Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact Check
ગુજરાત વિધાનસભા ચૂંટણીના પરિણામો EVMમાં કેદ થઈ ગયા છે, 8 ડિસેમ્બરના ચૂંટણી પરિણામો જાહેર થવાના છે. આ પહેલા સોશ્યલ મીડિયા પર તેમજ ન્યુઝ ચેનલો દ્વારા જાહેર કરવામાં આવેલ એક્ઝિટ પોલની કેટલીક તસ્વીર વાયરલ થઈ રહી છે.
આ ક્રમમાં એબીપી ન્યૂઝના એક્ઝિટ પોલનો સ્ક્રીનશોટ સોશિયલ મીડિયા પર વાયરલ થઈ રહ્યો છે, દાવો કરવામાં આવી રહ્યો છે કે ગુજરાત ચૂંટણીને લઈને એક્ઝિટ પોલ આવી ગયો છે અને પોલ પ્રમાણે આમ આદમી પાર્ટીને 125, ભાજપને 42 અને કોંગ્રેસ 14 બેઠકો મળશે.
સૌપ્રથમ વાયરલ સ્ક્રીનશોટને નજીકથી જોયો અને જાણવા મળ્યું કે સ્ક્રીનશોટ પર એબીપી ન્યૂઝનો લોગો છે અને ન્યુઝ એન્કર રૂબિકા લિયાકતની તસ્વીર જોવા મળે છે.
આ અંગે વધુ તપાસ કરતા અમને 8 ઑક્ટોબર 2021ના રોજ એબીપી ન્યૂઝ દ્વારા અપલોડ કરાયેલા સમાન ગ્રાફિક સાથેનો એક્ઝિટ પોલ જોવા મળે છે. એબીપી ન્યૂઝના ઓફિશિયલ યુટ્યુબ એકાઉન્ટ પર પ્રકાશિત થયેલા સમાચારમાં એન્કર રૂબિકા લિયાકત ઉત્તર પ્રદેશ, પંજાબ, મણિપુર, ગોવા અને ઉત્તરાખંડ ચૂંટણી સંબંધિત એક્ઝિટ પોલની માહિતી આપી રહી હતી.
ગુજરાત વિધાનસભા ચૂંટણીના બીજા તબક્કાનું મતદાન પૂર્ણ થયું, મતદાન બાદ એક્ઝિટ પોલના પરિણામો આવવાનું શરૂ થઈ ગયા છે. જો..કે આ સમાચાર પ્રકાશિત થયા ત્યાં સુધી ગુજરાત વિધાનસભાની ચૂંટણી માટે કોઈ એક્ઝિટ પોલ બહાર પાડવામાં આવ્યા નથી. વધુમાં અહીંયા ન્યુઝ બુલેટિનમાં જોવા મળતો સર્વે અને વાયરલ પોસ્ટને સરખાવતાં જાણી શકાય છે કે ન્યુઝ ચેનલના એક્ઝિટ પોલની તસ્વીર સાથે છેડછાડ કરીને આંકડાઓ બદલાવવામાં આવેલ છે.
એબીપી ન્યૂઝ દ્વારા કોઈ સર્વે રિપોર્ટ બહાર પાડવામાં આવ્યો છે કે નહીં તેની પણ અમે શોધ કરી. શોધ દરમિયાન અમને એબીપી ન્યૂઝ સી-વોટર સર્વે રિપોર્ટ જોવા મળ્યો. 4 નવેમ્બર, 2022ના રોજ જાહેર થયેલા સર્વે અનુસાર, રાજ્યમાં 182 બેઠકોમાંથી ભાજપને 131-139, કોંગ્રેસને 31-39, AAPને 7-15 અને અન્યને 0-2 બેઠકો મળવાની ધારણા છે.
ગુજરાત ચૂંટણીને લઈને એક્ઝિટ પોલ જાહેર થયા હોવાના દાવા સાથે વાયરલ થયેલ ન્યુઝ બ્રેકીંગ પ્લેટ સાથે છેડછાડ કરવામાં આવેલ છે. ઉત્તર પ્રદેશ, પંજાબ, મણિપુર, ગોવા અને ઉત્તરાખંડ ચૂંટણી સંબંધિત એક્ઝિટ પોલની માહિતીને ગુજરાત વિધાનસભા ચૂંટણીના એક્ઝિટ પોળ હોવાના ભ્રામક દાવા સાથે શેર કરવામાં આવેલ છે.
Our Source
YouTube Video uploaded by ABP News on October 8,2021
Media report published by The Quint on December 5,2022
Self Analysis
કોઈપણ શંકાસ્પદ, વાયરલ ખબર ચકાસવા અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044
Dipalkumar Shah
July 15, 2025
Dipalkumar Shah
July 14, 2025
Dipalkumar Shah
May 10, 2025