ന്യൂസ്‌ ചെക്കറിnറെ പ്രവർത്തനങ്ങളിലൂടെ, സമൂഹത്തിൽ വ്യാജവാർത്തകൾ പ്രചരിപ്പിക്കുന്നത് പരിമിതപ്പെടുത്താനും തടയാനും ഞങ്ങൾ ലക്ഷ്യമിടുന്നു. സോഷ്യൽ മീഡിയയിലെ അറിയപ്പെടുന്ന വ്യക്തിത്വങ്ങൾ, വ്യക്തികൾ, മാധ്യമങ്ങൾ, സമൂഹമാധ്യമ ഉപയോക്താക്കൾ എന്നിവരുടെ പ്രസ്താവനകളും അവകാശവാദങ്ങളും പരിശോധിച്ചുകൊണ്ട് ഞങ്ങൾ സത്യം കണ്ടെത്തുന്നു. സത്യങ്ങളെ പൊതുജനങ്ങളെയും വോട്ടർമാരെയും അറിയിക്കാനും അവരെ ബോധവൽക്കരിക്കാനും മറഞ്ഞിരിക്കുന്ന അജണ്ടകൾ, പ്രചാരണം, തെറ്റായ വിവര പ്രചാരണങ്ങൾ എന്നിവ അവർക്ക് വെളിപ്പെടുത്തികൊടുക്കാനും ഞങ്ങൾ ആഗ്രഹിക്കുന്നു.
പക്ഷപാതമില്ലാത്ത ഒന്നാണ് ഞങ്ങളുടെ ദൗത്യം. ഞങ്ങൾ ആളുകളോടോ പാർട്ടികളോടോ കൂറുള്ളവരല്ല, മറിച്ച് ഞങ്ങളുടെ കൂറ് സത്യത്തോട് മാത്രമാണ്. വസ്തുത പരിശോധിക്കുന്ന സംവിധാനങ്ങൾ വളർന്നു കൊണ്ടിരിക്കുമ്പോൾ പോലും, എണ്ണമറ്റ വാദങ്ങൾ ഇപ്പോഴും പരിശോധിക്കപ്പെടാതെ പോകുന്നു. ഈ വിടവുകൾ നികത്താനുള്ള ശ്രമവുമായി ഞങ്ങൾ ഇവിടെ പ്രവർത്തിക്കുന്നു.
ഒരു സേവനമെന്ന നിലയിൽ ഡിമാൻഡ് ഓൺ ഫാക്റ്റ് ചെക്കിംഗ് എന്ന ഒരു ആശയം രൂപീകരിക്കുകയും അതിന് വേണ്ടി ഞങ്ങൾ പ്രവർത്തിക്കാൻ ആരംഭിക്കുകയും ചെയ്തിട്ടുണ്ട്. ഞങ്ങൾ പിന്തുണയ്ക്കുന്ന ഏത് ഭാഷയിൽ വേണമെങ്കിലും ആർക്കും ഒരു ക്ലെയിം ഞങ്ങളുമായി പങ്ക് വെക്കാം. ഞങ്ങൾ അത് അവർക്കായി പരിശോധിക്കും. വാട്ട്‌സ്ആപ്പ് പോലുള്ള സന്ദേശമയയ്‌ക്കൽ അപ്ലിക്കേഷനുകളിലൂടെയാണ് ഞങ്ങൾ ഇത് ചെയ്യുന്നത്. വസ്തുതാ പരിശോധന സംവിധാനങ്ങൾ എല്ലാവർക്കും പ്രാപ്യമാക്കാൻ ഇത് ഞങ്ങളെ അനുവദിക്കുന്നു. പോരെങ്കിൽ ഞങ്ങളുടെ ജോലി യഥാർത്ഥത്തിൽ താഴെത്തട്ടുവരെ എത്തിക്കാൻ ഇത് ഞങ്ങളെ സഹായിക്കുകയും ചെയ്യുന്നു.
