જાણો,સાયકલ ગર્લ જ્યોતી પાસવાન સાથે રેપ અને હત્યા થયા હોવાના ભ્રામક દાવાનું સત્ય

Claim :-

લોકડાઉન દરમિયાન ગુરુગામથી બિહારના દરભંગાના એક ગામ સુધી સાયકલ પર પોતાના પિતાને બેસાડી અંદાજે 1200 કી.મી પ્રવાસ સાયકલ પર કરનાર યુવતી જ્યોતી કુમારી સાથે તેના ગામમાં દુષ્કર્મ અને તેની હત્યા કરવામાં આવી હોવાની વાત સોશ્યલ મીડિયા પર વાયરલ થઈ રહી છે. સોશ્યલ મીડિયા પર જ્યોતી કુમારીની સાયકલ સાથે તસ્વીર અને મૃત હાલતની તસ્વીર તેમજ ઇવાંકા ટ્રમ્પ દ્વારા 1200 કી.મી સાયકલ ચલાવવા પર કરવામાં આવેલ વખાણ કરતી ટ્વીટની તસ્વીર શેયર કરવામાં આવી રહી છે. #justiceforjyoti નામ સોશ્યલ મીડિયા પર ટ્રેન્ડિંગમાં છે.

Fact check :-

આ વાયરલ દાવા પર કેટલાક કીવર્ડ સાથે સર્ચ કરતા જાણવા મળે છે, 13 વર્ષની બાળકી જ્યોતી કુમારીના મૃત્યુ પર તેના પિતા દ્વારા ગામના એક એક્સ આર્મી મેન પર ફરિયાદ નોંધાવવામાં આવી છે. આ ફરિયાદમાં તેના ખેતરમાં કેરી તોડવા બાબતે જ્યોતીનો રેપ અને તેને મારવામાં આવી છે. જે બાબતે પોસ્ટમોર્ટમ રિપોર્ટ આવતા સાબિત થાય છે, જ્યોતિ સાથે દુષ્કર્મ નથી કરવામાં આવ્યું અને તેને ઇલેટ્રીક શોક લાગવાથી તેનું મોટ થયું છે.

અન્ય કેટલાક સર્ચ બાદ ફેસબુક પર National Crime Investigation Bureau દ્વારા કરવામાં આવેલ પોસ્ટ જોવા મળે છે. આ પોસ્ટમાં ખુલાસો આપવામાં આવ્યો છે, મૃતક જ્યોતી કુમારી અને સાયકલ ગર્લ જ્યોતી કુમારી પાસવાન બન્ને અલગ-અલગ વ્યક્તિ છે. એક જીલ્લા અને એક સરખા નામ હોવાના કારણે લોકોએ સોશ્યલ મીડિયા પર સાયકલ ગર્લ જ્યોતી ની તસ્વીર સાથે આ ઘટનાની વિગત આપી ભ્રામક દાવો ફેલાવવામાં આવ્યો છે.

Conclusion :-

વાયરલ દાવા પર મળતા પરિણામ પરથી જાણવા મળે છે, સોશ્યલ મીડિયા પર કરવામાં આવેલ દાવાઓ તદ્દન ભ્રામક છે. સાયકલ ગર્લ જ્યોતી કુમારી પાસવાન જીવીત છે, તેમજ જે જ્યોતી કુમારી સાથે રેપ થયા હોવાની ઘટના બનેલ છે તેમાં પણ પોસ્ટમોર્ટમ રિપોર્ટ મુજબ આ મોત ઇલેક્ટ્રિક શોક લાગવા ના કારણે થયું હોવાનું જણાવવામાં આવ્યો છે.

• Tools :-
• Facebook
• Twitter
• News Report
• Keyword Search
• Reverse image search

પરિણામ :- ભ્રામક દાવો (Misleading)

(કોઈપણ શંકાસ્પદ, વાયરલ ખબર અથવા કોઈ અન્ય સૂચન માટે અમને મેઈલ કરો checkthis@newschecker.in અથવા વોટ્સએપ કરો 9999499044)