Authors
Sabloo Thomas has worked as a special correspondent with the Deccan Chronicle from 2011 to December 2019. Post-Deccan Chronicle, he freelanced for various websites and worked in the capacity of a translator as well (English to Malayalam and Malayalam to English). He’s also worked with the New Indian Express as a reporter, senior reporter, and principal correspondent. He joined Express in 2001.
കുടകിൽ കളക്‌ടറായ മലയാളിയുടേത് എന്ന പേരിൽ ഒരു വീഡിയോ വൈറലാവുന്നുണ്ട്.മുൻപ് 2020ൽ ഹത്രാസിൽ പീഡനത്തിന് ഇരയായ പെണ്കുട്ടിയുടേത് എന്ന പേരിൽ ഇതേ വീഡിയോ വൈറലായിരുന്നു. അന്ന് ഞങ്ങള്ഫ്ര ബംഗ്ല ഫാക്ട് ചെക്ക് ടീമിലെ പരോമിത ദാസ് ഇതേ വീഡിയോ ഫാക്ട് ചെക്ക് ചെയ്തിരുന്നു. അത് ഇവിടെ വായിക്കാം.
”ഈ കുട്ടി മലയാളിയാണ്.BSc നഴ്സുമായിരുന്നു.IAS എടുത്ത് കളക്ടറായി കർണ്ണാടക കുടകിൽ വർക്ക് ചെയ്യുമ്പോഴാണ് കോവിഡ് വരുന്നത്.ഇ കുട്ടിയുടെ കഴിവു കൊണ്ട്,കോവിഡിനെ അവിടന്ന് തുരത്തി,അതിന് ആ നാട്ടുകാർ കൊടുക്കുന്ന ആദരവാണ് വിഡിയോയിൽ കാണുന്നത്.”
വേടത്തി എന്ന ഐഡിയിൽ നിന്നുള്ള വീഡിയോ ഞങ്ങൾ കാണുമ്പോൾ അതിന് 11 ഷെയറുകൾ ഉണ്ടായിരുന്നു.
Ente changathy എന്ന ഐഡിയിൽ നിന്നും ഇതെ വീഡിയോ ഷെയർ ചെയ്യപ്പെട്ടിട്ടുണ്ട്.
CK MEDIA എന്ന ഐഡിയിൽ നിന്നും ഇതേ വിവരണത്തോടെ വീഡിയോ ഷെയർ ചെയ്യപ്പെട്ടു.
Symo Syed എന്ന ഐഡിയിൽ നിന്നും ഇതേ വീഡിയോ ഞങ്ങൾ ഫേസ്ബുക്കിൽ കണ്ടെത്തി.
Fact check / Verification
ഇൻവിഡ് ടൂളിന്റെ സഹായത്തോടെ കുടകിൽ കളക്‌ടറായ മലയാളിയുടേത് എന്ന പേരിൽ പ്രചരിക്കുന്ന വീഡിയോയെ ചില കീ ഫ്രെയിമുകളായി വിഭജിച്ച് ഞങ്ങൾ Yandexൽ തിരഞ്ഞു.അപ്പോൾ മുഹമ്മദ് ആദിൽ ഫയാസിന്റെ പേരിലുള്ള ഫെബ്രുവരി ,20 , 2020-ലെ ഒരു YouTube ലിങ്ക് ഞാൻ കണ്ടെത്തി.
വീഡിയോയുടെ അടിക്കുറിപ്പ് ഇങ്ങനെയാണ് – എംഡി ആദിൽ ഫയാസ് എംബിഎൻആർ ഗോ ഡയമണ്ട് റോയൽ ടൈഗർ ടീം മഹബൂബ്‌നഗർ. ഡയമണ്ട് റോയൽ ടൈഗർ ടീം മഹബൂബ്‌നഗർ എന്ന കീവേഡുകൾ ഉപയോഗിച്ച് തിരഞ്ഞതിന് ശേഷം സേഫ് ഷോപ്പിന്റെ ഫേസ്ബുക്ക് പേജ് കണ്ടെത്തി.അത് ഒരു മൾട്ടി ലെവൽ മാർക്കറ്റിങ് കമ്പനിയാണ്. സേഫ് ഷോപ്പിന്റെ പേര് ഗൂഗിളിൽ ടൈപ്പ് ചെയ്‌തപ്പോൾ നാസിയ ബീഗം എന്ന സ്ത്രി സേഫ്ഷോപ്പ് വഴിയുണ്ടാക്കിയ നേട്ടങ്ങളെ കുറിച്ചുള്ള യൂട്യൂബ് ലിങ്കുകൾ കണ്ടെത്തി. ഈ വീഡിയോയിലുള്ള പെൺകുട്ടി തന്നെയാണ് അവർ എന്ന് മനസിലായി.
