Tuesday, June 18, 2024
Tuesday, June 18, 2024

HomeFact Checkکیا بیئارِ ہُند یہ ویڈیو چھا قطرس منز فٹبال اسٹیڈیمس منز؟

کیا بیئارِ ہُند یہ ویڈیو چھا قطرس منز فٹبال اسٹیڈیمس منز؟

قطرس منز فٹبال ورلڈکپس دوران گئی سوشل میڈیاہس پیٹھ سیٹھا ویڈیو وائرل۔ بیئارِ ہُند ویڈیو چُھ سوشل میڈیاہس پیٹھ شیئر یوان کرنہ۔ ویڈیوس منز چُھ یوان وچھنہ زہِ بِیئار چھِ اسٹیڈٰمس الانز گمژ۔ صارِفو چُھ دعویٰ کورمتُ زہِ یہ چُھ قطر فٹبال اسٹیڈیمس منز واقع پیش آمُت۔

اکِ ٹویٹر صارفن چُھ بیئارِ ہُند ویڈیو شیئر کرتھِ لیوکمتُ زہِ ‘قطر فٹبال اسٹیڈیمس منز، بیئارِ ہُند جان کیتھ کنِ بچاؤ، یمسِ خدا رچھِ، غور کرئو’۔

یتھی کنِ چُھ متعدد صارفو یہ بیئارِ ہُند ویڈیو امیِ دعویٰ سان شیئر کورمتُ۔

پوسٹن ہُند لنک ہیکیو توہی یتیتھ، یتیتھ تہ یتیتھ وچتھِ۔

بیئارِ ہُند ویڈیو چُھ آمتُ فیس بُکس پیٹھ تہِ سیٹھا صارفن ہند طرفہ شیئر کرتھ دعویٰ آمتُ کرنہزہِ یہ چُھ قطر فٹبال اسٹیڈیمس منز۔

ویڈیوکُ لنک ہیکیو توہیِ یتیتھ، یتیتھ تہ یتیتھ وچتھِ۔

Fact Check/ Verification

نیوز چیکرن کور یہ ویڈیو انوڈِ ٹول کہِ مدد ساتِ کیفریمن منز تقسیم تہ امہِ منز کرِ کینہہ فریم کیورڈ سان گوگل ریورس امیج سرچ۔

سرچِ دوران آئی اسہِ لبنہ معروف بین الاقوامی اخبار یو ایس اے ٹوڈے ویب سائٹِ ہُند اکھ لنک۔ یتھ منز بیئارِ ہُند ویڈیوس متعلق چُھ آمتُ رہورٹ لیکھنہ۔ تہ یہ رپورٹ چھِ 12 ستمبر 2021 ہس منز آمژ شائع کرنہ۔  

بیئارِ ہُند ویڈیو
Screengrab from USA Today

رپورٹ مطابق چُھ امریکہ کسِ میامی ہندسِ ہارڈ راک اسٹیڈیمس منز کالج گیمِ دوران یہ ویڈیو آمتُ ریکارڈ کرنہ۔

امہِ ساتِ گو اسہِ ثابتِ زہِ بیئارِ ہُند ویڈیو چُھ پرون تہ قطر فٹبال ورلڈکپ ساتِ چُھنہ اتھ ویڈیوس کانہہ تہ تعلق۔

پننُ تحقیقات فعال بناؤنہ خطرء کور اسہِ مزید سرچ، تہ اتھ دوران آئی اسہِ مزید کینہہ رپورٹس لبنہ۔ یمن منز اتھ ویڈیوس متعلق چُھ آمتُ وننہ۔ یِمن رپورٹن منز چُھ آمتُ وننہ زہِ امریکہ کسِ میامی ہندسِ ہارڈ راک اسٹیڈیمس منز چُھ یہ واقع پیش آمتُ تہ اسٹیڈیمس منز موجود تماشائیو چبآؤ یہ بِیئار۔

اتھ ویڈیوس متعلق مزید رپورٹ ہیکیو توہی یتیتھ، یتیتھ، یتیتھ تہ یتیتھ پرتھِ۔

Courtesy: Screengrab from News18

Conclusion

یتھ کنِ گو سانسِ تحقیقاتس منز ثابتِ زہِ بیئارِ ہُند ویڈیو چُھنہ قطر فٹبال اسٹیڈیمس منز کینہہ، بلکہ چُھ یہ ویڈیو امریکہ کسِ میامی ہندسِ ہارڈ راک اسٹیڈیمس منز 2021 ہس منز آمتُ ریکارڈ کرنہ۔

Result: False

Our Sources

Report by USA Today, Dated Sept 12, 2021
Report by News18, Dated Sept 13, 2021
Report by Irish Mirror, Dated Sept 12, 2021


نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔9999499044

LEAVE A REPLY

Please enter your comment!
Please enter your name here

Most Popular