Saturday, December 10, 2022
Saturday, December 10, 2022

HomePoliticsکیا لیفٹننٹ گورنر منوج سنہا چھا ریاستکِ گوڈنیکِ زیٹھِ یمو ڈاون ٹاون...

کیا لیفٹننٹ گورنر منوج سنہا چھا ریاستکِ گوڈنیکِ زیٹھِ یمو ڈاون ٹاون سرینگرکُ دورء کور؟

جموں و کشِمیرکِ معروف اخبار گریٹر کشمیر کہِ اکِ رپورٹ مطابق چھِ لیفٹنینٹ گورنر منوج سہنا گوڈنکِ ریاستکِ زیٹھِ یمو پتِمیو 75 وہریو پتھ ڈاون ٹاون سرینگرکُ دورء کور۔

ڈاون ٹاون سرینگرکُ دورء
Screengrab from Greater Kashmir

رپورٹ ہیکیو توہیِ یتیتھ وچتھِ

گرئٹر کشمیر رپورٹ مطابق چُھ گورنرن ونمتُ زہِ “میہ آو لکو طرفہ وننہ زہِ پتِمین 75 تھن وہرین دوران چُھس بہ گوڈنیوک ُ ریاستکُ زِیوٹھ یمہ ڈاون ٹاون سرینگرکُ دورء چُھ کورمتُ۔ تیہوندُ وننُ اوس زہِ کینہ علاقہ چھِ یوان غلط طور طریقو کینِ پریزناونہ۔ مگر میون ماننُ چُھ زہِ ڈاون ٹاون عوامن چُھ ماضی مشرومتُ تہ وہ چُھ یہ علاقہ سپورٹس یہرون ہندُ نو ٹھکانہ”۔

Factcheck/ Verification

یمہ ساتہِ گرئٹر کشمیرچ رپورٹ 7 ستمبر شائع گئیِ، مختلف ٹویٹ ائئ کرنہ یمن منز گورنر سندس اتھ بیان چھ آمژ مخالفت کرنہ یتھ منز دعویٰ چُھ آمتُ کرنہ زہِ تِمہ چھ گوڈنیکِ ریاستکِ زیٹھِ یموپتِمین 75 ہورین دوران ڈاون ٹاون سرینگرکُ دورء کور۔

 اتھ سلسلز منز یلہ اسہِ زانون ہیوت زہِ یہ دعویٰ کوتاہ وائرل چُھ، اسہِ کرِ کینہ کیورڈ ‘گورنر سندُ ڈاون ٹاون دورء’ ٹویٹرس پیٹھ سرچ۔ اسہِ لوبہ سینئر صحافی اننیہ بھارتواج سندُ اکھ ٹویٹ یتھ منز فوٹوؤ سان یہوئ دعویٰ چُھ آمت کرنہ منوج سہنا چھِ جموں و کشنیر ہندِ گوڈنیکِ زیٹھِ یمو ڈاون ٹاون سرینگرکُ دورء کور۔

لنک ہیکیو توہئ یتیتھ وچتھِ۔

سیٹھا صحافیو تہ سماجی کارکُنو چُھ جوابس اننیہ بھارتواجس امہِ ٹویٹ ذریعہ غلط معلومات دینس خاطرء طنز کورمتُ۔

نیوز چیکرن کور امہِ پتھ یہ زاننہ خآطرء گوگل سرچ زہِ اما سنا امہ برونہہ چھا کانسہِ گورنرن ڈاون ٹاون سرینگرکُ دورء کورمتُ۔ اسہِ آئئ کینہ رپورٹ لبنہ یمن منز گورنر این این ووہرا سندس ڈاون ٹاون دورس متعلق لیکھنہ آمٹُ۔ توہئِ آسن ژیتس زہِ این این وؤہران آسہِ 2008 پیٹھ 2018 ہس تانئ جموں و کشیرکِ گورنر۔

رپورٹن منز چُھ لیکتھِ زہِ “گورنر این این ووہرا ہن کور ڈاون ٹاونکُ تفصیلی دورہ تہ دیژکھ حاضری خضرتبل، تشبندی صاحب، دستگیر صاحب آستانن پیٹھ”۔

