ਸ਼੍ਰੀ ਲੰਕਾ ਵਿੱਚ ਹੜ੍ਹ ਦੇ ਦੌਰਾਨ ਹਾਥੀ ਨੇ ਕੁੱਤੇ ਨੂੰ ਬਚਾਇਆ?

ਸੋਸ਼ਲ ਮੀਡੀਆ ‘ਤੇ ਹਾਥੀ ਦੁਆਰਾ ਇੱਕ ਕੁੱਤੇ ਨੂੰ ਹੜ੍ਹ ਤੋਂ ਬਚਾਉਣ ਦਾ ਵੀਡੀਓ ਬਹੁਤ ਜ਼ਿਆਦਾ ਵਾਇਰਲ ਹੋ ਰਿਹਾ ਹੈ। ਇਹ ਵੀਡੀਓ ਸ਼੍ਰੀ ਲੰਕਾ ਵਿੱਚ ਆਏ ਹੜ੍ਹਾਂ ਦਾ ਦੱਸਿਆ ਜਾ ਰਿਹਾ ਹੈ। ਵੀਡੀਓ ਦੇ ਉੱਤੇ ਲਿਖਿਆ ਹੈ, “ਸ਼੍ਰੀਲੰਕਾ ਹੜ੍ਹ: ਹਾਥੀ ਦਾ ਦਿਲ ਨੂੰ ਛੂ ਲੈਣ ਵਾਲਾ ਬਚਾਅ”

ਪੋਸਟ ਦੇ ਕੈਪਸ਼ਨ ਵਿੱਚ ਲਿਖਿਆ ਹੈ, “ਸ਼੍ਰੀਲੰਕਾ ਦੇ ਹੜ੍ਹਾਂ ਵਿੱਚ ਇੱਕ ਹਾਥੀ ਦਾ ਦਿਲ ਨੂੰ ਛੂਹ ਲੈਣ ਵਾਲਾ ਕਾਰਨਾਮਾ! ਇੱਕ ਕੁੱਤੇ ਨੂੰ ਉਠਾਕੇ ਸੁਰੱਖਿਅਤ ਕਿਨਾਰੇ ‘ਤੇ ਲਿਆਂਦਾ। ਜਾਨਵਰਾਂ ਦਾ ਪਿਆਰ ਦਿਲ ਨੂੰ ਛੂਹ ਜਾਂਦਾ ਹੈ। ਕੁਦਰਤ ਦਾ ਇਹ ਚਮਤਕਾਰ ਸਾਨੂੰ ਸਿਖਾਉਂਦਾ ਹੈ ਕਿ ਸੰਕਟ ਦੇ ਸਮੇਂ ਵਿੱਚ ਵੀ ਦਇਆ ਕਾਇਮ ਰਹਿੰਦੀ ਹੈ।” ਪੋਸਟ ਦਾ ਆਰਕਾਈਵ ਇੱਥੇ ਦੇਖੋ। ਅਜਿਹੀਆਂ ਹੋਰ ਪੋਸਟਾਂ ਇੱਥੇ ਅਤੇ ਇੱਥੇ ਦੇਖੋ ।

ਸ਼੍ਰੀ ਲੰਕਾ ਚੱਕਰਵਾਤ ਦਿਤਵਾਹ ਕਾਰਨ ਗੰਭੀਰ ਹੜ੍ਹਾਂ ਦਾ ਸਾਹਮਣਾ ਕਰ ਰਿਹਾ ਹੈ। ਹੜ੍ਹ ਅਤੇ ਜ਼ਮੀਨ ਖਿਸਕਣ ਨਾਲ ਦੇਸ਼ ਦੇ ਬੁਨਿਆਦੀ ਢਾਂਚੇ ‘ਤੇ ਕਾਫ਼ੀ ਅਸਰ ਪਿਆ ਹੈ, ਜਿਸ ਨਾਲ ਕਈ ਖੇਤਰਾਂ ਨਾਲ ਸੰਚਾਰ ਟੁੱਟ ਗਿਆ ਹੈ। ਇਸ ਕੁਦਰਤੀ ਆਫ਼ਤ ਕਾਰਨ ਹੁਣ ਤੱਕ 300 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ, ਅਤੇ ਸੈਂਕੜੇ ਲਾਪਤਾ ਦੱਸੇ ਜਾ ਰਹੇ ਹਨ। ਹੜ੍ਹਾਂ ਨੇ ਲੱਖਾਂ ਲੋਕਾਂ ਦੇ ਜੀਵਨ ਨੂੰ ਪ੍ਰਭਾਵਿਤ ਕੀਤਾ ਹੈ।

