ਬਿਹਾਰ ਵਿੱਚ ਚੋਣ ਕਮਿਸ਼ਨ ਦੇ ਖਿਲਾਫ ਕੀਤਾ ਗਿਆ ਪ੍ਰਦਰਸ਼ਨ?

ਬਿਹਾਰ ਵਿਧਾਨ ਸਭਾ ਚੋਣਾਂ ਵਿੱਚ ਐਨਡੀਏ ਨੂੰ ਮਿਲੇ ਸ਼ਾਨਦਾਰ ਬਹੁਮਤ ਤੋਂ ਬਾਅਦ, ਸੋਸ਼ਲ ਮੀਡੀਆ ‘ਤੇ ਕਈ ਵੀਡੀਓ ਵਾਇਰਲ ਹੋ ਰਹੇ ਹਨ ਜਿਸ ਵਿੱਚ ਲੋਕਾਂ ਨੂੰ ਵਿਰੋਧ ਪ੍ਰਦਰਸ਼ਨ ਕਰਦਿਆਂ ਦੇਖਿਆ ਜਾ ਸਕਦਾ ਹੈ।

ਇਸੇ ਤਰ੍ਹਾਂ ਸੋਸ਼ਲ ਮੀਡਿਆ ਤੇ ਵਾਇਰਲ ਹੋ ਰਹੀ ਵਾਇਰਲ ਵੀਡੀਓ ਦੇ ਵਿੱਚ ਚਾਰਦੀਵਾਰੀ ਦੇ ਦੋਵੇਂ ਪਾਸੇ ਹਜ਼ਾਰਾਂ ਲੋਕ ਦਿਖਾਈ ਦੇ ਰਹੇ ਹਨ ਜਿਨ੍ਹਾਂ ਵਿੱਚੋਂ ਕੁਝ ਲੋਕਾਂ ਨੇ ਆਰਜੇਡੀ ਦੇ ਝੰਡੇ ਫੜੇ ਹੋਏ ਹਨ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਭੀੜ ਚੋਣ ਕਮਿਸ਼ਨ ਦੇ ਖਿਲਾਫ ਵਿਰੋਧ ਪ੍ਰਦਰਸ਼ਨ ਕਰ ਰਹੀ ਹੈ।

Fact Check/Verification

ਅਸੀਂ ਵਾਇਰਲ ਵੀਡੀਓ ਦੇ ਇੱਕ ਕੀ ਫ੍ਰੇਮ ਨੂੰ ਗੂਗਲ ਲੈਂਸ ਦੀ ਵਰਤੋਂ ਕਰਦੇ ਹੋਏ ਸਰਚ ਕੀਤਾ। ਸਾਨੂੰ ਇਹ ਵੀਡੀਓ 
9 ਨਵੰਬਰ, 2025 ਦੀਆਂ ਪੋਸਟਾਂ ਵਿੱਚ ਮਿਲਿਆ। ਇਸ ਦਾ ਮਤਲਬ ਹੈ ਕਿ ਇਹ ਵੀਡੀਓ ਵੋਟਿੰਗ ਦੇ ਦੂਜੇ ਪੜਾਅ ਤੋਂ ਦੋ ਦਿਨ ਬਾਅਦ ਅਤੇ ਨਤੀਜਿਆਂ ਤੋਂ ਪੰਜ ਦਿਨ ਪਹਿਲਾਂ ਤੋਂ ਹੀ ਇੰਟਰਨੈੱਟ ‘ਤੇ ਸੀ। ਸਪੱਸ਼ਟ ਤੌਰ ‘ਤੇ, ਇਹ ਵੀਡੀਓ ਚੋਣ ਨਤੀਜਿਆਂ ਤੋਂ ਬਾਅਦ ਦਾ ਨਹੀਂ ਹੈ।

