ਆਗਰਾ ਵਿੱਚ ਅਚਾਨਕ ਡਿਗ ਗਈ ਇਮਾਰਤ? ਵਾਇਰਲ ਵੀਡੀਓ AI ਜਨਰੇਟਡ ਹੈ  

ਸੋਸ਼ਲ ਮੀਡੀਆ ‘ਤੇ ਇੱਕ ਇਮਾਰਤ ਦੇ ਡਿੱਗਣ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਵੀਡੀਓ ਨੂੰ ਇਸ ਦਾਅਵੇ ਨਾਲ ਸਾਂਝਾ ਕੀਤਾ ਜਾ ਰਿਹਾ ਹੈ ਕਿ ਆਗਰਾ ਵਿੱਚ ਇਮਾਰਤ ਢਹਿ ਗਈ।

10 ਸਕਿੰਟ ਦੇ ਇਸ ਵੀਡੀਓ ਵਿੱਚ ਡਿੱਗ ਰਹੀ ਇਮਾਰਤ ਦੇ ਸਾਹਮਣੇ ਖੜ੍ਹੀਆਂ ਕਾਰਾਂ ਅਤੇ ਲੋਕਾਂ ਨੂੰ ਭੱਜਦੇ ਹੋਏ ਦੇਖਿਆ ਜਾ ਸਕਦਾ ਹੈ। ਕਈ ਲੋਕ ਢਹਿ ਰਹੀ ਇਮਾਰਤ ਦੇ ਸਾਹਮਣੇ ਖੜ੍ਹੇ ਹੋ ਕੇ ਵੀਡੀਓ ਬਣਾਉਂਦੇ ਵੀ ਦਿਖਾਈ ਦੇ ਰਹੇ ਹਨ। ਵਾਇਰਲ ਪੋਸਟ ਦਾ ਆਰਕਾਈਵ  ਇੱਥੇ ਦੇਖੋ। ਇਸ ਤਰ੍ਹਾਂ ਦੀਆਂ ਹੋਰ ਪੋਸਟਾਂ ਇੱਥੇ , ਇੱਥੇ ਅਤੇ ਇੱਥੇ ਦੇਖੋ।

ਇਸ ਵੀਡੀਓ ਨੂੰ ਯੂਟਿਊਬ ‘ ਤੇ ਵੀ ਵੱਖ-ਵੱਖ ਦਾਅਵਿਆਂ ਨਾਲ ਸਾਂਝਾ ਕੀਤਾ ਜਾ ਰਿਹਾ ਹੈ।

Fact Check/Verification

ਆਗਰਾ ਵਿੱਚ ਇਮਾਰਤ ਢਹਿਣ ਦੇ ਦਾਅਵੇ ਨਾਲ ਵਾਇਰਲ ਵੀਡੀਓ ਦੀ ਜਾਂਚ ਕਰਨ ਲਈ ਅਸੀਂ ਇਸ ਦੇ ਕੀਫ੍ਰੇਮਾਂ ਨੂੰ ਰਿਵਰਸ ਇਮੇਜ ਨਾਲ ਸਰਚ ਕੀਤਾ।

