کرکٹ شایئقینن ہندِ طرفہ جشن مناؤنکُ ویڈیو غلط دعویٰ سان وائرل

Authors

Abrar Bhat

ٹی20 ورلڈکپ 2022 کسِ سیمی فائنلس منز پاکستان کہِ نیوزی لینڈس نشِ زیننہ پتھ چھِ سوشل میڈیاہس پیٹھ جش مناونکِ سیٹھا ویڈیو وائرل گژھان۔ اَکِ سوشل میڈیا صارفن چُھ اکھ ویڈیو شیئر کؤرمتُ یتھ منز لُکھ چھِ ہندوستان تہ پاکستانکُ جھنڈ اتھس منز رٹتھِ جشن مناوان۔ اکِ صارفن چُھ یہ ویڈیو شیئر کرتھِ لیکوھمتُ زہِ “پاک بھارت جڑواں بائی بارنِِین ہُند محبت، وچِھو کِتھ کنِ چھِ بھارتکِ لُکھ پاکستان چہِ زیننچِ خوشی مناوان۔ پاکستانیِ تہِ چھِ یژھان زہِ انڈیا گؤژھ انگلینڈس نشِ زیتھِ فائنلس منز پاکستانس مدِمقابل واتُن۔ سیٹھا مز یِیئہ۔ پاک انڈیا کرکٹ دوستی زندہ باد”۔

یمہ ویڈیو چھِ ٹی20 ورلڈکپ سیمی فائنلس منز پاکستان کہِ نیوزی لینڈس نشِ زیننہ پتہ پاکستانی صارِفن ہندِ طرفہ شیئر یوان کرنہ۔ اتھِ پسِ منظرس منز چُھ یھ ویڈیو تہِ شیئر یوان کرنہ۔

Fact Check/ Verification

پاکستان کہِ نیوزی لینڈس نشِ زیننہ پَتہ جشن مناونکِ اَمہِ ویڈیوچِ حقیقت زاننہ خاطرء کور اسہِ یہ ویڈیو انوڈ سافٹ ویئرکِ مدد تہ ساتِ یہ ویڈیو کیفریمن منز تقسیم، تہ امہ منز کرِ اسہِ کینہ فریم گوگل ریورس امیج سرچ۔ سرچِ دوران آئی اسہِ لبنہ نیوز18 وئب سائٹِ پیٹھ 25 اکتوبر 2022 ہس منز شائع اکھ رپورٹ، رپورٹس ساتیِ آئی یہ ویڈیو تہِ لبنہ۔

رپورٹس منز چُھ آمتُ ونہ زہِ وائرل ویڈیو چُھ ملبورین کرکٹ گراونڈس متصل ٹی20 ورلڈکپ انڈیا-پاکستانس میچس دوران آمتُ تُلنہ، یمہ ساتہ دونونِ ملکن ہندِ مداح آسہ پننہِ پننہِ ملکن ہندِ جھنڈ ہیتھ کوک اسٹوڈیوکُ مشہور ریکارڈ گیوان۔یتین آؤ تور اسہِ فکرِ زہِ یہ چُھنہ پاکستان کہِ نیوزی لینڈس نشِ زیننہ پتھ ویڈیو۔

سرچس دوران آؤ اسہِ اسکرول نیور، دی کونٹ تہ مرر ناؤ چہِ یوٹیوب چینلِ پیٹھ تہِ یہ ویڈیو لبنہ۔ یُس 23 اکتوبر 2022 ہس منز اپلوڈ چُھ آمتُ کرنہ۔

امہِ علاؤ چُھ یہ ویڈیو ڈسکور پاکستان یوٹیوب چینلِ پیٹھ تہ اپلوڈ آمتُ کرنہ تہ اتھ پیٹھ دینہ امژِ معلومات مطابق چُھ ییہ ویڈیو آسٹریلیا کسِ ایم سی جی کرکٹ گراؤنڈس نیبرہ کنِ بھارت تہ پاکستانس درمیان کرکٹ شایئقینن ہندِ طرفہ رقص یوان کرنہ۔ توہیِ آسنِ ژیتس زہِ پاکستان تہ نیوزی لینڈس درمیان ٹی20 ورلڈکپ سیمی فائنل آؤ 9 نومبر 2022 ہس منز سڈنی منز گندنہ۔

Conclusion

یِتھ کنِ واتیِ اسہِ اَتھ نتیجس پیٹھ زہِ یہ ویڈیو چُھنہ پاکستان کہِ نیوزی لینڈس نشِ زیننہ پتہ آمتُ تلنہ۔ بلکہ چُھ یہ میل بورن کرکٹ گراونڈس منز بھارت-پاکستانس درمیان گندنہ آمتِ ٹی20 ورلڈکپ میچکُ۔ لہذا چُھ ویڈیوس سآتِ کرنہ یوان دعویٰ غلط۔

Result: Partly False

کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in

Authors

Abrar Bhat