Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact Check
ਦਿੱਲੀ 'ਚ ਕੁੜੀਆਂ ਦੇ ਹੋਸਟਲ ਦੀ ਪਾਈਪਲਾਈਨ ਵਿੱਚੋਂ ਵੱਡੀ ਗਿਣਤੀ ਵਿੱਚ ਕੰਡੋਮ ਮਿਲੇ
ਵਾਇਰਲ ਹੋ ਰਿਹਾ ਵੀਡੀਓ ਅਸਲ ਵਿੱਚ ਨਾਈਜੀਰੀਆ ਦੀ ਰਾਜਧਾਨੀ ਲਾਗੋਸ ਦਾ ਹੈ।
ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਨੂੰ ਸ਼ੇਅਰ ਕਰ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਦਿੱਲੀ ਦੇ ਇੱਕ ਗਰਲਜ਼ ਹੋਸਟਲ ਦੀ ਪਾਈਪਲਾਈਨ ਨੂੰ ਸਾਫ਼ ਕਰਦੇ ਸਮੇਂ ਵੱਡੀ ਗਿਣਤੀ ਵਿੱਚ ਕੰਡੋਮ ਮਿਲੇ।
ਵਾਇਰਲ ਵੀਡੀਓ ਵਿੱਚ ਇੱਕ ਨਾਲੇ ਦੇ ਅੰਦਰ ਅਤੇ ਉਸ ਦੇ ਆਲੇ-ਦੁਆਲੇ ਵੱਡੀ ਗਿਣਤੀ ਵਿੱਚ ਕੰਡੋਮ ਪਏ ਦਿਖਾਈ ਦੇ ਰਹੇ ਹਨ। ਵੀਡੀਓ ਤੇ ਲਿਖਿਆ ਹੈ, “ਦਿੱਲੀ ਦੇ ਪੀਜੀ ਗਰਲਜ਼ ਹੋਸਟਲ ਦੀ ਪਾਈਪਲਾਈਨ ਬਲਾਕ; ਪਾਈਪਲਾਈਨ ਵਿੱਚ ਸੈਂਕੜੇ ਕੰਡੋਮ ਮਿਲੇ।”
ਇਸ ਵੀਡੀਓ ਨੂੰ ਫੇਸਬੁੱਕ ‘ਤੇ ਵੀ ਇਸ ਦਾਅਵੇ ਨਾਲ ਸ਼ੇਅਰ ਕੀਤਾ ਜਾ ਰਿਹਾ ਹੈ।
ਇਸ ਤੋਂ ਇਲਾਵਾ ਇਸ ਵੀਡੀਓ ਨੂੰ X ‘ਤੇ ਵੀ ਸਾਂਝਾ ਕੀਤਾ ਗਿਆ ਹੈ ਅਤੇ ਦਾਅਵਾ ਕੀਤਾ ਗਿਆ ਹੈ ਕਿ ਇਹ ਦਿੱਲੀ ਦਾ ਹੈ ।
ਅਸੀਂ ਵਾਇਰਲ ਵੀਡੀਓ ਦੀ ਜਾਂਚ ਕਰਦੇ ਹੋਏ ਵੀਡੀਓ ਨੂੰ ਕੀ ਫ੍ਰੇਮ ਵਿੱਚ ਵੰਡਕੇ ਰਿਵਰਸ ਇਮੇਜ ਸਰਚ ਕੀਤਾ। ਸਾਨੂੰ 13 ਅਕਤੂਬਰ, 2025 ਨੂੰ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਅਪਲੋਡ ਕੀਤਾ ਗਿਆ ਇਹ ਵੀਡੀਓ ਮਿਲਿਆ। ਵੀਡੀਓ ਦੇ ਨਾਲ ਕੈਪਸ਼ਨ ਵਿੱਚ ਦੱਸਿਆ ਗਿਆ ਹੈ ਕਿ ਇਹ ਨਾਈਜੀਰੀਆ ਦੀ ਹੈ।
ਇਸ ਤੋਂ ਇਲਾਵਾ ਵੀਡੀਓ ਤੇ TikTok ਅਕਾਊਂਟ owonikoko453 ਨੂੰ ਕ੍ਰੈਡਿਟ ਦਿੱਤਾ ਗਿਆ ਸੀ। ਜਦੋਂ ਅਸੀਂ VPN ਦੀ ਵਰਤੋਂ ਕਰਕੇ ਖਾਤੇ ਨੂੰ ਐਕਸੈਸ ਕੀਤਾ ਤਾਂ ਸਾਨੂੰ ਪਤਾ ਲੱਗਾ ਕਿ ਵੀਡੀਓ 12 ਅਕਤੂਬਰ, 2025 ਨੂੰ ਅਪਲੋਡ ਕੀਤਾ ਗਿਆ ਸੀ। ਵੀਡੀਓ ‘ਚ ਅੰਗਰੇਜ਼ੀ ਆਡੀਓ ਵਿੱਚ ਵੀ ਇਹ ਵੀ ਦੱਸਿਆ ਗਿਆ ਕਿ ਇਹ ਨਾਈਜੀਰੀਆ ਦੀ ਹੈ।
Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?
