Sunday, June 16, 2024
Sunday, June 16, 2024

HomeViralکیا یہ چھا توانگس منز چین بھارت تازء کشیدگی ہنزِ تصویر؟

کیا یہ چھا توانگس منز چین بھارت تازء کشیدگی ہنزِ تصویر؟

ہندوستان چین تازء کشیدگی ہندِ حوالہ چھِ سوشل میڈیاہس پیٹھ واریاہ ویڈیوز تہ تصویر وائرل گژھان۔ یمن متعلق دعویٰ چُھ یوان کرنہ زہِ یہِ چُھ دون ملکن ہندسِ فوجس درمیان توانگ علاقس منز جھڑپن ہندِ۔

سوشل میڈیا تہ نیوز میڈیا ادارو اتھ سلسلس مینز اکھ تصویر وائرل کرمژ یتھ متعلق دعویٰ چُھ یوان کرنہ زہِ یہ چُھ توانگ علاقس منز چین تہ بھارتس درمیان کشیدگی ہُند ویڈیو۔

اکِ ٹویٹر صارفن چُھ تصویر شیئر کرتھِ لیوکھمتُ زہِ یہ چُھ چین تہ بھارت فوجس درمیان توانگس منز جھڑپ۔

یتھی کنِ چُھ بھارتکِ معروف میڈیا ادارء ای ٹی وی بھارت تہِ اکسِ رپورٹس منز یہ تصویر شیئر کرتھِ اتھ توانگس منز دون ملکن درمیان حالیِ جھڑپِ ہُند ونتھِ شیئر کران۔ میڈیا ادارن چُھ تصویر متعلق لیوکھمتُ زہِ ‘اروناچل پردیشس کسِ توانگ علاقس منز 9 دسمبر چینی پیپلز لبریشن آرمی سآتِ جھڑپِ دوران زخمی 6 بھارتی فوجی گوہاٹی ہندسِ واششٹ علاقس منز 151 بیس اسپتالس منز داخل آمتِ کرنہ۔ خبرو کنِ چھِ اتھ دوران دونونِ ملکن ہندِ فوجی زخمی گمتِ’۔

ہندوستان چین تازء کشیدگی
Courtesy: Screengrab from Etv Bharat

وائرل تصویر ہُند لنک ہیکیو توہیِ یتیتھ تہ یتیتھ وچتھِ۔

Fact Check/ Verification

ہندوستان چین تازء کشیدگی وننہ یوان اتھ تصویر متعلق پوز زاننہ خاطرء کور نیوز چیکرن تحقیقات خاطرء یہ تصویر کینہہ کیورڈن سان گوگلس منز سرچ۔ اتھ دوران آئی اسہِ فوجس درمیان جھڑپِِ ہندِ سیٹھا رپرٹ لبنہ۔

وائس آف امریکہ وئب سائٹِ پیٹھ شائع اکسِ رپورٹس سآتِ چھِ آمژ یہ تصویر شائع کرنہ۔ تہ تصویرِ ہندسِ کیپشنس منز چُھ آمتُ لیکھنہ زہِ یہ تصویر چھِ 2020 منز ہندوستان تہ چین کسِ فوجس درمیان گژھن واجنِ جھڑپن ہُند۔ امہِ رپورٹ ساتِ آؤ اسہِ لبنہ زہِ یہ چھِ پرآنِ تصویر۔

بھارت چین حالیہ کشیدگی
Courtesy: Screengrab from Voice of America

امہ علاؤ آئی اسہِ سرچس دوران یہ تصویر دکن ہیرالڈ وئب سائٹ پیٹھ اکس رپورٹس ساتِ لبنہ، تصویر ہندسِ کیپشنس منز چُھ آمتُ وننہ زہِ یہِ تصویر چھِ جون 2020 منز گلوان وادی منز ہندوستان تہ چین کسِ فوجس درمیان جھڑپ ہنزِ تصویر۔

Courtesy: Screengrab from Deccan Herald

ہندوستان ٹائمز وئب سائٹ پیٹھ تہِ چُھ 23 نومبر 2021 ہس شائع رپورٹس یہ تصویر شیئر کرنہ آمژِ۔

Courtesy: Screengrab from Hindustan Times

Conclusion

لہذا گئیِ یہِ کتھ صاف زہِ یہ تصویر چھِ دراصل 2020 منز دوشونِ ملکن ہندسِ فوجس درمیان گلوان وادی منز گژھن واجنِ جھڑپن ہنز، تہ اتھ تصویرِ چُھنہ توانگ علاقس منز ہندوستان چین تازء کشیدگی سآتِ کانہہ تہ تعلق۔

Result: Missing Context

Our Sources


Report by Voice Of America, Dated January 07, 2022
Report by Deccan Herald Dated December 14, 2022
Report by Hindustan Times Dated November 23, 2021


نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔9999499044

LEAVE A REPLY

Please enter your comment!
Please enter your name here

Most Popular