Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact Check
کنکٹ کشمیر نامی فیس بک پیج پر سونے کے سکوں کی ایک تصویرشیئر کی گئی ہے۔یوزر کا دعویٰ ہے کہ 13فروری 2021 کوجموں کشمیر کے بارہ مولہ وولر جھیل کے قریب ایک مزدور کو سونے کا خزانہ ملا ہے۔یہ اسی خزانے کی تصویرہے۔
کنکٹ کشمیر کے پوسٹ کاآرکائیو لنک۔
وزمَل کے پوسٹ کا آرکائیو لنک۔
اس تصویر کو دیگر کئی یوزر س نے شیئر کیا ہے۔
سونے کے سکوں والی وائرل تصویر کو جب ہم نے گوگل ریورس امیج سرچ کیا توہمیں اسکرین پر وائرل تصویر سے متعلق کئی خبروں کے لنک فراہم ہوئے۔جو 2018 کے تھے۔جس کا اسکرین شارٹ درج ذیل ہے۔
اس کے بعد ہم نے کچھ کیورڈ سرچ کیا تو اے بی سی نیوز، دی سن اور لائیو ہندوستان نامی نیوز ویب سائٹ پر 10اور 11 ستمبر 2018 کی اس حوالے سے خبریں ملیں۔ ان سبھی رپورٹس میں اس تصویر کو اٹلی کا بتایا گیا ہے۔ جہاں اٹلی کے” کومو” نامی شہر میں ایک پرانے ٹھیٹر کی کھدائی کے وقت سکوں سے بھرا ہوا گھڑا ملا تھا۔ ان سکوں کو روم کے آخری شاہی دور یعنی چوتھی یا پانچویں صدی کا بتایا گیا ہے۔
اےبی سی آرکائیو لنک۔
دی سن کے آرکائیو لنک۔
اس کے علاوہ اٹلی وزارت ثقافت و سیاحت کے آفیشل ٹویٹر اکاؤنٹ پر بھی 7 ستمبر 2018 کو یہ تصویر پوسٹ کی گئی ہے۔ جس کا کیپشن “اٹلی زبان میں لکھا ہوا ہے۔گوگل ٹرانسلیٹ کرنے پر پتاچلا کہ ” کومو کے وسط میں ، آخری شاہی دور کے سینکڑوں سونے کے سکے ملے ہیں،جو کہ ایک غیر معمولی گھڑے میں تھے۔یہ ایک ایسی کھوج ہے جس پر مجھے فخر ہے”۔
اس کے علاوہ ہم نے یہ بھی پتا لگانے کی کوشش کی کہ” آیا وولر جھیل کے نزدیک واقعی سونے کے سکے ملے ہیں یا نہیں ؟ لیکن ہمیں کسی بھی میڈیا رپورٹ پر سونے کا خزانہ ملنے کی خبر نہیں ملی۔
Conclusion
نیوزچیکر کی تحقیقات میں یہ ثابت ہوتا ہے کہ وائرل تصویر اٹلی کے” کومو شہر” میں ملے سونے کے سکوں کی ہے۔ وولر جھیل کے نزدیک سونے کے سکے ملنے کی خبر فرضی ہے۔
abc:https://abcnews.go.com/International/hundreds-gold-coins-dating-romes-imperial-era-found/story?id=57720521
TheSun:https://www.thesun.ie/news/3098819/labourers-unearth-hundreds-of-roman-gold-coins-stuffed-inside-urn-and-buried-beneath-a-cinema-in-northern-italy/
LH:https://www.livehindustan.com/international/story-hundreds-of-gold-coins-in-amphora-discovered-under-a-theatre-during-archaeological-dig-in-italy-2167705.html
Tweet:https://twitter.com/_MiBACT/status/1038089191853150208
نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔
9999499044
