Tuesday, June 25, 2024
Tuesday, June 25, 2024

HomeFact Checkپاکستانس منز آصف غفور سندِ حوالہ مارشل لاء نآفذ کرنچ خبر بے...

پاکستانس منز آصف غفور سندِ حوالہ مارشل لاء نآفذ کرنچ خبر بے بنیاد

پاکستانِ فوجکِ کوئٹہ کور کمانڈر لیفٹیننٹ جنرل آصف غفور سندِ حوالہ چُھ یوان وننہ زہِ تِمو چُھ پاکستانس منز مارشل لاء نافذ کرنکُ اعلان کؤرمتُ۔

اکِ فیس بُک پیجن چُھ اتھ سلسلس میزن لیفٹیننٹ جنرل آصف غفور سُند اکھ ویڈیو شیئر کورمتُ، یمِ کسِ کیپشنس منز چُھ لیکتھِ زہِ ‘آصف غفورن کور مارشل لاء نافذ کرنکُ اعلان۔ فوجس نشِ چُھ اکھ حل، مارشل لاء’۔

Fact Check/ Verification

پاکستانس منز مارشل لاء کہِ حوالہ کور اسہِ لیفٹیننٹ جنرل آصف غفورنُ بیان گوگلس منز سرچ کرنچ کوشش، تہ اسہِ کئرِ کینہہ کیورڈ سرچ۔

سرچِ دوران آئی اسہِ کینہہ رپورٹ لبنہ۔ یمن منز آصف غفور سندِ طرفہ چُھ مارشل لاء کسِ بارس منز افواہن چُھ آمتُ انکار کرنہ۔

مشہور اخبار ایشین ایج کس اکسِ رپورٹس منز چُھ لیفٹیننٹ جنرل آصف غفور سندِ حوالہ وننہ آمتُ زہِ پاکستانس منز چُھنہ مارشل لاء کہِ نفاذکُ کانہہ تہِ امکان۔

پاکستانس منز مارشل لاء
Courtesy: Screengrab from The Asian Age

رپورٹس منز چُھ آصف غفور سندِ حوالے وننہ آمتُ زہِ “حکومت تھاین جاری پننِ کآم تہ جمہوری نظام چُھ قائم کرنچ ضرورت۔ میہِ چُھ یہ پیوان امہِ وجہ وننُ کیاز کہِ مارشل لاء تہ ٹیکنوکریٹک حکومت کسِ بارس منز چُھ سیٹھا افواہ”۔

امہِ علاؤ وائرل ویڈیو بوزنہ پتھ لگ اسہِ پتہ زہِ آصف غفورن چُھنہ اتھ پور ویڈیوس منز کونیِ تہ جائے مارشل لاء نافذ کرنچ کتھ کرمژ تہ آمہِ علاو آؤ اسہِ لبنہ زہِ ویڈیو چُھ اپریل 2021 ہکُ۔ تَمہِ ساتھ اؤس آصف غفور ڈی جی آئی ایس پی آر۔  

امہِ علاؤ چُھنہ باقی رپورٹن منز تہِ مارشل لاء نافذ کرنکُ کانہہ تہ ذکر کرنہ آمتُ کرنہ، رپورٹن منز چُھ آصف غفور سندِ طرفہ مارشل لاء نافذ کرنہ کین افواہن انکار آمتُ کرنہ۔

رپورٹن ہُند لِنک ہیکیو توہیِ یتیتھ، یتیتھ تہ یتیتھ وچتھِ۔

لہذا گو صاف زہِ آصف غفورن چُھنہ امہِ قسمکُ کانہہ تہ بیان دیوتمتُ۔

Courtesy: Screengrab from Nation.com.pk

امہِ باوجود کئرِ اسہِ زاننچ کوشش زہِ آصف غفور چھا مارشل لاء نافذ کرنہ کسِ عہدس پیٹھ یا تِمن چھا امہِ قسمکُ فآصلہ نینس اختیار، تہ اسہِ کئر زاننچِ کوشش زہِ آصف غفور کتھ عہدس پیٹھ چُھ تعینات۔

تحقیقاتس دوران آؤ لبنہ زہِ آصف غفور چُھ ونکیس کور کمانڈر کوئٹہ تعینات تہ صرف 3 ڈویژنز چِھ تہیندسِ حدودس منز، یلکہ زن پاکستانس منز چھِ امہِ علاؤ فوجکِ واریاہ ڈویژن، یمن الگ الگ کمانڈز چھِ تہ مارشل لاء نافذ کرنکُ اختیار چُھنہ تِمن اتھِ کینہہ۔

Courtesy: Screengrab from Wikipedia

Conclusion

لہذا گو نیوز چیکر کسِ تحقیقاتس منز ثابت زہِ لیفٹیننٹ جنرل آصف غفور سُندسِ ویڈیوس متعلق چُھ یوان غلط دعویٰ کرنہ۔ تِمو چُھنہ مارشل لاء نافذ کرنہ کسِ بارس منز کانہہ تہ بیان جاری کورمتُ۔  

Result: Missing Context

Our Sources

Report by The Asian Age
Report by Nation.com.pk
Self Analysis


کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in

LEAVE A REPLY

Please enter your comment!
Please enter your name here

Most Popular