Fact Check – ચીનમાં તૂટેલા રોડનો જૂનો વીડિયો ગુજરાતનો હોવાનું કહી વાઇરલ

Claim – ગુજરાતમાં ખરાબ રસ્તાનો વીડિયો

Fact – આ જૂનો વીડિયો ચીનના તૂટેલા રસ્તાનો છે.

દેશના અનેક વિસ્તારોમાં સતત વરસાદને કારણે પાણી ભરાઈ જવા અને પૂર જેવી સ્થિતિ સર્જાઈ છે. ગુજરાતમાં પણ આ દિવસોમાં વરસાદ પડી રહ્યો છે. આ દરમિયાન પાણી ભરેલા ખાડાઓથી ભરેલા રોડનો વીડિયો સોશિયલ મીડિયા પર વાયરલ થયો છે. આ વીડિયો ગુજરાતનો હોવાનું જણાવવામાં આવી રહ્યો છે.

4 ઓગસ્ટ, 2024ના રોજ એક યુઝરે લગભગ એક મિનિટનો વીડિયો શેર કર્યો હતો. વીડિયોમાં જર્જરિત રોડ પર ખાડાઓ પાણીથી ભરેલા જોવા મળે છે, જેના પર વાહનો કૂદતા જોવા મળે છે. વિડિયોની પૃષ્ઠભૂમિમાં ગુજરાતી ભાષામાં એક ગીત ઉમેરવામાં આવ્યું છે, જેમાં ગીતો (અનુવાદ) છે “…અમારું ગુજરાત છે તૈયાર…”

સાથે જ વીડિયોના કેપ્શનમાં લખ્યું છે કે, “ગુજરાત તૈયાર છે, પરંતુ રસ્તાઓની હાલત ખરાબ છે.” 

X -Post આર્કાઇવ અહીં જુઓ.

Fact Check/Verification

અમે દાવાની ચકાસણી કરવા માટે વિડિયો કાળજીપૂર્વક જોયો. આ દરમિયાન વિડિયોમાં દેખાતા વિવિધ બોર્ડ પર લખેલી ભાષા ભારતીય ભાષા હોવાનું જણાતું નથી. આ પછી, ગૂગલ ટ્રાન્સલેટરની મદદથી તપાસ કર્યા પછી, અમને જાણવા મળ્યું કે વીડિયોમાં દેખાતા બોર્ડ પર ચીનીની ભાષા લખેલી છે.

વધુ તપાસમાં, વિડિયોના મુખ્ય ફ્રેમ્સને રિવર્સ ઇમેજ દ્વારા શોધતા, અમને આ વિડિયો ચીનમાં લોકપ્રિય વિડિયો શેરિંગ પ્લેટફોર્મ બિલિબિલી પર મળ્યો. 15 જુલાઈ, 2020 ના રોજ આ વિડિયો શેર કરતી વખતે, બિલબિલી યુઝર ‘બ્રધર Xiaoqiang123’ એ કેપ્શનમાં લોકોને સાવચેતીથી વાહન ચલાવવાની સલાહ આપી હતી.

વીડિયો પર ચીની ભાષામાં લખેલી માહિતીનો અનુવાદ કર્યા પછી, અમને જાણવા મળ્યું કે યુઝર ‘બ્રધર Xiaoqiang123’એ આ વીડિયો ચીનના ગુઆંગઝૂ શહેરનો હોવાનું જણાવ્યું છે.

તપાસ દરમિયાન, અમને જાણવા મળ્યું કે ‘બ્રધર Xiaoqiang123’ નામના યુઝરે તેના BiliBili એકાઉન્ટ પર ચીનના વિવિધ જર્જરિત રસ્તાઓના વીડિયો શેર કર્યા છે . વીડિયો શેર કરતી વખતે, ‘ભાઈ Xiaoqiang 123’ લોકોને સાવચેતીથી વાહન ચલાવવાની સલાહ આપે છે.

Read Also – Fact Check – વાયનાડ ભૂસ્ખલન દુર્ઘટના બાદ DYFIની રાહત કામગીરીનો વીડિયો RSSની કામગીરી તરીકે ખોટા દાવા સાથે વાઇરલ

Conclusion

તપાસ દ્વારા અમે એવા નિષ્કર્ષ પર પહોંચીએ છીએ કે ગુજરાતમાં ખરાબ રોડ તરીકે શેર કરવામાં આવેલ વીડિયો જૂનો છે અને ચીનનો છે. વર્ષ 2021માં પણ આ વીડિયયો કેરળનો બતાવી વાઇરલ કરવામાં આવ્યો હતો. મલયાલમ ભાષાના ફેક્ટ ચેક અહેવાલને અહીં વાંચી શકાય છે.

Result – False

Sources
Google Translate
Bilibili is a video sharing platform based in China.

કોઈપણ શંકાસ્પદ, વાયરલ ખબર ચકાસવા અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044