Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
Claim
میڈیا رپورٹ کے مطابق سیاسی رہنما مختار انصاری کی جیل میں حرکت قلب کی وجہ سے 28 مارچ کی شام وفات پا گئے۔ جنہیں غازی پور کے کالی باغ قبرستان میں دفنایا گیا۔ جس میں ہزاروں افراد شامل ہوئے۔ اب جنازے کی ایک ویڈیو سوشل میڈیا پر شیئر کی جا رہی ہے۔ جسے مختار انصاری کے جنازہے کا بتایا جا رہا ہے۔ صارف نے ویڈیو کے ساتھ کیپشن میں لکھا ہے کہ “مقام غازی پور، اترپردیش ،مختار انصاری شہید رحمتہ اللہ علیہ کی نماز جنازہ”۔
Fact
جنازے کی ویڈیو کے ایک فریم کو گوگل ریورس امیج سرچ کیا۔ جہاں ہمیں 20 مارچ 2024 کو عیان خان 99 نامی یوٹیوب چینل پر ہوبہو اپلوڈ شدہ جنازے کی ویڈیو ملی۔ یہ وائرل فوٹیج تھوڑا سا لمبا ورژن میں تھا، جس سے اس بات کی تصدیق ہوئی کہ یہ ویڈیو 30 مارچ 2024 کو مختار انصاری کی آخری رسومات سے پہلے کی ہے۔
مزید ہم نے وائرل ویڈیو کو غور سے دیکھا تو اس پر “آئی ثقلینی” لکھا ہوا نظر آیا۔ پھر ہم نے وائرل ویڈیو کے ایک فریم کے ساتھ آئی ثقلینی کیورڈ سرچ کیا۔ جہاں ہمیں آئی ثقلینی 690 نامی انسٹاگرام پر 3 نومبر 2023 کو شیئر شدہ وائرل ویڈیو کا ایک حصہ ملا۔ جس میں اس ویڈیو کو بریلی کے پیر محمد ثقلین میاں کے جنازے کا بتایا گیا ہے۔
مزید سرچ کے دوران ہمیں محمد ثقلین میاں کے انتقال کے حوالے سے لائیو ہندوستان، امر اجالا کی ویب سائٹ پر خبریں موصول ہوئیں۔ جس کے مطابق شاہ شرافت میاں درگاہ کے پیر و مرشد شاہ ثقلین میاں کی موت اسپتال میں علاج کے دوران ہوئی تھی۔
وہیں ہمیں 22 اکتوبر 2023 کو شاہ ثقلین میاں کے نماز جنازہ کے جلوس کا لائیو اسٹریم بھی ملا۔ جس کے ساتھ بریلی کے اسلامیہ گراونڈ کے ہیش ٹیگ کا استعمال کیا گیا تھا، جبکہ مختار انصاری کی تدفین غازیپور میں ہوئی ہے۔
ہم نے گوگل اسٹریٹ ویو پر اسلامیہ گراؤنڈ، بریلی کو تلاشا اور اس دوران ہمیں متعدد ایسی تصاویر ملیں، جن میں وہی سبز رنگ کا ممبر و محراب نظر آ رہا ہے، جو مختار انصاری کے جنازے کا بتا کر شیئر کی گئی ویڈیو کے ابتدائی چند فریموں میں بھی دیکھا جا سکتا ہے۔
وائرل ویڈیو کے تقریباً 26 سیکنڈ پر میدان کے وسط میں ایک عمارتی ڈھانچہ دیکھا جا سکتا ہے۔ جو گوگل اسٹریٹ ویو پر اسلامیہ گراؤنڈ کے وسط میں بھی موجود ہے۔
اس کے علاوہ وائرل کلپ میں تقریباً 36 سیکنڈ پر ہمیں “گاندھی میڈیکوز” نامی ایک بورڈ نظر آیا۔ ہم نے گوگل اسٹریٹ ویؤ پر “گاندھی میڈیکوز” بریلی سرچ کیا تو پتاچلا کہ یہ مقام بھی بریلی میں ہے۔
اس طرح نیوز چیکر کی تحقیقات میں واضح ہوا کہ وائرل ویڈیو مختار انصاری کے جنازے کی نہیں ہے کیونکہ مختار انصاری کا جنازہ غازی پور میں ہوا تھا اور وائرل ویڈیو بریلی کی ہے۔
Result: False
Sources
YouTube video by Ayan Khan 99, Dated March 20, 2024
YouTube by Gulam mustafa7668, Dated 28 March 2024
Instagram Post By @isaqlaini690, Dated January 19, 2024
Google Street View
Google Images
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔
Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
