Claim
ಪ್ರಧಾನಿ ನರೇಂದ್ರ ಮೋದಿ ಮುಂಬೈ, ಹರಿಯಾಣಾ ರಾಲಿಯಲ್ಲಿ ಜನ ಇಲ್ಲ, ಖಾಲಿ ಕುರ್ಚಿಗಳು

Fact
ಪ್ರಧಾನಿ ನರೇಂದ್ರ ಮೋದಿ ರಾಲಿಯಲ್ಲಿ ಜನ ಇರಲಿಲ್ಲ ಎಂದ ವೀಡಿಯೋ ಮಹಾರಾಷ್ಟ್ರದ ಪುಣೆಯದ್ದು

ಮುಂಬೈಯಲ್ಲಿ, ಹರಿಯಾಣಾದಲ್ಲಿ ನಡೆದ ಪ್ರಧಾನಿ ನರೇಂದ್ರ ಮೋದಿ ಅವರ ರಾಲಿಯಲ್ಲಿ ಖಾಲಿ ಕುರ್ಚಿಗಳಿದ್ದು ಜನರು ಇರಲಿಲ್ಲ ಎಂದು ಹೇಳುವ ವೀಡಿಯೋವನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳಲಾಗುತ್ತಿದೆ.

ಈ ವಿಡಿಯೋ ಗಳು ಸುಮಾರು 27 ಸೆಕೆಂಡುಗಳದ್ದಾಗಿದೆ. ಈ ವೀಡಿಯೋದಲ್ಲಿ, ರಾಲಿಯಲ್ಲಿ ಖಾಲಿ ಕುರ್ಚಿಗಳು ಕಂಡುಬರುತ್ತವೆ. ಇದಲ್ಲದೆ, ಪಿಎಂ ಮೋದಿಯವರ ಭಾಷಣದ ಹಿನ್ನೆಲೆಯಲ್ಲಿ ಆಡುತ್ತಿರುವುದು ಕಂಡುಬರುತ್ತದೆ, ಅದರಲ್ಲಿ ಅವರು “ಮೋದಿ ಇರುವವರೆಗೂ, ಇಂಡಿ ಅಘಾಡಿ ಜನರ ಎಲ್ಲಾ ಪಿತೂರಿಗಳು ವಿಫಲವಾಗುತ್ತಲೇ ಇರುತ್ತವೆ. ಸ್ನೇಹಿತರೇ, ಕಾಂಗ್ರೆಸ್ ಆಡಳಿತದ ಮತ್ತೊಂದು ಹೆಗ್ಗುರುತಾಗಿದೆ. ಭಯೋತ್ಪಾದಕರಿಗೆ ಮುಕ್ತ ಅವಕಾಶವಿದೆ. ಆ ಸಮಯವನ್ನು ನಾವು ಹೇಗೆ ಮರೆಯಲು ಸಾಧ್ಯ? ಎಂದು ಹೇಳುವುದು ಕೇಳಿಸುತ್ತದೆ.

Also Read: ವಯನಾಡಿನಲ್ಲಿ ತ್ರಿವರ್ಣ ಧ್ವಜಕ್ಕೆ ಅವಮಾನ ಮಾಡಲಾಗಿದೆಯೇ, ಸತ್ಯ ಏನು?

ನ್ಯೂಸ್‌ಚೆಕರ್ ಈ ಬಗ್ಗೆ ಸತ್ಯಶೋಧನೆ ನಡೆಸಿದ್ದು, ಮೋದಿ ರಾಲಿಯಲ್ಲಿ ಖಾಲಿ ಕುರ್ಚಿಗಳು ಎಂದ ರಾಲಿ ನಿಜಕ್ಕೂ ಪುಣೆಯದ್ದು ಎಂದು ಕಂಡುಕೊಂಡಿದೆ.

