Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact Check
या सप्ताहात Newschecker ने सोशल मीडियात व्हायरल झालेला अनेक फेक न्यूजचा पर्दाफाश केला. अहमदनगरच्या बाबाभाई पठाण यांनी हिंदू मुलींना दत्तक घेउन त्यांचे लग्न हिंदू पद्धतीने लावल्याचा दावा आणि इतरही दावे या आठवड्याता मोठया प्रमाणात व्हायरल झाले. हे सगळे दावे WhatsApp आणि इतर सोशल मीडिया प्लॅटफाॅर्मवर व्हायरल होत आहेत कदाचित आपणास देखील हे दावे पहायला मिळाले असतील. इथे वाचा या सप्ताहातील टाॅप-5 फेक न्यूज :
अहमदनगरमधील बाबाभाई पठाण यांनी हिंदू मुलींना दत्तक घेऊन त्यांचे लग्न लावून दिले आहे असा दावा व्हायरल झाला असून पण सत्य वेगळेच आहे. बाबाभाई पठाण यांनी हिंदू मुलींचा मामा म्हणून कर्तव्य पार पाडले आहे. या मुली अनाथ नसून त्यांचे आईवडील जिवंत असून वडिल त्यांच्याजवळ राहत नाहीत. सोशल मीडियात चुकीचा दावा व्हायरल झाला आहे.
एक व्यक्ती दुधात घाण पाणी ओतत असल्याचा व्हिडिओ व्हायरल झाला होता. हा व्हिडिओ मुंबईतील जोगेश्वरी येथील तबेल्यातील असल्याचा दावा करण्यात आला. आमच्या पडताळणीत हा व्हिडिओ हैद्राबादमधील असल्याचे आढळले.
बाॅलीवुड अभिनेता आमीर खानने नुकतीच दहशतवादी तारिक जमील आणि जुनैद शमशेद यांची भेट घेतली असल्याचा दावा व्हायरल झाला. आमीर खानचे जुने फोटो आत्ताचे म्हणून चुकीच्या दाव्याने व्हायरल करण्यात आले आहेत. शिवाय फोटोतील व्यक्ती या दहशतवादी नसून गायक व धर्म उपदेशक आहेत.
सोशल मीडियात भुशी डॅमचा व्हिडिओ असल्याचा दावा व्हायरल झाला आहे. भुशी डॅमवर रविवारी गर्दी झाली होती. भारत कधीच कोरोनाला रोखू शकत नाही. पडताळणीत हे सिद्ध झाले की, व्हायरल व्हिडिओ हा लोणावळ्यातील भुशी डॅमचा नसून राजस्थानमधील गोवटा तलावाचा आहे.
एबीपी माझाच्या बातमीची 19 सेकंदांची क्लिप व्हायरल झाली असून यात मुळशी पॅटर्नचे दिग्दर्शक अभिनेते प्रविण तरडे यांना कार्यालयात घुसून अज्ञात लोकांनी मारहाण केल्याचे म्हटले आहे. तरडे हे नुकतेच संविधानाच्या पुस्तकावर गणपतीची स्थापना केल्यामुळे वादात अडकले होते. पडताळणीत हा दावा खोटा असल्याचे सत्य समोर आले.
कोणत्याही संशयास्पद बातमीच्या पडताळणीसाठी, सुधारणा किंवा अन्य सुचनांसाठी आम्हाला checkthis@newschecker.in वर ईमेल करा अथवा 9999499044 या व्हाट्सएप्प नंबरवर मॅसेज पाठवा. आपण आम्हाला संपर्क करुन हव्या असलेल्या माहितीबद्दल फाॅर्म देखील भरू शकता.
