मुर्शिदाबाद दंगलीनंतर बजरंग दलाचे कार्यकर्ते हिंदूंच्या मदतीला धावले असे सांगत सांगलीचा व्हिडिओ व्हायरल

मुर्शिदाबाद दंगलीनंतर बजरंग दलाचे कार्यकर्ते हिंदूंच्या मदतीला धावले असे सांगत एक व्हिडीओ व्हायरल झाला आहे.

“राजस्थान उत्तर प्रदेश.. मध्य प्रदेश समेत कोने कोने से अपने हिंदुओं की जान की रक्षा के लिए बजरंग दल के हज़ारों हजार कार्यकर्ता कल आधी रात बंगाल में, ना तो तुमको कोई सरकार बचाएगी ना कोई पुलिस बचा पाएगी..!! आतंक के इस दौर में अगर कोई तुमको बचा सकता है तो वो है सिर्फ़ तुम्हारी एकता” अशा कॅप्शनखाली हा दावा करण्यात आला आहे.

दाव्याचे संग्रहण येथे पाहता येईल.

आम्ही व्हायरल दाव्याची तपासणी केली आणि आम्हाला तो खोटा आढळला.

Fact Check/Verification

तथ्य शोधण्यासाठी, आम्ही व्हायरल व्हिडिओचे कीफ्रेम काढले आणि रिव्हर्स इमेज सर्च केले.

१७ फेब्रुवारी २०२५ रोजी dnyaneshwar_3116 नावाच्या इंस्टा युजरने शेअर केलेला आणि व्हायरल व्हिडिओशी साम्य असलेला व्हिडिओ आम्हाला आढळला.

व्हिडिओ जवळून पाहिल्यावर, आम्हाला लक्षात आले की व्हिडिओमध्ये sumit_suryawanshi_5005 नावाचा वॉटरमार्क आहे.

हाच व्हिडिओ १७ फेब्रुवारी २०२५ रोजी sumit_suryawanshi_5005 अकाउंटवरून शेअर करण्यात आला होता, जिथे आम्हाला ‘#sanglikar’ हा टॅग दिसला. याच्या आधारे, आम्ही सांगलीवर आधारित कीवर्ड सर्च केला आणि मीडिया रिपोर्ट्स पाहिले.

१९ फेब्रुवारी २०२५ रोजी टाईम्स ऑफ इंडियाच्या वृत्तानुसार, “कर्नाटकातील वार्षिक जत्रेवरून मंगळवारी पहाटे २ वाजता सांगलीला परतणाऱ्या शेकडो मोटारसायकलस्वारांना मोठ्याने हॉर्न वाजवताना आणि ओरडताना पाहिले गेले आणि त्यांना पोलिस कारवाईला सामोरे जावे लागले. पोलिसांनी या मोटारसायकलस्वारांवर लाठीमार केला आणि सुमारे ४५ जणांना किरकोळ दुखापत झाली. अनेक त्यांच्या दुचाकी सोडून पळून गेले आहेत. हे मोटारसायकलस्वार दरवर्षी शेजारच्या कर्नाटकातील मायाक्का देवी वार्षिक जत्रेत सहभागी होण्यासाठी चिंचलीला भेट देतात, जिथे घोडागाडी शर्यत आयोजित केली जाते. आयोजकांचा दावा आहे की सुमारे ६५ किमी अंतर कापणारी ही या भागातील सर्वात लांब शर्यत आहे. सांगली ग्रामीण पोलिस ठाण्याचे निरीक्षक किरण चौगुले म्हणाले, “सांगली शहरात शर्यतीला परवानगी नाही. परंतु, अनेक तरुण ती करीत आले आणि त्यांच्या नेतृत्वाखालील बाईकस्वार आवाज करू लागले, मोठ्याने ओरडू लागले आणि हॉर्न वाजवू लागले.” सांगलीमध्ये आमचा पोलिस बंदोबस्त होता आणि त्यांना रोखण्यासाठी लाठीमार करण्याशिवाय पर्याय नव्हता. सर्व गुंडगिरी थांबवण्याचे कडक आदेश होते. मोठ्या आवाजाने रहिवासी जागे झाले आणि त्यांनी स्वारांवर कारवाईची मागणी केली.

१८ फेब्रुवारी २०२५ रोजीच्या Saam TV युट्यूब व्हिडिओनुसार, “सांगलीमध्ये पोलिसांना त्वरित कारवाई करावी लागली आहे. कायदा अंमलबजावणी पथकाने परिस्थिती हाताळण्यासाठी आवश्यक पावले उचलली आहेत. हे कठोर पाऊल या प्रदेशात कायदा आणि सुव्यवस्था राखण्याच्या दृढनिश्चयावर प्रकाश टाकते. जनता आता अशा अनुशासनहीन वर्तनाविरुद्ध कडक भूमिका घेत आहे.” या व्हिडिओमध्ये आम्हाला व्हायरल झालेल्या व्हिडिओसारखाच एक व्हिडिओ देखील दिसला.

या घटनेबद्दल न्यूजचेकरने स्थानिक पत्रकार विनायक जाधव यांच्याशी संपर्क साधला असता त्यांनी घटनेची माहिती दिली. कर्नाटकातील चिंचली मायाक्का मंदिर उत्सवादरम्यान सांगलीतील सांगलीवाडी येथील तरुण आणि नागरिक तीर्थयात्रेला जातात. शेकडो लोक परत येत असताना त्यांनी सांगली पोलिस स्टेशन रोडजवळ हॉर्न वाजवला, ज्यामुळे ध्वनी प्रदूषण झाले. त्याच वेळी, पोलिसांनी बॅरिकेड्स लावले होते आणि असे वर्तन करणाऱ्यांवर कारवाई केली होती. “गेल्या तीन-चार वर्षांपासून तरुण यात्रेवरून परतताना असे वागत आहेत आणि पोलिसांनी अलीकडेच त्यांच्यावर कारवाई केली आहे,” असे ते म्हणाले.

Conclusion

अशाप्रकारे आम्ही केलेल्या तपासात व्हायरल व्हिडिओमध्ये मुर्शिदाबादमधील हिंदूंचे रक्षण करण्यासाठी हजारो बजरंग दलाचे कार्यकर्ते पश्चिम बंगालला जात असल्याचे सांगणारा दावा खोटा असल्याचे स्पष्ट झाले. चिंचली मायाक्का मंदिर उत्सवातून आलेल्या आणि रस्त्यावर हॉर्न वाजवत आणि ओरडत असभ्य वर्तन करणाऱ्यांवर पोलिसांनी सांगलीत कारवाई केल्याचा व्हिडीओ खोटा दावा करून शेयर करण्यात येत आहे.

Our Sources

Instagram Post By sumit_suryawanshi_5005, Dated: February 17, 2025
Report By Times Of India, Dated: February 19, 2025
YouTube Video By Saam Tv, Dated: February 18, 2025