Fact Check/Verification

ವೈರಲ್ ವೀಡಿಯೋದಲ್ಲಿ ಪ್ರಧಾನಿ ಮೋದಿ ಮಾತನಾಡುವ ಪದಗಳ ಸಹಾಯದಿಂದ ನ್ಯೂಸ್‌ ಚೆಕರ್ ಗೂಗಲ್‌ ಸರ್ಚ್ ಮಾಡಿದ್ದು, ಈ ವೇಳೆ ಏಪ್ರಿಲ್ 29 2024ರದು ಪುಣೆಯಲ್ಲಿ ನಡೆದ ರಾಲಿಯಲ್ಲಿ ಪ್ರಧಾನಿ ಮೋದಿಯವರ ಭಾಷಣದ ಪೂರ್ಣ ಪಠ್ಯ narendramodi.in ವೆಬ್‌ ಸೈಟ್ ನಲ್ಲಿ ನಮಗೆ ಲಭ್ಯವಾಗಿದೆ.

ಈ ಪಠ್ಯವು ವೈರಲ್ ವೀಡಿಯೋದ ಆಡಿಯೋ ಭಾಗವನ್ನು ಸಹ ಒಳಗೊಂಡಿದೆ. ಪುಣೆಯಲ್ಲಿ ನಡೆದ ರಾಲಿಯಲ್ಲಿ, ಕರ್ನಾಟಕದಲ್ಲಿ ಮುಸ್ಲಿಂ ಮೀಸಲಾತಿ ವಿಷಯದ ಬಗ್ಗೆ ಕಾಂಗ್ರೆಸ್ ಅನ್ನು ಗುರಿಯಾಗಿಸಿ ಮಾತನಾಡಿದ್ದ ಪ್ರಧಾನಿ ಮೋದಿ ಅವರು, “ಅವರು ಕರ್ನಾಟಕದಲ್ಲಿ ಏನು ಮಾಡಿದರು, ರಾತ್ರೋರಾತ್ರಿ ಫತ್ವಾ ಹೊರಡಿಸುವ ಮೂಲಕ ಎಲ್ಲ ಮುಸ್ಲಿಮರನ್ನು ಒಬಿಸಿಗಳನ್ನಾಗಿ ಮಾಡಲಾಯಿತು. ಅವರು ಎಲ್ಲರನ್ನೂ ಒಬಿಸಿಗಳನ್ನಾಗಿ ಮಾಡಿದರು. ಅವರು ಸುತ್ತೋಲೆಯನ್ನು ತೆಗೆದುಹಾಕಿ ಅದಕ್ಕೆ ರಾತ್ರೋರಾತ್ರಿ ಒಬಿಸಿ ಎಂಬ ಲೇಬಲ್‌ ಹಾಕಿದರು. ಆ ಬೆಳಗ್ಗೆ ಒಬಿಸಿ ಹೊಂದಿದ್ದ ಶೇಕಡಾ 27 ರಷ್ಟು ಮೀಸಲಾತಿಯನ್ನು ಲೂಟಿ ಮಾಡಿದರು ಮತ್ತು ಅರ್ಧಕ್ಕಿಂತ ಹೆಚ್ಚು ಸರಕುಗಳನ್ನು ತಿಂದರು. ಎಲ್ಲಾ ಒಬಿಸಿ ಜನರನ್ನು ಅರ್ಧದಲ್ಲೇ ಬಿಟ್ಟುಬಿಡಲಾಯಿತು. ಹೇಳಿ, ಸಹೋದರರೇ, ಇದು ದೇಶದಲ್ಲಿ ಕೆಲಸ ಮಾಡುತ್ತದೆಯೇ? ಈ ಇಂಡಿ ನಾಯಕರೇ ನಿಮ್ಮ ಕಿವಿಗಳನ್ನು ತೆರೆದು ಕೇಳಿ. ಮೋದಿ ಇನ್ನೂ ಜೀವಂತವಾಗಿದ್ದಾನೆ, ಮೋದಿ ಬದುಕಿರುವವರೆಗೂ ಧರ್ಮದ ಆಧಾರದ ಮೇಲೆ ಮೀಸಲಾತಿಗೆ ಅವಕಾಶ ನೀಡುವುದಿಲ್ಲ. ಈ ದೇಶವು ಇದಕ್ಕೆ ಅವಕಾಶ ನೀಡುವುದಿಲ್ಲ ಮತ್ತು ಈ ಉದ್ದೇಶಗಳನ್ನು ಹೊಂದಿರುವವರು ರಾಜಕೀಯದ ನಕ್ಷೆಯಿಂದ ಶಾಶ್ವತವಾಗಿ ಅಳಿಸಿಹೋಗುತ್ತಾರೆ. ಮೋದಿ ಇರುವವರೆಗೂ ಇಂಡಿ ಅಘಾಡಿ ಜನರ ಎಲ್ಲಾ ಪಿತೂರಿಗಳನ್ನು ವಿಫಲಗೊಳಿಸುತ್ತಲೇ ಇರುತ್ತಾನೆ.” (ಅನುವಾದಿಸಲಾಗಿದೆ)

