ಹೈದರಾಬಾದ್‌ನಲ್ಲಿ ಮೆಸ್ಸಿ ಸ್ವಾಗತಕ್ಕೆ ಬೃಹತ್ ಜನಸಮೂಹ ಎಂದು ಹಳೆಯ ವೀಡಿಯೋ ವೈರಲ್

Claim

ಹೈದರಾಬಾದ್‌ಗೆ ಆಗಮಿಸಿದ ಅರ್ಜೆಂಟೀನಾದ ಫುಟ್‌ಬಾಲ್ ಸೂಪರ್‌ಸ್ಟಾರ್ ಲಿಯೋನೆಲ್ ಮೆಸ್ಸಿ ಅವರನ್ನು ಸ್ವಾಗತಿಸಲು ಬೃಹತ್ ಜನಸಮೂಹ ಸೇರಿರುವುದನ್ನು ತೋರಿಸುವ ವೈರಲ್ ವೀಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿದೆ.

Fact

ವೈರಲ್ ಕ್ಲಿಪ್‌ನ ಕೀಫ್ರೇಮ್‌ಗಳನ್ನು ತೆಗೆದು  ರಿವರ್ಸ್ ಇಮೇಜ್ ಸರ್ಚ್ ಮಾಡಿದ್ದು, @adarshogirala__ಎಂಬ ಬಳಕೆದಾರರು ನವೆಂಬರ್ 26, 2025 ರಂದು ಮಾಡಿರುವ ಪೋಸ್ಟ್ ಲಭ್ಯವಾಗಿದೆ. ಈ ಪೋಸ್ಟ್ ನಲ್ಲಿ ಅದೇ ದೃಶ್ಯವಿದ್ದು, ಇದು ಮೆಸ್ಸಿ ಡಿಸೆಂಬರ್ 2025 ರಲ್ಲಿ ಹೈದರಾಬಾದ್‌ಗೆ ಭೇಟಿ ನೀಡುವುದಕ್ಕಿಂತ ಹಿಂದಿನದು ಎಂದು ದೃಢಪಡಿಸುತ್ತದೆ. 

Also Read: ಭಯೋತ್ಪಾದಕ ದಾಳಿ ಬಳಿಕ ಪಾಕಿಸ್ತಾನಿಗಳ ವೀಸಾ ರದ್ದು? ಆಸ್ಟ್ರೇಲಿಯಾ ಪ್ರಧಾನಿ ಎಐ ವೀಡಿಯೋ ವೈರಲ್

@lokeshreddy_000 ಎಂಬ ಬಳಕೆದಾರರು  ಆಗಸ್ಟ್ 15, 2025 ರಂದು ಮಾಡಿರುವ ಎಕ್ಸ್ ಪೋಸ್ಟ್ ಕೂಡ ಅದೇ ವೀಡಿಯೋವನ್ನು ಹೊಂದಿದ್ದು, ಅಲ್ಲು ಅರ್ಜುನ್ ಅಭಿನಯದ ಪುಷ್ಪ 2 ಚಿತ್ರದ ಪ್ರಚಾರ ಕುರಿತಾದದ್ದು ಎಂದು ತಿಳಿದುಬರುತ್ತದೆ.  

ವೀಡಿಯೋವನ್ನು ಸೂಕ್ಷ್ಮವಾಗಿ ಪರಿಶೀಲಿಸಿದಾಗ, ನಟ ಅಲ್ಲು ಅರ್ಜುನ್ ಜನಸಮೂಹದ ನಡುವೆ ನಿಂತಿರುವುದು ಕಂಡುಬಂದಿದೆ.

