Fact Check:പ്രധാനമന്ത്രി നരേന്ദ്ര മോദി 26-ാം വയസ്സിൽ യോഗ ചെയ്യുന്ന വീഡിയോ അല്ലിത് 

പ്രധാനമന്ത്രി  നരേന്ദ്ര മോദി ജി  26-ാം വയസ്സിൽ യോഗ ചെയ്യുന്ന അപൂർവ്വ വീഡിയോ എന്ന പേരിൽ ഒരു പോസ്റ്റ് ഫേസ്ബുക്കിൽ വൈറലാവുന്നുണ്ട്. Vijayan K K എന്ന ആൾ റീൽസ് ആയി ചെയ്ത വീഡിയോയ്ക്ക് ഞങ്ങൾ കാണുമ്പോൾ,10.4 k ലൈക്കുകളും,1.3 k ഷെയറുകളും ഉണ്ടായിരുന്നു.

മറ്റ് ചില പോസ്റ്റുകളും ഫേസ്ബുക്കിൽ ഈ വിഷയത്തിൽ കണ്ടു. അത് ഇവിടെയും ഇവിടെയും വായിക്കാം.

Fact Check/Verification

ഇൻവിഡ് ടൂളിന്റെ സഹായത്തോടെ വീഡിയോ കീ ഫ്രെമുകളായി വിഭജിച്ചു. തുടർന്ന് ഒരു കീ ഫ്രയിം  റിവേഴ്‌സ് ഇമേജില്‍ സേർച്ച് ചെയ്തു. അപ്പോൾ 2009 ജൂൺ 12-ന് ടോം മാർട്ടിൻ എന്ന YouTube ചാനലിൽ, “കൃഷ്ണമാചാര്യ & ബികെഎസ് അയ്യങ്കാർ എന്നിവരുടെ 1938-ലെ യോഗസൂത്രങ്ങളോടെ, ആറാം  ഭാഗം 1” എന്ന തലക്കെട്ടോടെ അപ്‌ലോഡ് ചെയ്ത ഒരു വീഡിയോ കിട്ടി. വൈറൽ ക്ലിപ്പിലെ അതേ ഓഡിയോ തന്നെ അതിലും  കേൾക്കാം.

കൂടുതൽ തിരച്ചിലിൽ മറ്റൊരു വിഡിയോയും കിട്ടി. YouTubeൽ McPetruk മേയ് 12,2006 ൽ അപ്ലോഡ് ചെയ്ത വീഡിയോയുടെ വിവരണം  ഇങ്ങനെയായിരുന്നു, “ഡിവിഡി വാങ്ങാൻ dan@balihealer.com. 1938-ൽ McPetruk നിർമ്മിച്ച BKS അയ്യങ്കാർ അസ്താംഗ വിന്യാസ യോഗ ചെയ്യുന്നതാണ്  ഇതിലുള്ളത്.”

മാത്രമല്ല,യോഗാചാര്യനായിരുന്ന അയ്യങ്കാറിന്റെ മരണം റിപ്പോർട്ട് ചെയ്ത ഓഗസ്റ്റ് 20,2014ന് ബിബിസി നൽകിയിരിക്കുന്നതും ഇതേ വീഡിയോയാണ്. അയ്യങ്കാർ 1930-കളിൽ’ എന്നാണ് വീഡിയോയുടെ അടിക്കുറിപ്പ് പറയുന്നത്.

Fact Check:കൊച്ചി ലുലുമാൾ പിവിആർ ഫിലിം സിറ്റിയിൽ പുഴ മുതൽ പുഴ വരെ കാണാൻ വന്നവരുടെ തിരക്കല്ല വൈറൽ ഫോട്ടോയിൽ ഉള്ളത്

Conclusion

പ്രധാനമന്ത്രി നരേന്ദ്ര മോദി 26-ാം വയസ്സിൽ യോഗ ചെയ്യുന്ന വീഡിയോ അല്ലിത് എന്ന് ഞങ്ങളുടെ അന്വേഷണത്തിൽ മനസ്സിലായി. യോഗാചാര്യനായിരുന്ന ബികെഎസ് അയ്യങ്കാറാണ് 1930കളിൽ നിർമിച്ച വിഡിയോയിൽ ഉള്ളത് എന്നും മനസ്സിലായി.

Result: False

ഞങ്ങൾ ഒരു അവകാശവാദത്തെ കുറിച്ച്  വസ്തുത പരിശോധന നടത്തണമെന്നോ ,അതിനെ കുറിച്ചുള്ള  ഫീഡ്‌ബാക്ക് നൽക്കണമെന്നോ,  അതിനെ കുറിച്ചൊരു പരാതി ഞങ്ങൾക്ക് നൽക്കണമെന്നോ  നിങ്ങൾ ആഗ്രഹിക്കുന്നുവെങ്കിൽ, 9999499044 എന്ന നമ്പറിൽ വാട്ട്‌സ്ആപ്പ് ചെയ്യുക. അല്ലെങ്കിൽ checkthis@newschecker.in ൽ ഇമെയിൽ ചെയ്യുക. നിങ്ങൾക്ക് ഞങ്ങളുടെ കോൺടാക്ട് അസ് പേജ് സന്ദർശിച്ചു പരാതി ഫോം പൂരിപ്പിക്കാനും അവസരം ഉണ്ട്.