کیا اس تصویر میں واقعی روسی صدر عمران خان پر لکھی گئی کتاب پڑھ رہے ہیں؟

سوشل میڈیا پر روسی صدر پوتین کی عمران خان پر لکھی گئی کتاب پڑھتے ہوئے ایک تصویر وائرل ہورہی ہے۔ کتاب کے کور پیج پر عمران خان کی تصویر بنی ہے اور اس پر انگلش میں ‘عمران خان پاکستان’ لکھا ہوا ہے۔ صارفین کا دعویٰ ہے کہ عمران خان جیسے لیڈر کی کتاب دنیا پڑھنا چاہتی ہے۔

ماہ نور ملک، پنڈی بوائے اور حافظ شہباز4 نامی ٹویٹر صارفین نے تصویر کے کیپشن میں لکھا ہے کہ “عمران خان کو دنیا پڑھتی ہے اور ہم بہت خوش نصیب ہیں کہ ہمیں عمران خان جیسا لیڈر ملا۔ شکر الحمداللہ رب العالمین”۔

اس کے علاوہ متعدد فیس بک صارفین نے مذکورہ دعوے کے ساتھ تصویر کو شیئر کیا ہے۔

Fact check / Verification

وائرل تصویر کی سچائی جاننے کے لئے سب سے پہلے ہم نے تصویر کو گوگل ریورس امیج سرچ کیا۔ جہاں ہمیں پرسیڈنٹ آف رشیا نام کے ویب سائٹ پر 14 جون 2016 کا ایک مضمون ملا۔ جس میں روسی صدر پوتین کی وائرل تصویر سے ملتی جلتی ایک تصویر موجود تھی۔

غور کر نے پر معلوم ہوا کہ صدر پوتین جس کتاب کو ہاتھ میں لئے دیکھ رہے ہیں، اس پر نا تو پاکستان کے سابق وزیر اعظم عمران خان کی تصویر بنی ہے اور ناہی اس پر عمران خان پاکستان لکھا ہوا ہے۔ ٹیبل پر رکھے سامان پر بھی غور کیا تو وائرل تصویر سے مختلف نظر آیا۔ جسے آپ درج ذیل کے گرافک میں کی گئی نشاندہی سے واضح فرق کر سکتے ہیں۔

تصویر کے ساتھ کیپشن میں لکھا ہے کہ روسی صدر ولادمیر پوتین رشین اکیڈمی سائنس کے صدر ولادمیر فورٹوو اور فیڈرل ایجنسی فار سائنٹیفک آرگنائزیشن کے ڈائیریکٹر میکھائل کوتیوکوو کے ساتھ 14 جون 2016 کو ماسکو میں ایک میٹنگ کے دوران ایک کتاب کا جائزہ لے رہے ہیں۔ روسی صدر پوتین کی مذکورہ تصویر کو عالمی ویب سائٹ نے بھی شائع کیا ہے۔

Conclusion

نیوز چیکر کی تحقیقات سے یہ ثابت ہوا کہ روسی صدر پوتین عمران خان پر لکھی کتاب نہیں پڑھ رہے ہیں، بلکہ اصل تصویر کو ایڈیٹنگ سافٹ ویئر کی مدد سے تیار کیا گیا ہے۔

Result: Altered Photo

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044