9 ਨਵੰਬਰ ਦੀਆਂ ਕੁਝ ਸੋਸ਼ਲ ਮੀਡੀਆ ਪੋਸਟਾਂ ਤੋਂ ਪਤਾ ਚੱਲਦਾ ਹੈ ਕਿ ਇਹ ਵੀਡੀਓ ਭੋਜਪੁਰੀ ਗਾਇਕ-ਅਦਾਕਾਰ ਖੇਸਾਰੀ ਲਾਲ ਯਾਦਵ ਦੀ ਬਿਸਫੀ ਵਿਧਾਨ ਸਭਾ ਹਲਕੇ ਦੇ ਖੰਗਰੈਥਾ ਹਾਈ ਸਕੂਲ ਵਿੱਚ ਹੋਈ ਚੋਣ ਰੈਲੀ ਦਾ ਹੈ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

9 ਨਵੰਬਰ ਨੂੰ ਖੇਸਾਰੀ ਲਾਲ ਨੇ ਖੰਗਰੈਥਾ ਹਾਈ ਸਕੂਲ ਦੇ ਵਿਹੜੇ ਵਿੱਚ ਆਰਜੇਡੀ ਉਮੀਦਵਾਰ ਆਸਿਫ਼ ਅਹਿਮਦ ਦੇ ਸਮਰਥਨ ਵਿੱਚ ਇੱਕ ਜਨਤਕ ਮੀਟਿੰਗ ਕੀਤੀ । ਗੂਗਲ ਮੈਪਸ ਲੋਕੇਸ਼ਨ ਵਿੱਚ ਚੈਕ ਕਰਨ ‘ਤੇ ਸਾਨੂੰ ਇਹ ਬਿਹਾਰ ਦੇ ਨਾਹਾਸ ਰੂਪੌਲੀ ਵਿੱਚ ਸਥਿਤ ਇੱਕ ਸਕੂਲ ਦੇ ਨੇੜੇ ਦਾ ਮਿਲਿਆ।

ਤੇਜਸਵੀ ਯਾਦਵ ਨੇ ਵੀ 6 ਨਵੰਬਰ ਨੂੰ ਇਸ ਸਕੂਲ ਵਿੱਚ ਇੱਕ ਜਨਤਕ ਮੀਟਿੰਗ ਕੀਤੀ ਸੀ। ਇਸ ਲਈ ਅਸੀਂ ਸੁਤੰਤਰ ਤੌਰ ‘ਤੇ ਰੈਲੀ ਦੀ ਸਹੀ ਤਾਰੀਖ ਅਤੇ ਸਮੇਂ ਦੀ ਪੁਸ਼ਟੀ ਨਹੀਂ ਕਰ ਸਕਦੇ। ਹਾਲਾਂਕਿ, ਇਹ ਸਪੱਸ਼ਟ ਹੈ ਕਿ ਇਹ ਆਰਜੇਡੀ ਦੀ ਚੋਣ ਰੈਲੀ ਦਾ ਵੀਡੀਓ ਹੈ ਨਾ ਕਿ ਚੋਣ ਨਤੀਜਿਆਂ ਤੋਂ ਬਾਅਦ ਵਿਰੋਧ ਪ੍ਰਦਰਸ਼ਨ ਦਾ।

Conclusion

ਸਾਡੀ ਜਾਂਚ ਤੋਂ ਸਪੱਸ਼ਟ ਹੈ ਕਿ ਬਿਹਾਰ ਵਿਧਾਨ ਸਭਾ ਚੋਣਾਂ ਵਿੱਚ ਐਨਡੀਏ ਦੀ ਜਿੱਤ ਤੋਂ ਬਾਅਦ ਹੋਏ ਵਿਰੋਧ ਪ੍ਰਦਰਸ਼ਨ ਦੇ ਫਰਜ਼ੀ ਦਾਅਵੇ ਨਾਲ ਗੈਰ-ਸੰਬੰਧਿਤ ਵੀਡੀਓ ਸ਼ੇਅਰ ਕੀਤੇ ਜਾ ਰਹੇ ਹਨ।

Sources
Facebook Post by Rahul Yaduvanshi, Nov 9, 2025
Instagram Post by Hasan Obada, Nov 9, 2025
Instagran Post by Asif Ahmad, Nov 6, 2025
Instagran Post by Asif Ahmad, Nov 8, 2025
Geolocation by Google Maps