Claim

سوشل نٹورکنگ سائٹس فیس بک اور ایکس پر عربی کیپشن کے ساتھ ایک ویڈیو شیئر کی جا رہی ہے۔ جس میں مسجد سے نکل رہے نمازیوں پر پولس لاٹھی چارج کرتی ہوئی نظر آرہی ہے۔ صارفین ویڈیو کو حالیہ دنوں میں مسلمان نمازیوں پر بھارتی پولس کے تشدد کا بتاکر شیئر کر رہے ہیں ۔

Fact

پولس کی جانب سے نمازیوں پر لاٹھی چارج والی ویڈیو کے ایک فریم کو ہم نے کچھ کیورڈ کے ساتھ گوگل ریورس امیج سرچ کیا۔ جہاں ہمیں 5 پیلرس نامی فیس بک پیج پر 1 اپریل 2020 کو شیئر شدہ ہوبہو ویڈیو ملی۔ جس میں اس ویڈیو کے حوالے سے لکھا گیا ہے کہ یہ کرناٹک میں کورونا وائرس لاک ڈاؤن کے دوران مسجد میں باجماعت نماز ادا کرنے کے لئے آئے لوگوں پر بھارتی پولس کی جانب سے کئے گئے لاٹھی چارج کی ہے۔

مزید سرچ کے دوران ہمیں اے این آئی لوگو کے ساتھ یہی ویڈیو ہندوستان ٹائمس کے آفیشل یوٹیوب چینل پر 26 مارچ 2020 کو اپلوڈ شدہ ملی۔ جس میں بھی اس ویڈیو کو کورونا وائرس لاک ڈاؤن کے دوران کرناٹک کے بیلگام میں مسلمان نمازیوں پر پولس کے لاٹھی چارج کا بتایا گیا ہے۔ اس کے علاوہ دیگر میڈیا تنظیموں نے بھی مذکورہ ویڈیو کے حوالے سے خبریں شائع کی ہیں۔ رپورٹس یہاں اور یہاں پڑھی جا سکتی ہیں۔

لہذا ہماری تحقیقات سے واضح ہوا کہ پولس کی جانب سے نمازیوں پر لاٹھی چارج کی یہ ویڈیو کرناٹک کے بیلگام میں کورونا وائرس لاک ڈاؤن کے دوران کی ہے۔ اس کا حالیہ واقعے سے کوئی تعلق نہیں ہے۔

Result: Missing Context

Sources
Facebook post by 5pillars on 1 April 2020
Reports published by Hindustan Times, The Print on 26 March 2020
X post by ANI on 26 March 2020

نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