Authors
بھارتی جنتا پارٹی ممبر پارلیمنٹ وِنے ٹنڈولکرن چھِ فوجی ہونِ سنزِ اکھ تصویر شیئر کرتھِ دعویٰ کورمتُ زہِ فوجی ہون آو جموں و کشمیر کسِ بارہمولہ تہ شوپیانس منز تازء انکاونٹرو منز اکسِ دوران ہلاک کرنہ۔
بھارتی فوجچ حوصلہ افزائی کران چُھ تِمو لیکوھمتُ زہِ یہ ہون آو کشیر منز تازء تصادمس دوران ہلاک کرنہ۔
Fact check/ Verification
نیوز چیکرن کور تحقیقات خاطرء یہ تصویر گوگل ریورس امیج سرچ تہ اسہِ آو لبنہ زہِ یہ فوجی ہون چُھ گومتُ 30 جولائی 2022 ہس منز بارہمولہ ہس منز فوج تہ ملی ٹینٹن درمیان انکاونٹرس دوران مارء۔
گوگل سرچ دوران آئی اسہِ وِیان نیوز ویب سائٹِ پیٹھ اتھ تصویر سان 31 جولائی 2022 منز شائع اکھ رپورٹ لبنہ، یتھ منز وننہ چُھ آمتُ زہِ فوجی ہون چُھ آمتُ بارہمولہ ہس منز تصادمس دوران تمہِ سات ہلاک کرنہ، یلہِ یہ آوس آمتُ ملی ٹینٹن ہُند پتہ کرنہ خاطرء سوزنہ آمتُ۔
تحقیقاتس دوران آئی اسہِ لبنہ سیٹھا رپورٹ یمن منز یہِ تصویر چھِ آمژ رپورٹ سان شیئر کرنہ۔ رپورٹن منز چُھ وننہ آمتُ زہِ یہ ہون آو بارہمولہ ہس منز 30 جولائی 2022 اکسِ انکوانٹرس دوران ہلاک کرنہ۔
رپورٹن ہُند لنک ہیکیو توہیِ یتیتھ، یتیتھ تہ یتیتھ وچتھ۔
ٹویٹرس پیٹھ سرچِ دوران آئی اسہِ سیٹھا پوسٹ لبنہ، یِمہ 2 ریتھ برونہہ چھِ آمتِ شیئر کرنہ۔ یمن منز تہِ چُھ وننہ آمتُ زہِ یہ چُھ 30 جولائی 2022 ہس منز انکوانٹرس دوران ہلاک آمتُ کرنہ۔
ٹویٹن ہُند لینکِ ہیکیو توہیِ یتیتھ، یتیتھ تہ یتیتھ وچتھ
تحقیقاتس دوران آئی اسہِ ہونِ سنزِ ہلاکت پت اعزازی تقریب ہُند ویڈیو تہِ لبنہ۔
ڈیلی ایکسلشیر افیشل یوٹیوب چینلِ پیٹھ چُھ ہونِ سنزِ اعزازی تقریب ہُند ویڈیو آمتُ شیئرکرنہ۔
ویڈیو کسِ ڈسکرپشنس منز چُھ لیکتھِ زہِ “فوجی ہون ایکسل سندسِ ہلاکت کس سلسل منز چھِ تقریب ہُند سنز آمتُ کرنہ۔ یہ فوجی ہون آو وادی کشیر منز آتھوارِ دوھ دہشت گردی مخلاف مہم منز اکسِ عمارتِ ہنز صفائی دوران ہلاک کرنہ۔ فوج کیو اعلیٰ عہددارو کور امسِ ہونِس خراج پیش”۔
ویڈیو ون ہُند لینک ہیکیو توہی یتیتھ، یتیتھ تہ یتیتھ وچتھ۔
امہِ علاؤ چھِ آمژ بارہمولہ تہ شوپیاںس منز تازء انکاونٹرن متعلق کشمیر پولیس کسِ ٹویٹر ہینڈلس پیٹھ تہِ دینہ۔ ٹویٹس منز چھنہ آمژ کانہہ معلومات دینہ زہِ انکاونٹرس دوران آو فوجی ہون ہلاک کرنہ۔
تازء انکوانٹرن منز فوجی ہونِ ہلاکژ متعلق چھنہ آمتُ میڈیا رپورٹن منز تہ آمتُ کانہہ ذکر کرنہ۔
ہندوستان ٹائمز وئب سائٹ پیٹھ چھِ بارہمولہ ضلعس منز انکاونٹرس متعلق رپورٹس شائع گمژ، اتھ رپورٹس منز تہِ چھنہ فوجی ہونِ سنزِ ہلاکت ہُند کانہہ ذکر آمتُ کرنہ۔
میڈیا رپورٹن ہُند رلنک ہیکیو توہیِ یتیتھ، یتیتھ تہ یتیتھ وچِتھ
یِتیِ پریو: https://newschecker.in/fact-check/viral/house-destroyed-in-baramulla-encounter: بارہمولہ تازء تصادمس منز فوجی ہونِ سنزِ ہلاکتچ افواء غلطConclusion
لہذا گو سآنسِ تحقیقاتس منز ثابتِ زہِ بی جے پی، ایم پی وِنے ٹیںڈولکر سندِ طرفہ شیئر کرنہ آمژ تصویر چھِ پرانِ، تہ یہ ہون چھنہ بارہمولہ ہس منز تازء انکوانٹرس دوران ہلاک کرنہ کینہ۔
Result: Partly False
Our Sources
Report by Wion, Dated July 31, 2022
Report by Excelsior News Dated July 31, 2022
Report by Hindustan times, Dated September 30, 2022
Report by Economic Times, Dated September 30, 2022
If you would like us to fact check a claim, give feedback or lodge a complaint, WhatsApp us at 9999499044 or email us at checkthis@newschecker.in. You can also visit the Contact Us page and fill out the form.