തുടർന്ന് കുടകിൽ കളക്‌ടറായ മലയാളിയുണ്ടോ എന്ന് തിരഞ്ഞു. അപ്പോൾ കുടക് ഡെപ്യൂട്ടി കമ്മിഷണർ ആനീസ് കണ്‍മണി ജോയിയുടെ വിവരം കിട്ടി.
ആനീസ് കണ്‍മണി എൻഡിടിവി ചാനലിനു നല്‍കിയ അഭിമുഖത്തില്‍ അവര്‍ തിരുവനന്തപുരം മെഡിക്കല്‍ കോളേജില്‍ നിന്ന് ഒന്നാം ക്ലാസോടെ നഴ്സിംഗ് ബിരുദം കരസ്ഥമാക്കിയ വ്യക്തിയാണ് എന്ന് മനസിലായി. ആദ്യമായി സിവിൽ സർവിസ് നേടുന്ന ആദ്യ നേഴ്‌സ് ആനീസ് കണ്‍മണി ആണ് എന്ന് എൻഡിടിവി ചാനലിനു നല്‍കിയ അഭിമുഖത്തില്‍ അവർ പറയുന്നുണ്ട്.
തുടർന്നുള്ള തിരച്ചിലിൽ കോവിഡ് വിരുദ്ധ പ്രവർത്തനങ്ങൾക്ക് നാട്ടുകാർ അനുമോദിക്കുന്ന കുടകിൽ കളക്‌ടറായ മലയാളി എന്ന പേരിൽ പ്രചരിക്കുന്ന വീഡിയോയിൽ ഉള്ളത് താനല്ല എന്ന് ന്യൂസ് മിനിറ്റിന് 2020 കൊടുത്ത ഇന്റർവ്യൂവിൽ ആനീസ് കണ്‍മണി ജോയി പറയുന്നത് ഞങ്ങൾ കണ്ടെത്തി.
Conclusion
കുടകിൽ കളക്‌ടറായ മലയാളി എന്ന പേരിൽ പ്രചരിക്കുന്ന വീഡിയോയിൽ ഉള്ളത് മൾട്ടി ലെവൽ മാർക്കറ്റിങ് കമ്പനിയായ സേഫ് ഷോപ്പിലെ ഏറ്റവും നേട്ടം ഉണ്ടാക്കിയ ജീവനക്കാരിലൊരാളായ നാസിയ ബീഗമാണ് എന്ന് ഞങ്ങളുടെ അന്വേഷണത്തിൽ കണ്ടെത്തി.
Sources
Youtube video by MD ADIL FAYAZ on Feb 20, 2020
Youtube video by SHUBHAM KUMAR on June 27, 2021
Youtube video by Infinity Entrepreneur on January 22, 2020
News report in NDTV on May 15, 2012
News report in News Minute on October 27,2020
ഞങ്ങൾ ഒരു അവകാശവാദത്തെ കുറിച്ച് വസ്തുത പരിശോധന നടത്തണമെന്നോ ,അതിനെ കുറിച്ചുള്ള ഫീഡ്‌ബാക്ക് നൽക്കണമെന്നോ, അതിനെ കുറിച്ചൊരു പരാതി ഞങ്ങൾക്ക് നൽക്കണമെന്നോ നിങ്ങൾ ആഗ്രഹിക്കുന്നുവെങ്കിൽ, 9999499044 എന്ന നമ്പറിൽ വാട്ട്‌സ്ആപ്പ് ചെയ്യുക അല്ലെങ്കിൽ checkthis@newschecker.in ൽ ഇമെയിൽ ചെയ്യുക. നിങ്ങൾക്ക് ഞങ്ങളുടെ കോൺടാക്ട് അസ് പേജ് സന്ദർശിച്ചു പരാതി ഫോം പൂരിപ്പിക്കാനും അവസരം ഉണ്ട്.
Authors
Sabloo Thomas has worked as a special correspondent with the Deccan Chronicle from 2011 to December 2019. Post-Deccan Chronicle, he freelanced for various websites and worked in the capacity of a translator as well (English to Malayalam and Malayalam to English). He’s also worked with the New Indian Express as a reporter, senior reporter, and principal correspondent. He joined Express in 2001.
