ਕੀ ਭਾਖੜਾ ਨਹਿਰ ਦੇ ਵਿੱਚ ਹਾਥੀ ਫਸ ਗਿਆ? ਜਾਣੋ ਸੱਚ

ਪੰਜਾਬ ਵਿੱਚ ਤਕਰੀਬਨ ਦੋ ਹਫਤੇ ਤੋਂ ਅਤੇ ਹੜ੍ਹਾਂ ਨੇ ਤਬਾਹੀ ਮਚਾਈ ਹੋਈ ਹੈ। ਪੰਜਾਬ ਦੇ ਜ਼ਿਆਦਾਤਰ ਜ਼ਿਲ੍ਹਿਆਂ ਦੇ ਤਕਰੀਬਨ 1500 ਤੋਂ ਵੱਧ ਪਿੰਡ ਹੜ੍ਹਾਂ ਦੀ ਮਾਰ ਹੇਠ ਆ ਚੁੱਕੇ ਹਨ। ਹੜ੍ਹ ਦੇ ਕਰਕੇ ਹੁਣ ਤਕ 38 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।

ਇਸ ਵਿਚਾਲੇ ਸੋਸ਼ਲ ਮੀਡਿਆ ਤੇ ਇੱਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਦੇ ਨਹਿਰ ‘ਚ ਹਾਥੀ ਨੂੰ ਫਸਿਆ ਦੇਖਿਆ ਜਾ ਸਕਦਾ ਹੈ। ਵੀਡੀਓ ਨੂੰ ਸ਼ੇਅਰ ਕਰਦਿਆਂ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਭਾਖੜਾ ਨਹਿਰ ਦੇ ਵਿੱਚ ਹਾਥੀ ਫਸ ਗਿਆ।

Fact Check/Verification

ਅਸੀਂ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਹੀ ਇਸ ਵੀਡੀਓ ਨੂੰ ਲੈ ਕੇ ਆਪਣੀ ਜਾਂਚ ਦੀ ਸ਼ੁਰੂਆਤ ਕਰਦਿਆਂ ਵੀਡੀਓ ਨੂੰ ਕੁਝ ਕੀ ਫਰੇਮ ਵਿੱਚ ਵੰਡ ਕੇ ਇੱਕ ਫਰੇਮ ਨੂੰ ਗੂਗਲ ਰਿਵਰਸ ਇਮੇਜ ਸਰਚ ਦੀ ਮਦਦ ਦੇ ਨਾਲ ਖੰਗਾਲਿਆ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਸਰਚ ਦੇ ਦੌਰਾਨ ਸਾਨੂੰ ਵਾਇਰਲ ਵੀਡੀਓ ਦੇ ਨਾਲ ਮਿਲਦੀ ਜੁਲਦੀ ਵੀਡੀਓ ਐਕਸ ਅਕਾਊਂਟ ਨਿਊਜ਼ ਵਾਇਰ ਦੁਆਰਾ ਜੁਲਾਈ 24 2025 ਨੂੰ ਅਪਲੋਡ ਮਿਲੀ। ਵੀਡੀਓ ਦੇ ਨਾਲ ਦਿੱਤੇ ਗਏ ਕੈਪਟਨ ਦੇ ਮੁਤਾਬਕ, ਪਾਣੀ ਪੀਣ ਦੇ ਲਈ ਆਇਆ ਜੰਗਲੀ ਹਾਥੀ ਮਦਰੂ ਓਆ ਜੈਡ ਡੀ ਕੈਨਾਲ ਵਿਚ ਗਿਰ ਗਿਆ। ਸ੍ਰੀ ਲੰਕਾ ਅਧਿਕਾਰੀਆਂ ਨੇ ਹਾਥੀ ਨੂੰ ਬਚਾਉਣ ਦੇ ਲਈ ਰੈਸਕਿਊ ਆਪਰੇਸ਼ਨ ਵਿੱਢ ਦਿੱਤਾ ਹੈ।

ਅਸੀਂ ਇਸ ਵੀਡੀਓ ਨੂੰ ਧਿਆਨ ਦੇ ਨਾਲ ਦੇਖਿਆ ਤੇ ਪਾਇਆ ਕੀ ਵੀਡੀਓ ਅਤੇ ਵਾਇਰਲ ਹੋ ਰਹੀ ਵੀਡੀਓ ਦੇ ਵਿੱਚ ਕਈ ਸਮਾਨਤਾਵਾਂ ਹਨ ਜਿਨਾਂ ਨੂੰ ਤੁਸੀਂ ਨੀਚੇ ਦੇਖ ਸਕਦੇ ਹੋ।

ਇਸ ਦੇ ਨਾਲ ਹੀ ਸਾਨੂੰ ਇਹ ਵੀਡੀਓ ਇੱਕ ਫੇਸਬੁੱਕ ਪੇਜ ਇਡੀਆ ਦੁਆਰਾ ਵੀ ਇਹ ਵੀਡੀਓ ਜੁਲਾਈ 24, 2025 ਨੂੰ ਅਪਲੋਡ ਮਿਲੀ।

ਸ਼੍ਰੀ ਲੰਕਾ ਦੇ ਮੀਡੀਆ ਅਦਾਰਾ ਹੀਰੂ ਨਿਊਜ਼ ਦੁਆਰਾ ਵੀ ਸਾਨੂੰ ਇਸ ਘਟਨਾ ਨੂੰ ਲੈ ਕੇ ਰਿਪੋਰਟ ਪ੍ਰਕਾਸ਼ਿਤ ਮਿਲੀ।

ਇਕ ਹੋਰ ਸ਼੍ਰੀ ਲੰਕਾ ਮੀਡੀਆ ਅਦਾਰਾ ਅਦਾ ਦੁਆਰਾ ਜੁਲਾਈ 24 2025 ਨੂੰ ਪ੍ਰਕਾਸ਼ਿਤ ਰਿਪੋਰਟ ਦੇ ਮੁਤਾਬਕ ਨਹਿਰ ਵਿੱਚ ਫਸੇ ਹਾਥੀ ਨੂੰ 11 ਘੰਟੇ ਦੇ ਆਪਰੇਸ਼ਨ ਤੋਂ ਬਾਅਦ ਨਹਿਰ ਦੇ ਵਿੱਚੋਂ ਕੱਢਿਆ ਗਿਆ ਸੀ।

Conclusion

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਕਿ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਹੀ ਵੀਡੀਓ ਨੂੰ ਫਰਜ਼ੀ ਦਾਵੇ ਦੇ ਨਾਲ ਸ਼ੇਅਰ ਕੀਤਾ ਜਾ ਰਿਹਾ ਹੈ। ਇਹ ਘਟਨਾ ਸ਼੍ਰੀਲੰਕਾ ਦੀ ਹੈ ਜਿੱਥੇ ਪਾਣੀ ਪੀਣ ਦੇ ਲਈ ਆਇਆ ਜੰਗਲੀ ਹਾਥੀ ਮਦਰੂ ਓਆ ਜੈਡ ਡੀ ਕੈਨਾਲ ਵਿਚ ਗਿਰ ਗਿਆ ਸੀ।

Our Sources
Tweet by News Wire, Dated July 24, 2025
Media report published by Hiru News, Dated July 24, 2025