رپوٹن ہنزِ لنک ہیکیو توہئِ یتیتھ، یتیتھ تہ یتیتھ وچتھ۔

اتھ بارس منز یہ زاننہ خاطرء زہِ امہ علاو چھا کاۤنسِ گورنرن ڈاون ٹاون سرینگرکُ دورء کور متُ، اسہِ کور گوگل سرچ مگر اسہ میلیاو نہ کانہہ تہ موثر نتیچہ۔ امہِ پتھ کور اسہِ معروف تاریخ دان ظریف احمد ظریفس سآتِ رابطہ تہ تیمو ونُ زہِ امہ برونہہ چُھ بھگوان سہائی 1970 تھس دوران کشیرِ ہندِ گورنر رودِمتِ تہ تمہِ آسہ اکثر تعلیمی ادارن ہُند دورء کران۔ تمو چھِ واریاہ دورء کرِ متِ اسلامی اسکول راضیہ کدل کسِ سالانہ اجلاسن منز۔ تِمہ آسہِ سیٹھا شریف النفس انسان تہ لُکن سآتہ آسہِ رلان میلان”۔

ظریف احمد ظریف سُند ونن اوس زہِ امہ علاوء آسہِ بُرج کمان نہرو 1980 تس دوران گورنر، تمہ تہِ آسہِ اکثر ڈاون ٹاون سرینگرکُ دورء کران۔

ظریف احمد ظریف سُند ونن اؤس زہِ “کشیرِ آسِ نہ ایژاھ حالات خراب ہمیشہ کینہہ 1990 تہ برونہہ۔ یتہِ اؤس امن، سکون تہ بائی توون۔ گورنر تہ وزراء اعلیٰ آسہِ اکثر ڈاون ٹاونکُ دورہ کران۔

اتھ بارس منز مزید زاننہ خاطرء کور اسہ وادی معروف سینئر صحافی یوسف جمیل لس سآتئ رابطہ۔ تیمو ونُ زہِ یہ چُھ غلط وننُ زہ کانسہ جموں وکشمیرکِ سربراہن چھنہ پتِمین 75 تھن وہرین دوران ڈاون ٹاون سرینگرکُ دورء کورمتُ۔

تمو ؤن “آو پتِمین 30 ہن وہرین دوران سیکورٹی ہندِ وجہ آسہ نہ کانسہِ دورہ کورمتُ۔ مگر تمہِ برونہہ آسہِ اکثر گورنر ڈاون ٹاون دورء کران۔ تِمہ آسہِ میڈیکل انسٹی ٹیوٹ صورہ تہ پاقی علاقن ہُند دورء کران۔ میہ چُھ یاد زہِ سابق گورنر ایل کے جھا تہ آسہ ڈاون ٹاون دورء کران۔ جھا اؤس 1980 برونہہ جموں و کشمیرکُ گورنر۔ تمو چھِ کینہ دورء کرِمتِ صورہ علاقس منز۔ منوج سنہا سُند دورہ اوس الٰہی باغ تہ الٰہی باغ چھنہ ڈاون ٹاونکُ علاقہ کینہ۔ “۔

گوگل میپس پیٹھ آو وچھنہ زہِ الٰہی باغ چھُ ڈاون ٹاون پیٹھ 4 کلومیٹر دور۔گوگل میپس منز ہیکیو توہی وچتھِ۔

Screengrab from google maps.

یوس جمیل چھِ اتھ بارس منز تہِ وضاحت کران زہِ ریاتکِ زِیٹھِس تہ حکومت کسِ زیٹھس منز چھ فرق۔ وزیر اعلیٰ چُھ آسان حکومتی زِیوٹھ تہ گورنر چُھ آسان ریاستکُ

زِیوٹھ۔ اتھ منز چھنہ کانہہ تہِ دویم رائے زہِ منوج سنہا چھِ ریاستکِ زیٹھِ، مگر تہ دعویٰ چُھ غلط زہِ تم 75 تھن وہرین منز ڈاون ٹاون سرینگرکُ دورء کرن والئِ گوڈنیکِ ریاستکِ زیٹھِ۔

Conclusion

لہذا گو ثابت زہِ یہ دعویٰ غلط زہِ گورنر منوج سنہا چُھ پتمین 75 تھن وہرین دوران ڈاون ٹاون دورء کرن والئ گوڈنیوک کشیر ہندِ زہٹھِ۔ سانس تحقیقاتس دوارن گو ثابت زہِ امہِ برونہہ چُھ ریاست کیو گورنرو ڈاون ٹاون دورء کورمتُ۔ تہ لیفٹننٹ گورنر منوج سنہائن دورء کور، سوء علاقہ چُھنہ ڈاون ٹاونکُ حصہ کینہہ۔

Result: False

Our Sources

UNI India report published on August 20, 2018
Crosstown News report published on August 20, 2018
Google maps


If you would like us to fact-check a claim, give feedback, or lodge a complaint, WhatsApp us at 9999499044 or email us at [email protected]. You can also visit the Contact Us page and fill out the form.

LEAVE A REPLY

Please enter your comment!
Please enter your name here

Most Popular