Fact Check/Verification

ਵਾਇਰਲ ਵੀਡੀਓ ਦੀ ਜਾਂਚ ਕਰਨ ਲਈ ਅਸੀਂ ਵੀਡੀਓ ਦੇ ਕੀਫ੍ਰੇਮਾਂ ਦੀ ਉਲਟ-ਖੋਜ ਕੀਤੀ। ਸਾਨੂੰ ਵੀਡੀਓ ਬਾਰੇ ਕੋਈ ਭਰੋਸੇਯੋਗ ਪ੍ਰਕਾਸ਼ਿਤ ਰਿਪੋਰਟ ਨਹੀਂ ਮਿਲੀ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਵੀਡੀਓ ਦੀ ਧਿਆਨ ਨਾਲ ਦੇਖਣ ਤੇ ਸਾਨੂੰ ਕਈ ਖਾਮੀਆਂ ਦਿਖੀਆਂ ਜਿਵੇਂ ਕਿ ਹਾਥੀ ਦੇ ਦੋ ਦੰਦਾਂ ਵਿੱਚੋਂ ਇੱਕ ਗਾਇਬ ਹੈ। ਪਾਣੀ ਦੇ ਤੇਜ਼ ਵਹਾਅ ਦੇ ਬਾਵਜੂਦ, ਟੁੱਟੇ ਹੋਏ ਟੀਨ ਸ਼ੈਡ ਦਾ ਕੋਈ ਵੀ ਹਿੱਸਾ ਥੋੜ੍ਹਾ ਜਿਹਾ ਵੀ ਨਹੀਂ ਹਿੱਲਿਆ। ਇਸ ਨਾਲ ਸਾਨੂੰ ਸ਼ੱਕ ਹੋਇਆ ਕਿ ਵੀਡੀਓ AI ਦੁਆਰਾ ਬਣਾਇਆ ਗਿਆ ਹੈ।

ਅਸੀਂ AI ਡਿਟੈਕਸ਼ਨ ਟੂਲ Hive Moderation ‘ਤੇ ਵੀਡੀਓ ਦੀ ਜਾਂਚ ਕੀਤੀ। ਟੂਲ ਨੇ ਵੀਡੀਓ ਦੇ AI ਜਨਰੇਟਡ ਹੋਣ ਦੀ 99.8 ਪ੍ਰਤੀਸ਼ਤ ਸੰਭਾਵਨਾ ਦਿਖਾਈ।

WasitAI ਦੁਆਰਾ ਵੀਡੀਓ ਵਿੱਚ ਹਾਥੀ ਦੁਆਰਾ ਕੁੱਤੇ ਨੂੰ ਬਚਾਉਣ ਦੇ ਦ੍ਰਿਸ਼ ਨੂੰ AI ਜਨਰੇਟਡ ਦੱਸਿਆ।

ਸਾਈਟਇੰਜਣ ਨੇ ਵੀ ਇਹ ਪੁਸ਼ਟੀ ਕੀਤੀ ਕਿ ਵੀਡੀਓ ਦੇ ਵਿਜ਼ੂਅਲ 94 ਪ੍ਰਤੀਸ਼ਤ AI ਜਨਰੇਟਡ ਦੱਸਿਆ।

Conclusion

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਵਾਇਰਲ ਹੋ ਰਹੀ ਵੀਡੀਓ ਏਆਈ ਦੁਆਰਾ ਬਣਾਈ ਗਈ ਹੈ।

Sources
Hive Moderation
WasitAI
Sight Engine