Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Viral
दुधात भेसळ करणाऱ्या व्यक्तीचा व्हिडीओ सोशल मीडियात व्हायरल होत असून हा व्हिडीओ मुंबईच्या जोगेश्वरी येथील तबेल्यातील असल्याचा दावा करण्यात येत आहे.
या व्हिडिओत एक व्यक्ती म्हशीची धार काढत असताना दूध पितो व दुधाच्या बकेटमध्ये जवळच्या हौदातील पाणी ओतून भेसळ करत असल्याचे दिसत आहे. सोशल मीडियात हा व्हिडिओ व्हायरल झाला असून पोस्टमध्ये म्हटले आहे की हा प्रकार मुंबईतील जोगेश्वरी येथील असून पहा मुंबईकर किती शुद्ध दूध पितात आपल्या मुलांचा जीव धोक्यात घालून हे दूध त्यांना देखील पाजतात.
आम्ही या बाबत पडताळणी सुरु केली. काही किवर्डसच्या आधारे शोध सुरु केला असता आम्हाला याच दाव्याचे एक ट्विट देखील आढळून आले.
आम्ही या व्हिडिओतील काही स्क्रिनशाॅट काढून रिव्हर्स इमेजच्या साहाय्याने शोध घेतला असता नवभारत टाईम्सच्या बातमीचा व्हिडिओ आढळून आला. दूधात घाण पाणी मिसळण्याचा व्हिडिओ हैद्राबादमधील असल्याचे यात म्हटलेले आहे.
newsmeter.in या वेबसाईटवर देखील यासदंर्भात बातमी प्रसिद्ध झाली आहे. यात म्हटले आहे की, हैद्राबादमधील दाबीरपुरा पोलिसांनी या प्रकरणी 19 आॅगस्ट रोजी डेअरी मालकाला अटक केली आहे. मात्र व्हिडिओत दिसणारा कामगार फरार झाला आहे.
यावरुन हेच स्पष्ट होते की, दुधात घाण पाणी मिसळण्याचा व्हिडिओ हा मुंबईतील जोगेश्वरी तबेल्यातील नाही तर हैद्राबादमधील एका डेअरीतील आहे. हा व्हिडिओ मुंबईच्या नावाने चुकीच्या दाव्यानिशी सोशल मीडियात व्हायरल होत आहे.
नवभारत टाईम्स- https://www.youtube.com/watch?v=QCV2bP1lcLc
न्यूजमीटर- https://newsmeter.in/watch-dabeerpura-dairy-farm-worker-adulterating-milk-owner-arrested/
कोणत्याही संशयास्पद बातमीच्या पडताळणीसाठी, सुधारणा किंवा अन्य सुचनांसाठी आम्हाला checkthis@newschecker.in वर ईमेल करा अथवा 9999499044 या व्हाट्सएप्प नंबरवर मॅसेज पाठवा. आपण आम्हाला संपर्क करुन हव्या असलेल्या माहितीबद्दल फाॅर्म देखील भरू शकता.