വസ്തുതാ പരിശോധനyക്കുള്ള അവകാശവാദങ്ങൾ അയച്ചു തരാൻ ഞങ്ങളുടെ വായനക്കാരെ ഞങ്ങൾ സ്വാഗതം ചെയ്യുന്നു. ഒരു കഥയോ പ്രസ്താവനയോ ഒരു വസ്തുത പരിശോധനയ്ക്ക് അർഹമാണെന്ന് നിങ്ങൾ വിശ്വസിക്കുന്നുവെങ്കിൽ, അല്ലെങ്കിൽ പ്രസിദ്ധീകരിച്ച ഒരു വസ്തുതാ പരിശോധനയിൽ ഒരു പിശക് സംഭവിച്ചിട്ടുണ്ടെങ്കിൽ, ദയവായി ഞങ്ങളെ checkthis@newschecker.in എന്ന വിലാസത്തിലോ 9999499044 എന്ന വാട്ട്‌സ്ആപ്പ് നമ്പറിലോ അവ അയയ്ക്കുക.
ദില്ലി ആസ്ഥാനമായ എൻ‌സി മീഡിയ നെറ്റ്‌വർക്ക്‌സ് പ്രൈവറ്റ് ലിമിറ്റഡിന്റെ ഒരു സ്വതന്ത്ര വസ്തുതാ പരിശോധന സംവിധാനമാ ണ് ന്യൂസ്‌ചെക്കർ.ഇൻ. എൻ‌സി മീഡിയ നെറ്റ്‌വർക്ക്‌സ് ഒരു സ്വകാര്യ കമ്പനിയായി ഇന്ത്യൻ സർക്കാറിന്റെ കോർപ്പറേറ്റ് കാര്യ മന്ത്രാലയത്തിൽ രജിസ്റ്റർ ചെയ്തിട്ടുണ്ട്. കൂടാതെ ഞങ്ങൾ കോർപ്പറേറ്റ് ഐഡന്റിഫിക്കേഷൻ നമ്പർ (സിഐഎൻ) U92490DL2019PTC353700 ഉണ്ട്. ഞങ്ങളുടെ ഏറ്റവും പുതിയ സാമ്പത്തിക വരുമാനം ഉൾപ്പെടെ ഞങ്ങളുടെ എല്ലാ വിശദാംശങ്ങളും എം‌സി‌എ വെബ്‌സൈറ്റിൽ ലഭ്യമാണ്.
കുറച്ച് സോഷ്യൽ മീഡിയ പ്ലാറ്റ്ഫോമുകൾക്ക് വേണ്ടി ഞങ്ങൾ ഒരു മൂന്നാം കക്ഷി വസ്തുത പരിശോധന സംവിധാനമായി പ്രവർത്തിക്കുന്നു. ഞങ്ങളുടെ സേവനങ്ങൾക്കായി ഞങ്ങൾക്ക് ഒരു ഫീസ് ലഭിക്കുനുണ്ട്. ഇത് കൂടാതെ മറ്റ് ധനസഹായം സ്വീകരിക്കുകയോ രാഷ്ട്രീയക്കാർ / രാഷ്ട്രീയ പാർട്ടികൾ / അല്ലെങ്കിൽ രാഷ്ട്രീയ പാർട്ടികളുമായി ബന്ധമുള്ള സംഘടനകൾ എന്നിവയുമായി ഞങ്ങൾ സഹകരിച്ചു പ്രവർത്തിന്നില്ല. 2020-21, 2021-22, 2022-23, 2023-24, 2024-25 സാമ്പത്തിക വർഷങ്ങളിൽ ഞങ്ങളുടെ വരുമാനത്തിന്റെ 5% ത്തിൽ കൂടുതൽ സംഭാവന നൽകിയ ഓർഗനൈസേഷനുകൾ താഴെ ചേർക്കുന്നു:

*മെറ്റാ ഇൻകോർപ്പറേറ്റഡ്
*മൊഹല്ല ടെക് പ്രൈവറ്റ് ലിമിറ്റഡ്
*ബൈറ്റെഡൻസ് പ്രൈവറ്റ് ലിമിറ്റഡ്