پاکستان فوجی جنرل آصف غفور سُند بیان غلط حوالہ سان وائرل

Authors

Abrar Bhat

پاکستانِ فوجکِ میجر جنرل آصف غفور سُند اکھ ویڈیو چُھ سوشل میڈیاہس پیٹھ وائرل گژھان تہ ویڈیو وس متعلق چُھ صارِفینن ہُند دعویٰ زہِ آصف غفورن چُھ عمران خان سندِ ناؤ دھمکی آمیز بیان جاری کورمتُ۔

میجر جنرل آصف غفورنُ ویڈیو چُھ فیس بُک پیج بیسٹی کلب پیجس پیٹھ شیئر کرتھِ تہ ویڈیو کسِ کیپشنس منز چُھ لیکتھِ زہِ ‘بریکنگ نیوز آصف غفورن چھِ پریس کانفرنس طلب کرمژ تہ ونن زہِ عمران خان اگر دوئمہِ سات باجوا ہس خلاف کینہہ تہ ونِ تہ سوُ ییہِ نہ تراونہ کینہہ’۔

ویڈیوکُ لنک ہیکیو توہیِ یتیتھ تہ یتیتھ وچتھِ۔

Fact Check/ Verification

میجر جنرل آصف غفور سندسِ ویڈیو کسِ بارس منز حقیقت زاننہ خاطرء بور اسہِ مکمل ویڈیو دھیان سان تہ اتہِ لوگ پتہ زہِ آصف غفورن چُھنہ ویڈیوس منز عمران خانس متعلق کانہہ تہِ ذکر کورمتُ۔ اتھ برعکس چُھ تِمو پستون تحفظ مومنٹ پارٹٰ متعلق سوالات کھڑا کرِمتِ۔ یتیتھ تور اسہِ فکرِ زہِ ویڈیوس متعلق چُھ غلط دعویٰ یوان کرنہ۔

امہِ ویڈیوکُ فُل ورژن زاننہہ خاطرء کور اسہِ وائرل ویڈیو اِنوڈِ ٹول کہِ مدد ساتِ کیفریمن منز تقسیم تہ امہِ منز کرِ کینہہ کیفیرم گوگل ریورس امیج سرچ۔

سرچِ دوران لوب اسہ یہوے ویڈیو 24 نیوز ایچ ڈی یوٹیوب چینلِ پیٹھ، یتین یہ ویڈیو چُھ 29 اپریل 2019 ہس منز اپلوڈ کرنہ۔ امہ ساتِ گو صاف زہِ ویڈیو چُھ 2019 ہس منز آمتُ شائع کرنہ۔ ویڈیو کسِ کیپشنس منز چُھ لیکتھِ زہِ آصف غفورن کرِ پی ٹی ایم بے نقاب۔   

امہِ پتہ کئرِ اسہِ باقی کیفیرم گوگل ریورس امیج سرچ، تہ اتھ دوران آؤ اسہِ لبنہ ویڈیوکُ فل ورژن، یتھ منز آصف غفور صحافین ساتِ چُھ کتھ بات کران۔ مکمل ویڈیوس منز تہِ چُھنہ آصف غفورن عمران خان سُند ذکر کورمتُ کینہہ۔ فُل ویڈیوس منز چُھ میجر جنرل غفورن ملکی سیکورٹی تہ پی ٹی ایم پارٹی متعلق کتھ کرمژ تہ آخرس پیٹھ صحافین ہندِ طرفہ پرژھنہ آمتین سوالن جواب دیوتمتُ۔

فُل ویڈیوکُ لنک ہیکیو توہیِ یتیتھ وچتھِ

مزید پریو: پاکستانس منز آصف غفور سندِ حوالہ مارشل لاء نآفذ کرنچ خبر بے بنیاد

Conclusion

نیوز چیکر کسِ تحقیقاتس منز گو ثابتِ زہِ میجر جنرل آصف غفورن چُھنہ وائرل ویڈیوس منز عمران خان سندِ ناو کانہہ تہِ دھمکی آمیز الفاظن ہُند استعمال کورمتُ۔ دراصل چُھ یہ ویڈیو 2019 ہُک تہ تمہِ سات اوس عمران خان پاکستانکُ وزیر اعظم۔

Result: Missing Context

کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in

Authors

Abrar Bhat