“ಸ್ನೇಹಿತರೇ, ಕಾಂಗ್ರೆಸ್ ಆಡಳಿತದ ಮತ್ತೊಂದು ಗುರುತೆಂದರೆ. ಭಯೋತ್ಪಾದಕರಿಗೆ ಮುಕ್ತ ಅವಕಾಶವಿದೆ, ದೇಶದಲ್ಲಿ ಪ್ರತಿದಿನ ಭಯೋತ್ಪಾದಕ ದಾಳಿಗಳು ಮತ್ತು ಬಾಂಬ್ ಸ್ಫೋಟಗಳು ನಡೆದ ಸಮಯವನ್ನು ನಾವು ಹೇಗೆ ಮರೆಯಲು ಸಾಧ್ಯ? ಭಯೋತ್ಪಾದಕರು ಮಹಾರಾಷ್ಟ್ರದ ಮುಂಬೈ ಮತ್ತು ಪುಣೆಯನ್ನು ರಕ್ತಸಿಕ್ತಗೊಳಿಸಿದ್ದರು. ಜರ್ಮನ್ ಬೇಕರಿಯ ಮುಂದೆ ಏನಾಯಿತು?” (ಅನುವಾದಿಸಲಾಗಿದೆ) ಎನ್ನುವ ಮಾತುಗಳಿವೆ.

ಇದರೊಂದಿಗೆ ಪ್ರಧಾನಿ ಮೋದಿಯವರ ಯೂಟ್ಯೂಬ್ ಖಾತೆಯಿಂದ ಏಪ್ರಿಲ್ 29 2024 ರಂದು ಲೈವ್ ಮಾಡಿದ ವೀಡಿಯೊದಲ್ಲಿ ಈ ಭಾಗದ ವೀಡಿಯೋವನ್ನು ನಾವು ಕಂಡುಕೊಂಡಿದ್ದೇವೆ. ಸುಮಾರು 39 ನಿಮಿಷಗಳಿಂದ ಇದನ್ನು ನೋಡಬಹುದು ಮತ್ತು ಕೇಳಬಹುದು. ಅಲ್ಲದೆ, ವೈರಲ್ ಕ್ಲಿಪ್ ಭಾಗದಲ್ಲಿ, ನಾವು ಕಿಕ್ಕಿರಿದ ದೃಶ್ಯವನ್ನು ಸಹ ನೋಡಿದ್ದೇವೆ, ಇದರಲ್ಲಿ ಜನರು ದೂರದಲ್ಲಿ ಕುಳಿತುಕೊಂಡಿರುವುದನ್ನು ಕಾಣಬಹುದು.

Also Read: ರಾಹುಲ್ ಗಾಂಧಿ ತಮ್ಮ ಕಾರ್ಯಕ್ರಮಕ್ಕೆ ಚೀನಾದ ಸಂವಿಧಾನ ಕೊಂಡೊಯ್ಯುತ್ತಾರೆಯೇ?

ಗೂಗಲ್‌ ನಲ್ಲಿ ಹೆಚ್ಚಿನ ಹುಡುಕಾಟವನ್ನು ನಡೆಸಿದಾಗ, ಏಪ್ರಿಲ್ 29, 2024 ರಂದು ಮಹಾರಾಷ್ಟ್ರದ ಕರ್ಜತ್ ನ ನ್ಯಾಷನಲಿಸ್ಟ್ ಕಾಂಗ್ರೆಸ್ ಪಕ್ಷದ ಶಾಸಕ ರೋಹಿತ್ ಪವಾರ್ ಅವರ ಟ್ವೀಟ್ ಅನ್ನು ನೋಡಿದ್ದೇವೆ. ಆ ಪೋಸ್ಟ್ ನಲ್ಲಿರುವ ವೀಡಿಯೋ, ವೈರಲ್‌ ವೀಡಿಯೋದ ದೃಶ್ಯಗಳನ್ನು ಹೋಲುತ್ತದೆ. ಪುಣೆಯಲ್ಲಿ ನಡೆದ ಪ್ರಧಾನಿ ಮೋದಿಯವರ ರಾಲಿಯಲ್ಲಿ ಹೆಚ್ಚಿನ ಕುರ್ಚಿಗಳು ಖಾಲಿ ಉಳಿದಿವೆ ಎಂದು ರೋಹಿತ್ ಪವಾರ್ ಪೋಸ್ಟ್ ಶೀರ್ಷಿಕೆಯಲ್ಲಿ ಹೇಳಿಕೊಂಡಿದ್ದರು.

