز چیکر تحقیقات سآتِ ثابتِ زہِ یہ تصویر چھِنہ مصرچ کینہ، بلکہ چھ یہ بھارت کسِ بجنورس منز واقع نجیب آباد کسِ سہانپور علاقچ۔

Result: False

نوٹ: کنہِ تہِ شک آور خبرءِ ہند تحقیق،ترمیم یا دیگرتجویزو خاطرء سوزیو پننِ رائے دیتمتسِ واٹس ائپ نمبرس پیٹھ۔9999499044

Authors

Abrar Bhat