شُو کے دوران ڈولفن کے اپنی ٹرینر کو مار ڈالنے کی یہ ویڈیو اے آئی کی مدد سے تیار کی گئی ہے

سوشل میڈیا پر ڈولفن اور خاتون کی ایک ویڈیو خوب گردش کر رہی ہے۔ جس میں ایک پالتو ڈولفن شو کے دوران خاتون کو نگل جاتا ہے۔ صارفین کا دعویٰ ہے کہ شو کے دوران ڈولفن نے اپنی ٹرینر جیسکا کو موت کے گھات اتار دیا۔

آرکائیو لنک یہاں، یہاں اور یہاں دیکھیں۔

Fact Check/Verification

ہم نے سب سے پہلے گوگل پر انگلش میں “ڈولفن کلڈ ٹرینر جیسیکا” کیورڈ سرچ کیا۔ اس دوران وائرل ویڈیو سے متعلق 11 اگست 2025 کو شائع ہونے والی نیو یارک پوسٹ کی ایک ویڈیو رپورٹ موصول ہوئی۔ جس میں ویڈیو کے ساتھ کئے دعوے کو فرضی اور ویڈیو کو اے آئی سے تیار کردہ بتایا گیا ہے۔

مزید تحقیقات کے دوران ہمیں ایسی ہی ویڈیو کا ٹک ٹاک لنک فراہم ہوا۔ پھر ہم نے وی پی این کی مدد اس ہینڈل تک رسائی کی۔ جہاں اس ہینڈل سے شیئر کی گئی مذکورہ وائرل ویڈیو ملی، جس میں واضح کیا گیا ہے کہ یہ ویڈیو اے آئی کی مدد سے تیار کی گئی ہے۔ اس کے علاوہ ایسی ہی کئی ویڈیوز اس ہینڈل سے شیئر کی گئی ہیں۔

مزید تصدیق کے لئے ہم نے اے آئی کا پتا لگانے والے ٹولس واز اٹ اے آئی کی مدد لی۔ ہم نے وائرل ویڈیو کے چند فریموں کو اس ویب سائٹ پر سرچ کیا تو واز اٹ اے آئی نے اپنے تجزیے میں واضح کیا ہے کہ تصویر یا اس کے اہم حصے کو اے آئی کی مدد سے تیار کیا گیا ہے۔

تحقیق کو مزید پختہ کرنے کے لئے ہماری ٹیم نے ڈیپ فیک اینالیسس یونٹ سے رابطہ کیا، جنہوں نے مختلف ٹولز کی مدد سے ویڈیو کی جانچ کی اور اس میں نظر آنے والی کچھ بےضابطگیوں کو نمایاں کیا۔ جیسے کہ ناظرین کے چہرے و ہاتھ پاؤں کی شکل بدلتی ہوئی نظر آ رہی ہے۔ ساتھ ہی غوطہ لگانے والی خاتون کا جسم جتنی مرتبہ نظر آتا ہے، اس کے کپڑوں کا رنگ مختلف ہو جاتا ہے۔ لہذا ڈیپ فیک اینالیسس یونٹ نے اس ویڈیو کو اپنے تجزیے کی بنیاد پر اے آئی سے تیار کردہ بتایا ہے

Conclusion

لہٰذا نیوز چیکر کی تحقیقات سے یہ ثابت ہوا کہ شُو کے دوران ڈولفن کے اپنی ٹرینر کو مار ڈالنے کا بتاکر شیئر کی جا رہی ویڈیو دراصل مصنوعی ذہانت کی مدد سے تیار کی گئی ہے۔

Sources
Video report published by New York Post on 11 Aug 2025
TikTok post by @mmmdl04 on 11 Aug 2025
Was it AI tool
Analysis by DAU team