ಅಮೆರಿಕದ ಟೆಕ್ಸಾಸ್‌ ನಲ್ಲಿ ಪ್ರವಾಹ ಎಂದು ಎಐನಲ್ಲಿ ರಚಿಸಿದ ವೀಡಿಯೋ ಹಂಚಿಕೆ

Claim

ಅಮೆರಿಕದ ಟೆಕ್ಸಾಸ್‌ ನಲ್ಲಿ ಪ್ರವಾಹವುಂಟಾಗಿದೆ ಎಂದು ವೀಡಿಯೋ ಒಂದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ.

Fact

ಸತ್ಯಶೋಧನೆಯ ಭಾಗವಾಗಿ ನಾವು ವೀಡಿಯೋವನ್ನು ಎಚ್ಚರಿಕೆಯಿಂದ ಪರಿಶೀಲಿಸಿದಾಗ, ಈ ವೀಡಿಯೋ ಕೃತಕವಾಗಿ ರೂಪಿಸಿದಂತೆ ಇರುವುದು ಕಂಡುಬಂದಿದೆ. ರಸ್ತೆಯಲ್ಲಿ ಬರುವ ಕಾರುಗಳು ಅಂಡರ್ ಪಾಸ್‌ ಬಳಿ ಬರುತ್ತಿದ್ದಂತೆ ಇದ್ದಕ್ಕಿದ್ದಂತೆ ನಾಪತ್ತೆಯಾಗುವುದು, ಅಂಡರ್ ಪಾಸ್ ಅನಂತರ ತೇಲಿದಂತೆ ಇರುವುದು ಇದು ಎಐನಿಂದ ಮಾಡಿದ್ದಿರಬಹುದು ಎಂಬ ಸಂಶಯಕ್ಕೆ ಕಾರಣವಾಗಿದೆ.

ಆ ನಂತರದಲ್ಲಿ ಎಐ ಪತ್ತೆ ಸಾಧನಗಳ ಮೂಲಕ ನಾವು ವೈರಲ್ ವೀಡಿಯೋದ ಕೀಫ್ರೇಮ್ ಗಳನ್ನು ಪರಿಶೀಲಿಸಿದ್ದೇವೆ.

ವಾಸ್‌ ಇಟ್ ಎಐ ಮೂಲಕ ಪರಿಶೀಲಿಸಿದಾಗ, ಈ ಚಿತ್ರ ಅಥವಾ ಈ ಚಿತ್ರದ ಭಾಗವನ್ನು ಎಐ ನಿಂದ ಮಾಡಲ್ಪಟ್ಟಿದೆ ಎಂದು ಹೇಳಿದೆ.

ಡಿಕಾಪಿ ಎಐ ಮೂಲಕ ಪರಿಶೀಲಿಸಿದಾಗ, ಶೇ.99.24ರಷ್ಟು ಎಐ ಮೂಲಕ ಮಾಡಿದ್ದು ಎಂಬ ಫಲಿತಾಂಶವನ್ನು ನೀಡಿದೆ.

ಆ ನಂತರದಲ್ಲಿ ನಾವು ವೈರಲ್ ವೀಡಿಯೋದ ಕೀಫ್ರೇಮ್ ಗಳನ್ನು ಗೂಗಲ್ ಲೆನ್ಸ್ ಮೂಲಕ ಪರಿಶೀಲಿಸಿದ್ದೇವೆ. ಈ ವೇಳೆ Disaster Strucks ಎಂಬ ಫೇಸ್‌ಬುಕ್ ಪೇಜ್ ಲಭ್ಯವಾಗಿದೆ. ಬಳಕೆದಾರರು ಇದರಲ್ಲಿ ವೈರಲ್ ವೀಡಿಯೋವನ್ನು ಹೋಲುವ ವೀಡಿಯೋವನ್ನು ಜುಲೈ 9ರಂದು ಪೋಸ್ಟ್ ಮಾಡಿದ್ದಾರೆ. ಇದರ ವಿವರಣೆಯಲ್ಲಿ “ನೀರಿನ ಒತ್ತಡ ಹೆಚ್ಚಿದ್ದರಿಂದ ಭೂಗತ ರಸ್ತೆ ಮುಳುಗಿ ಹಲವು ಕಾರುಗಳು ಹಾನಿಗೊಳಗಾದವು.” ಎಂದು ಬರೆದಿದ್ದಾರೆ. ಈ ಪೇಜ್ ಬಗ್ಗೆ ನಾವು ಇನ್ನಷ್ಟು ಶೋಧ ನಡೆಸಿದಾಗ, ಪೇಜ್ ಪೀಠಿಕೆಯಲ್ಲಿ, “”ವಿಪತ್ತು ಆಘಾತಗಳು” ಪುಟಕ್ಕೆ ಸುಸ್ವಾಗತ AI – ಮರುಸೃಷ್ಟಿಸಿದ ವಿಪತ್ತು ಘಟನೆಗಳು. AI ನಿಂದ ರಚಿಸಲಾದ ವಿಷಯ” ಎಂದು ಬರೆದಿರುವುದನ್ನು ಗಮನಿಸಿದ್ದೇವೆ.

ಇದೇ ರೀತಿ ಬಳಕೆದಾರರು ವಿವಿಧ ಎಐ ರಚಿತ ವೀಡಿಯೋಗಳನ್ನು ಮಾಡಿರುವುದನ್ನು ನೋಡಿದ್ದೇವೆ.

ಇನ್ಸ್ಟಾಗ್ರಾಂನಲ್ಲೂ ಜುಲೈ 8ರಂದು Disasterstrucks1 ಬಳಕೆದಾರರು ವೈರಲ್ ವೀಡಿಯೋ ಹೋಲುವ ವೀಡಿಯೋವನ್ನು ಪೋಸ್ಟ್ ಮಾಡಿರುವುದು ಕಂಡುಬಂದಿದೆ.

ಈ ಸಾಕ್ಷ್ಯಾಧಾರಗಳ ಪ್ರಕಾರ, ಟೆಕ್ಸಾಸ್‌ ನಲ್ಲಿ ಪ್ರವಾಹ ಎಂದು ಹಂಚಿಕೊಳ್ಳಲಾದ ವೀಡಿಯೋ, ಎಐನಿಂದ ಮಾಡಿದ್ದು ಎಂದು ಕಂಡುಬಂದಿದೆ.

Our Sources

Decopy AI

Was It AI

Facebook Post By Disaster Strucks, Dated: July 9, 2025

Instagram Post By Disaster Strucks, Dated: July 8, 2025