ਅਸੀਂ ਇਸ ਅਕਾਊਂਟ ਨੂੰ ਚਲਾਉਣ ਵਾਲੇ ਵਿਅਕਤੀ ਜੂਡ ਨਾਲ ਸੰਪਰਕ ਕੀਤਾ, ਜੋ ਨਾਈਜੀਰੀਆ ਦੇ ਵਿੱਚ ਰਹਿੰਦਾ ਹੈ। ਉਹਨਾਂ ਨੇ ਸਾਨੂੰ ਦੱਸਿਆ ਕਿ ਉਹਨਾਂ ਨੇ ਖੁਦ 12 ਅਕਤੂਬਰ ਨੂੰ ਰਾਜਧਾਨੀ ਲਾਗੋਸ ਦੇ ਸੁਰਲੇਰੇ ਨੇੜੇ ਇਸ ਵੀਡੀਓ ਨੂੰ ਬਣਾਇਆ ਸੀ। ਜਾਂਚ ਵਿੱਚ ਉਹਨਾਂ ਨੇ ਇਹ ਵੀਡੀਓ ਸਾਨੂੰ ਭੇਜੀ।
ਉਹਨਾਂ ਨੇ ਸਾਨੂੰ ਇਸ ਵੀਡੀਓ ਦਾ ਮੈਟਾਡੇਟਾ ਵੀ ਭੇਜਿਆ। ਮੈਟਾਡੇਟਾ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਵੀਡੀਓ 12 ਅਕਤੂਬਰ, 2025 ਨੂੰ ਨਾਈਜੀਰੀਆਈ ਸਮੇਂ ਮੁਤਾਬਕ ਦੁਪਹਿਰ 1:53 ਵਜੇ ਸ਼ੂਟ ਕੀਤਾ ਗਿਆ ਸੀ। ਵੀਡੀਓ ਦੇ ਮੈਟਾਡੇਟਾ ਵਿੱਚ ਲੋਕੇਸ਼ਨ ਦੇ ਤੌਰ ਤੇ ਸੁਰਲੇਰੇ ਵੀ ਲਿਖਿਆ ਹੋਇਆ ਹੈ।
ਸਾਡੀ ਜਾਂਚ ਤੋਂ ਸਪੱਸ਼ਟ ਹੁੰਦਾ ਹੈ ਕਿ ਦਿੱਲੀ ਵਿੱਚ ਇੱਕ ਗਰਲਜ਼ ਹੋਸਟਲ ਦੀ ਪਾਈਪਲਾਈਨ ਸਾਫ਼ ਕਰਦੇ ਸਮੇਂ ਵੱਡੀ ਗਿਣਤੀ ਵਿੱਚ ਕੰਡੋਮ ਮਿਲਣ ਦੇ ਦਾਅਵੇ ਨਾਲ ਵਾਇਰਲ ਹੋ ਰਿਹਾ ਵੀਡੀਓ ਅਸਲ ਵਿੱਚ ਨਾਈਜੀਰੀਆ ਦੀ ਰਾਜਧਾਨੀ ਲਾਗੋਸ ਦਾ ਹੈ।
Our Sources
Video uploaded by an instagram account on 13th oct 2025
Video Uploaded by a tik-tok account on 12th oct 2025
Telephonic Conversation with Jude(Who had shot video)
Metatdata received by Jude
False
