Tuesday, November 29, 2022
Tuesday, November 29, 2022

HomeFact Checkپاکستان فوجکُ ویڈیو، ہندوستانیِ فوجکُ کآشیرین پیٹھ تشدد کرنکِ دعویٰ سان وائرل

پاکستان فوجکُ ویڈیو، ہندوستانیِ فوجکُ کآشیرین پیٹھ تشدد کرنکِ دعویٰ سان وائرل

Claim

سوشل میڈیاہس پیٹھ چُھ اکھ ویڈیو وائرل گژھان، یتھ منز فوج چھ اکسِ شخصس مارپیٹ کران۔ اتھ ویڈیو وس متعلق چُھ دعویٰ یوان کرنہ زہِ یہ چُھ ہندوستانی فوج کشیر منز تشدد کران۔

ٹویٹرس پیٹھ چُھ اکِ صارفن شخصس مارپیٹ کرنکُ ویڈیو شیئر کورمتُ تہ لیکوھ متُ چُھس زہِ یہ چھ مبینہ ہندوستانی فوج کآشیرن پیٹھ تشدد کران۔

Courtesy:Twitter@Zahidptii

Fact

شخصس مارپیٹ کرنکُ یہ ویڈیو کور اسِ انوڈ ویڈیو سافٹ ویر کہِ مدد سآتِ کیفریمن منز تقسیم۔ تہ امہِ پت کرِ یم کیفریم گوگل ریورس امیج سرچ۔ مگر اسہِ میلیو نہ کاننہ تہِ کارگر نتیجہ۔ امہ پتھ کور اسہ امہ کیفریم سان کینہ کیورڈ گوگلس پیٹھ سرچ۔

اتھ دوران آئی اسہ سیٹھا رپورٹ لبنہ۔ اسہ آو لبنہ بی بی سی ویب سائٹِ پیٹھ اکھ رپورٹ تہ رپورٹس ساتِ اوس یہ شخصس مارپیٹ کرنکُ ویڈیو تہ۔

شخصس مارپیٹ
Screengrab from BBC

امہ علاو لوبہ اسہِ یہ ویڈیو الجزیرہ ویب سائٹ امہِ ویڈیوکُ کیفریم تہِ۔ یسُ اکتوبر 2009 وس منز چُھ امتُ شائع کرنہ۔

الجزیرہ میڈیا ادار مطابق چُھ یہ ویڈیو پاکستان کسِ صواتکُ۔ تہ شک کس بنیادس پیٹھ چھ پاکستانی فوج اکسِ طالبان والس مارپیٹ کران تہ امہ پتھ گرفتار کران۔

کسِ تفصیل منز اوس لیکتھ زہِ پاکستانی فوجن کور شک کسِ بنیادس پیٹھ اکسِ طالبان کسِ نفرس مارپیٹ۔ اتھ ویب سائٹِ پیٹھ چُھ یہ ویڈیو 10 ہن منٹن ہُند۔ تہ اتھ ویڈیوس منز چُھ نازیبہ زبانِ ہُند استعمال گومتُ، تہ یہ ویڈیو چھِ فیس بکس پیٹھ وائرل۔

Screengrab from Aljazeera

بین الاقوامی میڈیا ادارء گارڈین تہ چھُ پننس رپورٹس منز یہوی تفصیل لیکھان۔

یِتھ کنِ گو سآنسِ تحقیقاتس منز ثابتِ زہِ یہ چھنہ کآشرین پیٹھ ہندستانی فوج کران تشدد کینہ، بلکہ چُھ یہ پاکستان کسِ صواتس منز پاکستانِ فوج اکسِ طالبان والسِ مارپیٹ کران۔ لہذا یہ دعویٰ زہِ یہ چُھ ہندوستانِ فوج کشیر منز تشدد کران چُھ غلط۔

Result: False

Our Sources

Media Report Published by BBC on 1 October 2009
Media Report Published by Al-Jazeera on 2 October 2009
Media Report Published by The Guardian on 2 October 2009

نوٹ: کونہ تہِ شَک خبرِ ہندِ تحقیق،ترمیم یا دیگرتجویزو خاطرء کرِو دیتمسِ واہٹس ایپ نمبرس 9999499044 پیٹھ اسہِ سآتِ رابطہ۔

LEAVE A REPLY

Please enter your comment!
Please enter your name here

Most Popular