ರೋಹಿತ್ ಪವಾರ್ ಟ್ವೀಟ್ ಮಾಡಿದ ವೀಡಿಯೋದಲ್ಲಿ ಇರುವ ಆಡಿಯೋದಲ್ಲಿ ಪ್ರಧಾನಿ ಮೋದಿಯವರ ಭಾಷಣವೂ ಸೇರಿದೆ. “ಸಂತರು ದೇಶಕ್ಕೆ ಸಮಾಜ ಸುಧಾರಕರನ್ನು ನೀಡಿದ್ದಾರೆ ಮತ್ತು ಇಂದು ಈ ಭೂಮಿ ಜಗತ್ತಿಗೆ ಶ್ರೇಷ್ಠ ಆವಿಷ್ಕಾರರು ಮತ್ತು ತಂತ್ರಜ್ಞಾನದ ಉದ್ಯಮಿಗಳನ್ನು ನೀಡುತ್ತಿದೆ” ಎಂದು ಪ್ರಧಾನಿ ಮೋದಿ ಈ ಸಮಯದಲ್ಲಿ ಹೇಳಿದರು.

ಪ್ರಧಾನಿ ಮೋದಿ ಅವರು ಆಡಿದ ಈ ವಾಕ್ಯಗಳನ್ನು ನಾವು ಹುಡುಕಿದಾಗ, ಪುಣೆಯಲ್ಲಿ ನಡೆದ ಈ ರಾಲಿಯಲ್ಲಿ ಪ್ರಧಾನಿ ಈ ವಿಷಯಗಳನ್ನು ಹೇಳಿದ್ದಾರೆ ಎಂದು ನಾವು ಕಂಡುಕೊಂಡಿದ್ದೇವೆ. “ಸ್ನೇಹಿತರೇ, ಈ ಭೂಮಿ ಮಹಾತ್ಮ ಫುಲೆ, ಸಾಬಿತ್ರಿ ಬಾಯಿ ಫುಲೆ ಅವರಂತಹ ಅನೇಕ ಸಂತರನ್ನು ದೇಶಕ್ಕೆ ನೀಡಿದೆ. ಮತ್ತು ಇಂದು ಈ ಭೂಮಿಯು ಜಗತ್ತಿಗೆ ಶ್ರೇಷ್ಠ ಆವಿಷ್ಕಾರಗಳನ್ನು ನೀಡಿದವರನ್ನು ಮತ್ತು ಟೆಕ್ ಉದ್ಯಮಿಗಳನ್ನು ನೀಡುತ್ತಿದೆ. ಪುಣೆ ಎಷ್ಟು ಪ್ರಾಚೀನವೋ ಅಷ್ಟೇ ಭವಿಷ್ಯವೂ ಆಗಿದೆ”. ಎನ್ನುವ ಮಾತುಗಳಿವೆ.

ವೈರಲ್ ವೀಡಿಯೋದಲ್ಲಿರುವ ದೃಶ್ಯಗಳನ್ನು ಪುಣೆಯಲ್ಲಿ ನಡೆದ ರಾಲಿಯ ವೀಡಿಯೋದೊಂದಿಗೆ ಹೋಲಿಸಿದಾಗ, ನಾವು ಅನೇಕ ಹೋಲಿಕೆಗಳನ್ನು ಕಂಡುಕೊಂಡಿದ್ದೇವೆ, ಅವುಗಳನ್ನು ಕೆಳಗಿನ ಚಿತ್ರದ ಮೂಲಕ ನೀವು ಅರ್ಥಮಾಡಿಕೊಳ್ಳಬಹುದು.

