Authors
Sabloo Thomas has worked as a special correspondent with the Deccan Chronicle from 2011 to December 2019. Post-Deccan Chronicle, he freelanced for various websites and worked in the capacity of a translator as well (English to Malayalam and Malayalam to English). He’s also worked with the New Indian Express as a reporter, senior reporter, and principal correspondent. He joined Express in 2001.
Claim:സൗദിയിൽ സ്ഥാപിച്ച നരേന്ദ്ര മോദിയുടെ സ്വർണ്ണ പ്രതിമ.
Fact:ഈ പ്രതിമ ഗുജറാത്തിൽനിന്നുള്ളതാണ്.
സൗദിയിൽ നരേന്ദ്ര മോദിയുടെ സ്വർണ്ണ പ്രതിമ സ്ഥാപിച്ചുവെന്ന് അവകാശപ്പെടുന്ന ഒരു വീഡിയോ ഫേസ്ബുക്കിൽ പ്രചരിക്കുന്നുണ്ട്.
“എല്ലാവരും മെഴുകു പ്രതിമകൾ സ്ഥാപിക്കുമ്പോൾ സൗദിയിൽ ഇന്ത്യൻ പ്രധാനമന്ത്രി നരേന്ദ്ര മോദിയുടെ സ്വർണ പ്രതിമ തന്നെ സ്ഥാപിച്ചിരിക്കുന്നു. കേരളത്തിൽ കുറച്ചു പേർക്ക് ദഹനക്കേട്.. പൊട്ടട്ടെ കുരു.Nb”മോദി മുസ്ലീം വിരോധി ആണത്രേ..പക്ഷെ മുസ്ലീം രാഷ്ട്രങ്ങൾ മോദിയേ പ്രകീർത്തിക്കുന്നു,”എന്നൊക്കെ വിവരങ്ങൾക്കൊപ്പമാണിത് പ്രചരിക്കുന്നത്.
സജിത വാളൂക്കാരൻ എന്ന ഐഡിയിൽ നിന്നും ഈ പോസ്റ്റ് ഞങ്ങൾ കാണുന്നത് വരെ 836 പേർ ഷെയർ ചെയ്തിരുന്നു.
Anoj Kumar Ranny എന്ന ഐഡിയിൽ നിന്നുള്ള പോസ്റ്റിന് 219 ഷെയറുകളാണ് ഞങ്ങൾ കാണും വരെ ഉണ്ടായിരുന്നത്.
Pradeep Kumar എന്ന ഐഡിയിലെ പോസ്റ്റ് 127 പേരാണ് ഞങ്ങൾ കാണും വരെ ഷെയർ ചെയ്തത്.
ഞങ്ങൾ കാണുമ്പോൾ Sreejith Panickar Never Alone എന്ന ഐഡിയിൽ നിന്നുള്ള റീൽസ് 117 പേർ വീണ്ടും ഷെയർ ചെയ്തതായി കണ്ടെത്തി.
ഇവിടെ വായിക്കുക:Fact Check: വ്യാജ സമ്മാന പദ്ധതി സാംസങിന്റെ പേരിൽ പ്രചരിക്കുന്നു
Fact Check/Verification
ഞങ്ങൾ modi golden statue എന്ന് കീ വേർഡ് സേർച്ച് ചെയ്തു. അപ്പോൾ വിഡിയോയിൽ കാണുന്ന മോദിയുടെ പ്രതിമയുള്ള ഉള്ള ഒരു പോസ്റ്റ് ഇന്ത്യൻ എക്സ്‌പ്രസ്സ് പത്രത്തിൽ ജനുവരി 20,2023ന് പ്രസിദ്ധീകരിച്ച റിപ്പോർട്ട് കിട്ടി.
“ഗുജറാത്തിലെ ഒരു ജ്വല്ലറി 18 കാരറ്റ് സ്വർണ്ണത്തിൽ 156 ഗ്രാം ഭാരമുള്ള പ്രധാനമന്ത്രി മോദിയുടെ പ്രതിമ കൊത്തിയെടുത്തുവെന്നാണ്,” റിപ്പോർട്ട് പറയുന്നത്.
“രാജസ്ഥാൻ സ്വദേശിയും കഴിഞ്ഞ 20 വർഷമായി സൂറത്തിൽ സ്ഥിരതാമസമാക്കിയ ആളുമായ ജ്വല്ലറി ഉടമ ബസന്ത് ബോറ, വെലി ബെലി ബ്രാൻഡിന്റെ ഉൽപ്പന്നമായ രാധിക ചെയിൻസിന്റെ ഉടമയാണ്. 4.5 ഇഞ്ച് നീളവും 3 ഇഞ്ച് വീതിയുമുള്ള അദ്ദേഹം നിർമ്മിച്ച പ്രതിമയുടെ ഭാരം 156 ഗ്രാം ആണ്. ബോറയുടെ അഭിപ്രായത്തിൽ, അടുത്തിടെ സമാപിച്ച നിയമസഭാ തെരഞ്ഞെടുപ്പിൽ ബിജെപി നേടിയ 156 സീറ്റുകളെ സൂചിപ്പിക്കാനാണിത്,” റിപ്പോർട്ട് തുടരുന്നു.
