کیا ایرانس منز چھا حجاب کسِ حمایتس منز ریلی ہئند انعقاد آمتُ کرنہ؟

Authors

Abrar Bhat

سوشل میڈیا پیٹھ چھِ خواتینن ہنزِ ریلی ہنز اَکھ تصویر وائرل گژھان یتھ متعلق وننہ چُھ یوان زہِ یہ چھِ ایرانس منز حجاب کسِ حمایتس منز یوان ریلی ہند انعقاد کرنہ۔

فیس بُکس پیٹھ چُھ اکِ صارفن یہ تصویر سیئر کرِتھ اردُو وس منز لیکوکھمتُ زہِ “مغربی میڈٰیاہس تہ مقامی آزاد خیال لکن چُھ کینہ این جی او زدہ خواتینن ہند احتجاج اَتھِ یوان مگر لچھن ہندس تعدادس منز حجاب کسِ حقس منز سڑکن پیٹھ خواتینن ہند احتجاج چُکھ نہ اَتھِ یوان کینہ”۔     

Fact Check/Verification

یہ تصویر کئر گوگلس پیٹھ ریورس امیج سرچ۔ تہ اَسِ لبہ اتِ کردست نیوز نامی ویب پیٹھ 19 جولائی 2021 ہس منز شائع اکھ رپورٹ۔ رپورٹس سآتِ آسئ خواتینن ہنزِ ریلی ہنز یہ تصویر تہ۔ اَسِ لوگ پتہ زہِ یہ تصویر چھِ ایرانچِ مگر حجاب معاملس سآتِ چُھنہ اتھ تصویر کانہہ تہِ تعلقُ۔

امہِ پتھ کور اَسِ اتھ تصویر سآتِ انگریزی یس منز کینہ کیورڈ سرچ۔ اسہِ لئبہ دی واشنگٹن ٹائمز ویب سائٹِ پیٹھ 30 دسمبر 2017 ہس منز شائع اکھ رپورٹ۔ یتھ منز حواتینن ہنزِ ریلی ہنز یہ تصویر تِہ سیئر کرتھِ۔ رپورٹس منز دینہ آمژِ معلومات مطابق چھِ یہ تصویر ایران کس شہر تہرانس منز 30 دسمبر 2017 ہس منز ایرانی حکومت کسِ حقس منز خواتینن ہنزِ ریلی کڑنہ آمژ۔

رپوٹس منز چھِ معلومات دِیتھ زہِ ایرانس منز معاشی حالت خراب گژھنہ پتہ کور عوامن حکومتس خلاف احتجاج، تہ امہِ احتجاج کسِ جوابس منز کور کینہ لکو حکومت کسِ حمایتس منز ریلی ہند انعقاد۔

مزید سرچِ دوران لوبہ اسہِ ایسوسی ایٹ پریس ویب سائٹِ پیٹھ 30 دسمبر 2017 ہچ اکھ رپورٹ اتھ رپورٹس سآتِ آسئِ یہ تصویر شائع کرنہ آمژ۔ اتھ رپورٹس منز تہِ چھُ خواتینن ہنزِ ریلی متعلق وننہ آمتُ زہِ یہ چھِ ایرانی حکومت کسِ حمایتس منز انعقاد کرنہ آمژِ ریلی۔

Conclusion

لہذا گو سانسِ تحقیقاتس منز ثابت زہِ یہ خواتینن ہنزِ ریلی چھنہ حجاب کسِ حمایتس منز کینہ، بلکہ یہ چھِ 2017 ہس منز ایرانی حکومت کسِ حقس منزانعقاد کرنہ آمژِ ریلی ہنزِ تصویر۔

Result: False

If you would like us to fact-check a claim, give feedback, or lodge a complaint, WhatsApp us at 9999499044 or email us at checkthis@newschecker.in. You can also visit the Contact Us page and fill out the form.

Authors

Abrar Bhat