ಈಗ ನಾವು ಪ್ರಧಾನಿ ಮೋದಿಯವರ ಅಂಬಾಲಾ ಮತ್ತು ಸೋನಿಪತ್ ರಾಲಿಯ ವೀಡಿಯೋವನ್ನು ಸಹ ನೋಡಿದ್ದೇವೆ. ಈ ಸಮಯದಲ್ಲಿ ಪ್ರಧಾನಿ ಮೋದಿ ಎರಡೂ ರಾಲಿಗಳಲ್ಲಿ ಭಾಷಣ ಮಾಡುವಾಗ ಯಾವುದೇ ರೀತಿಯ ಪೇಟವನ್ನು ಧರಿಸಿರಲಿಲ್ಲ, ಆದರೆ ಪುಣೆ ರಾಲಿಯಲ್ಲಿ ಅವರು ಸ್ಥಳೀಯ ಸಾಂಪ್ರದಾಯಿಕ ಪೇಟವನ್ನು ಧರಿಸಿದ್ದರು.

Conclusion

ನಮ್ಮ ತನಿಖೆಯಲ್ಲಿ ದೊರೆತ ಸಾಕ್ಷಾಧಾರಗಳ ಪ್ರಕಾರ ವೈರಲ್ ವೀಡಿಯೋ ಮುಂಬೈನದ್ದಲ್ಲ, ಹರಿಯಾಣದ್ದೂ ಅಲ್ಲ, ಅದು ಮೋದಿಯವರ ಪುಣೆ ರಾಲಿಯದ್ದು ಎಂದು ಸ್ಪಷ್ಟವಾಗಿದೆ. ಆದಾಗ್ಯೂ, ವೈರಲ್ ವೀಡಿಯೋ ಪುಣೆಯಲ್ಲಿ ನಡೆದ ರಾಲಿ ನಡೆಯುತ್ತಿರುವ ಸಂದರ್ಭದ್ದೇ ಅಥವಾ ರಾಲಿಯ ನಂತರದ್ದೇ ಎಂದು ಕಂಡುಹಿಡಿಯಲು ಸಾಧ್ಯವಾಗಲಿಲ್ಲ.

Also Read: ದಾವಣಗೆರೆಯಲ್ಲಿ ಬಾಲಕ ತಿನಿಸೊಂದನ್ನು ತಿಂದು ಮೃಪಟ್ಟಿದ್ದಾನೆಯೇ, ನಿಜಾಂಶವೇನು?

Result: False

Our Sources
PM Modi Pune rally speech on narendramodi.in

YouTube video By Narendra Modi, Dated: 29th April 2024

Tweet By NCP MLA Rohit Pawar, Dated: 29th April 2024

(ಈ ಲೇಖನವನ್ನು ಮೊದಲು ನ್ಯೂಸ್‌ಚೆಕರ್ ಹಿಂದಿಯಲ್ಲಿ ಪ್ರಕಟಿಸಲಾಗಿದ್ದು ಅದು ಇಲ್ಲಿದೆ)

ಯಾವುದೇ ಕ್ಲೈಮ್ ಅನ್ನು ನಾವು ವಾಸ್ತವಿಕವಾಗಿ ಪರಿಶೀಲಿಸಬೇಕೆಂದು ನೀವು ಬಯಸಿದರೆ, ಪ್ರತಿಕ್ರಿಯೆಯನ್ನು ನೀಡಿ ಅಥವಾ ದೂರು ಸಲ್ಲಿಸಬಹುದು, ಜೊತೆಗೆ 9999499044 ನಲ್ಲಿ ನಮಗೆ WhatsApp ಮಾಡಿ ಅಥವಾ → checkthis@newschecker.in ಮೂಲಕ ನಮಗೆ ಇಮೇಲ್ ಮಾಡಿ. ಸಂಪರ್ಕಿಸಿ ಪುಟದ ಮೂಲಕ ನೀವು ನಮ್ಮನ್ನು ಸಂಪರ್ಕಿಸಬಹುದು ಮತ್ತು ಫಾರಂ ಅನ್ನು ಭರ್ತಿ ಮಾಡಬಹುದು.