Authors
نیوزی لینڈس منز آیہہ بدھ وارِ دوہ زلزلکِ جھٹکہ محسوس کرنہ۔ میڈیا رپورٹو مطابق چھِ بنیولچ شدت ریکٹر سکیلس پیٹھ 6.1 آمژ ریکارڈ کرنہ، تاہم چُھنہ امہِ بنیولِ سآتِ کانہہ جانی یا مالی نقصان سپُدمتُ۔
سوشل میڈیاہس پیٹھ چھِ نیوزی لینڈس منز بنیول گژھ نچ یہ تصویر صارِفو تہ میڈیا ادارو طرفہ آمژ شیئر کرنہ۔
بول نیوز نامی اکِ پاکستانی ادارن چھِ ٹویٹر تہ نیوز رپورٹس ساتِ نیوزی لینڈس منز بنیول گژھ نچ یہ تصویر تازء ونتھِ شیئر کرمژ تہ کیپشنس منز چُھ تِمو لیکوھمتُ زہِ ‘نیوزی لینڈس منز 6.1 شدت سان خوفناک بنیول’۔
یہ تصویر چھِ آمژ فیس بُکس پیٹھ صارِفو طرفہ تہِ شیئر کرنہ۔ یِمن ہُند لنکِ توہیِ ہیکیو یتیتھ، یتیتھ، یتیتھ تہ یتیتھ وچتھِ۔
Fact Check/ Verification
اتھ تصویرِ متعلق کرو نیوز چیکرن تحقیقات زہِ کیا واقعی چھا یہ نیوزی لینڈس منز تازء بنیول گژھ نچ تصویر؟ امہِ خاطرء کئرِ اسہِ یہ تصویر ریورس امیج سرچ تہ سرچِ دوران آئیہ اسہِ سیٹھا میڈیا رپورٹ لبنہ۔
سی بی ایس نیوز وئب سائٹ پیٹھ 13 نومبر 2016 ہس منز شائع اکسِ رپورٹس منز آئیہ اسہِ یہ تصویر لبنہ، تہ رپورٹس منز چُھ وننہ آمتُ زہِ ‘کرائسٹ چرچس قریب 7.8 شدت سان بنیول یمہ وجہ سونامی گئیہ شروع’۔
رپورٹس منز چُھ مزید وننہ آمتُ زہِ ‘زلزل سآتِ گو عمارتن نقصان تہ ساحلی علاقن منز روزن والین چُھ آمتُ وننہ زہِ تِمہ کرن سونامی ہنز لہرن نش بچنچ کوشش’۔
نیوزی لینڈ ہیرالڈ وئب سائٹِ پیٹھ تہِ چُھ اتھ سلسلس منز 13 نومبر 2016 ہس منز اکھ رپورٹ آمژ شائع کرنہ۔ یتھ منز وننہ چھ آمتُ زہِ 7.5 شدت سان بنیولکِ آفٹر شاکس رودِ راتس جاری یمہِ سآتِ سہرس معمولی پیٹح درمیانی درجکُ نقصان سپُد۔
امہِ علاؤ آیہ اسہِ سیٹھا میڈیا رپورٹ لبنہ یِمن منز یہ تصویر چھِ آمژ شائع کرنہ تہ یِمہ رپورٹ چھِ آمتِ 2016 ہس منز شائع کرنہ۔ رپورٹن ہُند لنکِ ہیکیو توہیِ یتیتھ، یتیتھ تہ یتیتھ وچتھِ۔
یتہِ پریو: بچوں کی یہ تصویر ترکی کی نہیں بلکہ شام کی ہے
Conclusion
نیوز چیکر کسِ تحقیقاتس منز گو ثابتِ زہِ نیوزی لینڈس منز وننہ یوان بنیولچ تصویر چھِ دراصل 2016 ہچ۔ یُس تازء بنیولچ ونتھِ یوان چھِ شیئر کرنہ۔
Result: Missing Context
نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044
