Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact Check
ٹویٹر پر بھارتی نژاد رشی سوناک جو حال ہی میں برطانیہ کے وزیر اعظم بنے کی ایک ویڈیو وائرل ہورہی ہے۔ جس میں وہ گائے پوجا کرتے ہوئے نظر آرہے ہیں۔ دعویٰ ہے کہ سوناک نے وزیر اعظم بننے کے بعد اپنے مذہبی عقادئد کے مطابق گائے کی پوجا کی۔
فیس بک پر بھی مذکورہ ویڈیو کو شیئر کیا جارہا ہے۔ صارفین نے ویڈیو کے کیپشن میں لکھا ہے کہ “برطانیہ کے ہندو وزیر اعظم اور گائے کی عبادت۔ برطانیہ کے نئے وزیراعظم رشی سونک نے دفتر جاتے ہوئے اپنے ہندو مذہب کے مطابق مذہبی رسومات کی ادائیگی کی اور یوکے میں کسی لبرل کو تکلیف نہیں ہوئی۔ ادھر ہمارے وکٹ کیپر نے مسجد میں ایک خطبہ کیا دیا، دیسی لبرلز کے ظرف پر احساس کمتری کی قیامت ٹوٹ پڑی اور بیچارے محمد رضوان کی شامت آ گئی”۔
برطانیہ کے وزیر اعظم رشی سوناک کی گائے پوجا کی ویڈیو کی سچائی جاننے کے لیے ہم نے اس ویڈیو کو انوڈ کی مدد سے کیفریم میں تقسیم کیا اور ان میں سے ایک کیفریم کو گوگل ریورس امیج سرچ کیا۔ اس دوران ہمیں دی کوئنٹ کے آفیشل یوٹیوب چینل پر 26 اگست 2022 کو اپلوڈ شدہ برطانوی وزیر اعظم رشی سوناک کے گائے پوجا کی یہی وائرل ویڈیو ملی۔
ویڈیو کے ساتھ دی گئی معلومات کے مطابق رشی سوناک نے اپنی اہلیہ اکشتا مرتھی کے ساتھ لندن میں گائے پوجا کی ۔اس کے علاوہ ہمیں نیوز18 کی ویب سائٹ پر رشی سوناک کی گائے کی پوجا کے حوالے سے 23 اگست 2022 کی ایک رپورٹ ملی۔ جس کے مطابق رشی سوناک نے الیکشن کیمپئنگ کے دوران اپنی اہلیہ اکشتا مرتھی کے ساتھ لندن کے بھکتی ویدانتا منور مندر میں جن ماشٹمی کے موقع پر دورہ کیا تھا۔
مذکورہ رپورٹ سے واضح ہو چکا کہ ویڈیو رشی سوناک کے برطانیہ کے وزیر اعظم بننے سے پہلے کی ہے۔ پھر ہم نے بھکتی ویدانتا منور مندر کا سوشل میڈیا اکاؤنٹ سرچ کیا۔ اس دوران ہمیں بھکتی ویدانتا منور کے فیس بک پیج پر 18 اگست کی ایک پوسٹ ملی۔ جس میں رشی سوناک کے گائے کی پوجا کرتے ہوئے دیگر تصاویر بھی دیکھی جاسکتی ہیں۔
پھر ہم نے برطانوی وزیر اعظم رشی سوناک کے انسٹاگرام کو کھنگالا۔ جہاں ہمیں 18 اگست 2022 کو بھکتی ویدانتا منور مندر کے دورے سے متعلق شیئر شدہ پوسٹ ملی۔
نیوز چیکر کی تحقیقات میں یہ ثابت ہوا کہ بھارتی نژاد رشی سوناک کی گائے پوجا کی یہ ویڈیو وزیر اعظم بننے کے بعد کی نہیں ہے، بلکہ اگست 2022 کی ہے۔ جب انہوں نے الیکشن کیمپئنگ کے دوران لندن کے بھکتی ویدانتا منور مندر کے دورے کے دوران گائے پوجا کی تھی۔
Our Sources
YouTube Video Uploaded by The quint on 26 Aug 2022
Report publshed by News18 on 23 Aug 2022
Facebook post by bhaktivedantamanor on 18 Aug 2022
Instagram post by @rishisunakmp on 18 Aug 2022
کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in