ಹೆಚ್ಚಿನ ಪರಿಶೀಲನೆ ನಡೆಸಿದ ಬಳಿಕ ಡಿಸೆಂಬರ್ 4, 2024 ರಂದು ಯೂಟ್ಯೂಬ್ ಚಾನೆಲ್ ಹೈದರಾಬಾದ್ ಮೋಡ್  ಹಂಚಿಕೊಂಡ ವೀಡಿಯೋ ಲಭ್ಯವಾಗಿದೆ. ಇದು ಪುಷ್ಪ 2: ದಿ ರೂಲ್ ಚಿತ್ರದ ಪ್ರಥಮ ಪ್ರದರ್ಶನಕ್ಕಾಗಿ ಹೈದರಾಬಾದ್‌ನ ಸಂಧ್ಯಾ ಥಿಯೇಟರ್‌ಗೆ ಅಲ್ಲು ಅರ್ಜುನ್ ಅವರು ಪ್ರವೇಶಿಸಿದಾಗ ಅವರನ್ನು ಸ್ವಾಗತಿಸುತ್ತಿರುವ ಜನಸಮೂಹದ ದೃಶ್ಯ ಎಂದು ತಿಳಿದುಬಂದಿದೆ.

ಇದರ ಜೊತೆಗೆ, ಡಿಸೆಂಬರ್ 5, 2024 ರಂದು NewsBuzz ಪ್ರಕಟಿಸಿದ YouTube ವೀಡಿಯೋದಲ್ಲಿ ಅಲ್ಲು ಅರ್ಜುನ್ ಚಿತ್ರದ ಪ್ರೀಮಿಯರ್‌ಗಾಗಿ ಸಂಧ್ಯಾ ಥಿಯೇಟರ್‌ಗೆ ಆಗಮಿಸುತ್ತಿರುವುದನ್ನು ತೋರಿಸುವ ದೃಶ್ಯಗಳನ್ನು ಸಹ ತೋರಿಸಲಾಗಿದೆ. ಪುಷ್ಪಾ 2 ಪ್ರೀಮಿಯರ್‌ಗಾಗಿ ನೆರೆದಿದ್ದ ಜನಸಂದಣಿಯನ್ನು ಸೆರೆಹಿಡಿಯುವ ದೃಶ್ಯಗಳನ್ನು ಸಂಧ್ಯಾ ಥಿಯೇಟರ್‌ನ ಸುತ್ತಮುತ್ತಲಿನ ವೈರಲ್ ಕ್ಲಿಪ್ ಅನ್ನು ನಾವು ಜಿಯೋಲೊಕೇಟ್ ಮಾಡಲು ಸಹ ಸಾಧ್ಯವಾಗಿದೆ.

ಸತ್ಯಶೋಧನೆ ಪ್ರಕಾರ ವೈರಲ್ ವೀಡಿಯೋದಲ್ಲಿ ಲಿಯೋನೆಲ್ ಮೆಸ್ಸಿ ಹೈದರಾಬಾದ್‌ಗೆ ಆಗಮಿಸುತ್ತಿರುವುದನ್ನು ತೋರಿಸಲಾಗಿಲ್ಲ, ಬದಲಾಗಿ, ಪುಷ್ಪ 2: ದಿ ರೂಲ್ ಚಿತ್ರದ ಪ್ರಥಮ ಪ್ರದರ್ಶನದ ಸಮಯದಲ್ಲಿ ಸಂಧ್ಯಾ ಥಿಯೇಟರ್‌ನಲ್ಲಿ ಅಲ್ಲು ಅರ್ಜುನ್ ಕಾಣಿಸಿಕೊಂಡಿರುವುದನ್ನು ತೋರಿಸಲಾಗಿದೆ.

Also Read: ಸುಧಾಮೂರ್ತಿ ಹೂಡಿಕೆ ವೇದಿಕೆ ಬೆಂಬಲಿಸುವ ವೀಡಿಯೋ ಎಐ ಸೃಷ್ಟಿ

Our Sources
X Post By @adarshogirala__, Dated November 26, 2025

X Post By @lokeshreddy_000, Dated August 15, 2025

YouTube Video By Hyderabad Mode, Dated December 4, 2024

YouTube Video By  NewsBuzz, Dated December 5, 2024

(ಈ ವರದಿಯನ್ನು ಮೊದಲು ನ್ಯೂಸ್‌ಚೆಕರ್ ಇಂಗ್ಲಿಷ್ ನಲ್ಲಿ ಪ್ರಕಟಿಸಲಾಗಿದ್ದು, ಅದು ಇಲ್ಲಿದೆ)