ਸਾਨੂੰ ਵਾਇਰਲ ਵੀਡੀਓ ਨਾਲ ਸਬੰਧਤ ਕੋਈ ਭਰੋਸੇਯੋਗ ਰਿਪੋਰਟ ਨਹੀਂ ਮਿਲੀ। ਕੁਝ ਕੀ ਵਰਡ ਦੀ ਵਰਤੋਂ ਕਰਕੇ ਗੂਗਲ ‘ਤੇ ਖੋਜ ਕਰਨ ਤੋਂ ਬਾਅਦ ਵੀ ਸਾਨੂੰ ਆਗਰਾ ਵਿੱਚ ਇਮਾਰਤ ਢਹਿਣ ਦੀ ਕੋਈ ਹਾਲੀਆ ਰਿਪੋਰਟ ਨਹੀਂ ਮਿਲੀ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਵੀਡੀਓ ਨੂੰ ਧਿਆਨ ਨਾਲ ਦੇਖਣ ਤੇ ਸਾਨੂੰ ਕਈ ਖਾਮੀਆਂ ਨਜ਼ਰ ਆਈਆਂ। ਜਿਵੇਂ ਹੀ ਇਮਾਰਤ ਢਹਿ ਜਾਂਦੀ ਹੈ ਮਲਬਾ ਨੇੜੇ ਖੜੀਆਂ ਦੀਆਂ ਦੋ ਚਿੱਟੀ ਅਤੇ ਕਾਲੀ ਕਾਰਾਂ ‘ਤੇ ਡਿੱਗਦਾ ਹੈ, ਪਰ ਕਾਰਾਂ ਸੁਰੱਖਿਅਤ ਦਿਖਾਈ ਦੇ ਰਹੀਆਂ ਹਨ। ਕਈ ਲੋਕ ਇਮਾਰਤ ਡਿੱਗਣ ਦੀ ਵੀਡੀਓ ਬਣਾਉਂਦੇ ਹੋਏ ਦਿਖਾਈ ਦੇ ਰਹੇ ਹਨ ਜਦੋਂ ਕਿ ਉਨ੍ਹਾਂ ਦੇ ਆਲੇ-ਦੁਆਲੇ ਵੱਡੀ ਮਾਤਰਾ ਵਿੱਚ ਮਲਬਾ ਦਿਖਾਈ ਦੇ ਰਿਹਾ ਹੈ ਅਤੇ ਉਹ ਸੁਰੱਖਿਅਤ ਖੜੇ ਹਨ। ਇਸ ਨਾਲ ਸਾਨੂੰ ਸ਼ੱਕ ਹੋਇਆ ਵੀਡੀਓ AI ਦੁਆਰਾ ਬਣਾਈ ਗਈ ਸੀ।

ਅਸੀਂ ਵੀਡੀਓ ਦੇ ਇੱਕ ਕੀਫ੍ਰੇਮ ਦੀ ਜਾਂਚ AI ਖੋਜ ਟੂਲ Wasitai ‘ਤੇ ਕੀਤੀ ਜਿਸ ਤੋਂ ਪਤਾ ਲੱਗਿਆ ਕਿ ਵੀਡੀਓ ਵਿੱਚਲਾ ਦ੍ਰਿਸ਼ ਸੰਭਾਵਤ ਤੌਰ ‘ਤੇ AI ਦੁਆਰਾ ਬਣਾਇਆ ਗਿਆ ਹੈ।

ਵੀਡੀਓ ਦੇ ਇੱਕ ਹੋਰ ਕੀਫ੍ਰੇਮ ਨੂੰ AI ਡਿਟੈਕਸ਼ਨ ਟੂਲ Hive Moderation ‘ ਤੇ ਵੀ ਚੈੱਕ ਕੀਤਾ। ਇਸ ਟੂਲ ਨੇ ਵੀਡੀਓ ਵਿੱਚ ਦ੍ਰਿਸ਼ ਨੂੰ 96.7 ਪ੍ਰਤੀਸ਼ਤ AI ਦੁਆਰਾ ਤਿਆਰ ਕੀਤਾ ਦੱਸਿਆ।

ਇੱਕ ਹੋਰ AI ਸਰਚ ਟੂਲ, decopy ਨੇ ਵੀ ਵੀਡੀਓ ਵਿੱਚਲੇ ਦ੍ਰਿਸ਼ ਨੂੰ 100 ਪ੍ਰਤੀਸ਼ਤ AI-ਜਨਰੇਟਡ ਦੱਸਿਆ।

Conclusion

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਵਾਇਰਲ ਹੋ ਰਹੀ ਵੀਡੀਓ AI ਦੁਆਰਾ ਤਿਆਰ ਕੀਤੀ ਗਈ ਹੈ।

Sources
WasItAI Website
Hive Moderation Website
Decopy AI Website