ജനുവരി 22,2023 ൽ ദൈനിക്ക് ജാഗരൺ പ്രസിദ്ധീകരിച്ച ഇപ്പോൾ പ്രചരിക്കുന്ന അതേ വീഡിയോയുടെ കാപ്‌ഷൻ, “156 ഗ്രാം ഭാരമുള്ള പ്രധാനമന്ത്രി മോദിയുടെ സ്വർണ്ണ പ്രതിമ ഗുജറാത്തിൽ നിർമ്മിച്ചു,” എന്നാണ്.
അമർ ഉജാല ജനുവരി 20,2023ൽ ഇതേ വീഡിയോ പ്രസീദ്ധീകരിച്ചിട്ടുണ്ട്.
“20 കരകൗശല വിദഗ്ധർ 156 ഗ്രാം ഭാരമുള്ള പ്രധാനമന്ത്രി മോദിയുടെ സ്വർണ്ണത്തിലുള്ള പ്രതിമ മൂന്ന് മാസം കൊണ്ട് നിർമ്മിച്ചു. ഒരു ജ്വല്ലറിയാണ് പ്രധാനമന്ത്രി മോദിയുടെ പ്രതിമ നിർമ്മാണത്തിന് മേൽനോട്ടം വഹിച്ചത്. അതിന്റെ വീഡിയോ ഇപ്പോൾ സോഷ്യൽ മീഡിയയിൽ വൈറലാണ്. 18 കാരറ്റ് സ്വർണത്തിൽ തീർത്ത ഈ പ്രതിമയുടെ ഭാരം 156 ഗ്രാമാണ്. അടുത്തിടെ നടന്ന നിയമസഭാ തെരഞ്ഞെടുപ്പിൽ ബിജെപി നേടിയ ഏകപക്ഷീയ വിജയത്തിന്റെ സ്മരണയ്ക്കായാണ് ഈ പ്രതിമ നിർമിച്ചിരിക്കുന്നത്,” അമർ ഉജാല റിപ്പോർട്ട് പറയുന്നു.
ഇവിടെ വായിക്കുക:Fact Check: ആകാശത്തിൽ ഓടുന്ന കുതിരയുടെ മേഘരൂപം എഡിറ്റഡ് ആണ്
Conclusion
വൈറലായ മോദിയുടെ സ്വർണ്ണത്തിലുള്ള പ്രതിമ നിർമ്മിച്ചത് ഗുജറാത്തിൽ ആണ്, സൗദി അറേബ്യയിൽ അല്ലെന്ന് ഞങ്ങളുടെ അന്വേഷണത്തിൽ തെളിഞ്ഞു.
Result: False
ഇവിടെ വായിക്കുക:Fact Check: മോദിയെ ലോകത്തിലെ മികച്ച പ്രധാനമന്ത്രിയായി യുനെസ്കോ തിരഞ്ഞെടുത്തോ?
Sources
News report in Indian Express on January 20,2023
Youtube video of Dainik Jagaran on January 22,2023
Youtube video of Amar Ujala on January 20,2023
ഞങ്ങൾ ഒരു അവകാശവാദത്തെ കുറിച്ച് വസ്തുത പരിശോധന നടത്തണമെന്നോ ,അതിനെ കുറിച്ചുള്ള ഫീഡ്‌ബാക്ക് നൽക്കണമെന്നോ, അതിനെ കുറിച്ചൊരു പരാതി ഞങ്ങൾക്ക് നൽകണമെന്നോ നിങ്ങൾ ആഗ്രഹിക്കുന്നുവെങ്കിൽ, 9999499044 എന്ന നമ്പറിൽ വാട്ട്‌സ്ആപ്പ് ചെയ്യുക. അല്ലെങ്കിൽ checkthis@newschecker.in ൽ ഇമെയിൽ ചെയ്യുക. നിങ്ങൾക്ക് ഞങ്ങളുടെ കോൺടാക്ട് അസ് പേജ് സന്ദർശിച്ചു പരാതി ഫോം പൂരിപ്പിക്കാനും അവസരം ഉണ്ട്.
Authors
Sabloo Thomas has worked as a special correspondent with the Deccan Chronicle from 2011 to December 2019. Post-Deccan Chronicle, he freelanced for various websites and worked in the capacity of a translator as well (English to Malayalam and Malayalam to English). He’s also worked with the New Indian Express as a reporter, senior reporter, and principal correspondent. He joined Express in 2001.
