Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact Check
ਵਰਿੰਦਰ ਘੁੰਮਣ ਦੀ ਅੰਤਿਮ ਯਾਤਰਾ ਦੀ ਵੀਡੀਓ
ਇਹ ਵੀਡੀਓ ਮਹਾਰਾਸ਼ਟਰ ਦੇ ਬੁਲਢਾਣਾ ਵਿੱਚ ਕੱਢੇ ਗਏ ਗਜਾਨਨ ਮਹਾਰਾਜ ਪਾਲਕੀ ਦੇ ਜਲੂਸ ਦਾ ਹੈ।
ਪੰਜਾਬ ਦੇ ਮਸ਼ਹੂਰ ਬਾਡੀ ਬਿਲਡਰ ਵਰਿੰਦਰ ਸਿੰਘ ਘੁੰਮਣ ਦਾ ਦਿਲ ਦਾ ਦੌਰਾ ਪੈਣ ਕਾਰਨ 9 ਅਕਤੂਬਰ, 2025 ਨੂੰ ਦਿਹਾਂਤ ਹੋ ਗਿਆ ਸੀ। ਜਲੰਧਰ ਦੇ ਰਹਿਣ ਵਾਲੇ ਵਰਿੰਦਰ ਘੁੰਮਣ 53 ਸਾਲ ਦੇ ਸਨ, ਜੋ ਅੰਮ੍ਰਿਤਸਰ ‘ਚ ਮੋਢੇ ਦੇ ਇਲਾਜ ਲਈ ਗਏ ਸਨ। ਰਿਪੋਰਟ ਦੇ ਮੁਤਾਬਕ, ਵਰਿੰਦਰ ਘੁੰਮਣ ਮੋਢੇ ਦੇ ਆਪ੍ਰੇਸ਼ਨ ਲਈ ਅੰਮ੍ਰਿਤਸਰ ਦੇ ਫੋਰਟਿਸ ਹਸਪਤਾਲ ਗਏ ਸਨ ਪਰ ਅਚਾਨਕ ਉਨ੍ਹਾਂ ਨੂੰ ਦਿਲ ਦਾ ਦੌਰਾ ਪੈ ਗਿਆ ਅਤੇ ਉਨ੍ਹਾਂ ਦੀ ਮੌਤ ਹੋ ਗਈ।
ਇਸ ਵਿਚਾਲੇ ਸੋਸ਼ਲ ਮੀਡਿਆ ਤੇ ਇੱਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਵਿੱਚ ਵੱਡੀ ਗਿਣਤੀ ਦੇ ਵਿੱਚ ਭੀੜ ਨੂੰ ਦੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਵੀਡੀਓ ਬਾਡੀ ਬਿਲਡਰ ਵਰਿੰਦਰ ਸਿੰਘ ਘੁੰਮਣ ਦੀ ਅੰਤਿਮ ਯਾਤਰਾ ਦਾ ਹੈ।
ਅਸੀਂ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਹੀ ਵੀਡੀਓ ਨੂੰ ਲੈ ਕੇ ਆਪਣੀ ਪੜਤਾਲ ਸ਼ੁਰੂ ਕੀਤੀ। ਅਸੀਂ ਵੀਡੀਓ ਨੂੰ ਕੀ ਫਰੇਮ ਵਿੱਚ ਵੰਡ ਕੇ ਇੱਕ ਕੀ ਫਰੇਮ ਨੂੰ ਰਿਵਰਸ ਇਮੇਜ ਸਰਚ ਦੀ ਮਦਦ ਦੇ ਨਾਲ ਖੰਗਾਲਿਆ।
Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?
ਸਰਚ ਦੌਰਾਨ ਸਾਨੂੰ 1 ਅਗਸਤ, 2025 ਨੂੰ ‘ਦਿਵਿਆ ਵਰਹਦ ਮਰਾਠੀ’ ਨਾਮ ਦੇ ਇੱਕ ਯੂਟਿਊਬ ਚੈਨਲ ‘ਤੇ ਅਪਲੋਡ ਸ਼ਾਰਟਸ ਵਿੱਚ ਵਾਇਰਲ ਵੀਡੀਓ ਦੇ ਕੁਝ ਅੰਸ਼ ਮਿਲੇ।
ਵੀਡੀਓ ਦੇ ਕੈਪਸ਼ਨ ਦੇ ਮੁਤਾਬਕ, ਇਹ ਖਾਮਗਾਓਂ ਤੋਂ ਸ਼ੇਗਾਂਵ ਤੱਕ ਗਜਾਨਨ ਮਹਾਰਾਜ ਦੇ ਸ਼ਰਧਾਲੂਆਂ ਦੀ ਭੀੜ ਦਾ ਦ੍ਰਿਸ਼ ਹੈ। ਖਾਮਗਾਓਂ ਅਤੇ ਸ਼ੇਗਾਂਵ ਮਹਾਰਾਸ਼ਟਰ ਦੇ ਬੁਲਢਾਣਾ ਜ਼ਿਲ੍ਹੇ ਦੇ ਸ਼ਹਿਰ ਹਨ।
ਸਾਨੂੰ ਮਰਾਠੀ ਚੈਨਲ ਸਾਮ ਟੀਵੀ ਦੇ ਫੇਸਬੁੱਕ ਪੇਜ ‘ਤੇ ਵੀ ਇੱਕ ਵੀਡੀਓ ਮਿਲਿਆ ਜਿਸ ਵਿੱਚ ਵਾਇਰਲ ਵੀਡੀਓ ਵਰਗੇ ਹੀ ਦ੍ਰਿਸ਼ ਦੇਖੇ ਜਾ ਸਕਦੇ ਹਨ। ਪੋਸਟ ਵਿੱਚ ਦੱਸਿਆ ਗਿਆ ਹੈ ਕਿ ਸੰਤ ਗਜਾਨਨ ਮਹਾਰਾਜ ਦੀ ਪਾਲਕੀ, ਜੋ ਕਿ ਆਸ਼ਾੜੀ ਵਾਰ ਲਈ ਪੰਢਰਪੁਰ ਗਈ ਸੀ, ਓਹ 1,400 ਕਿਲੋਮੀਟਰ ਅਤੇ 64 ਦਿਨ ਪੈਦਲ ਚੱਲਣ ਤੋਂ ਬਾਅਦ ਸ਼ੇਗਾਂਵ ਪਹੁੰਚੀ।
‘ਦਿਵਿਆ ਮਰਾਠੀ’ ਦੀ ਰਿਪੋਰਟ ਮੁਤਾਬਕ ਸੰਤ ਗਜਾਨਨ ਮਹਾਰਾਜ ਦੀ ਪਾਲਕੀ ਦੀ ਵਾਪਸੀ ਯਾਤਰਾ 31 ਜੁਲਾਈ ਨੂੰ ਖਤਮ ਹੋ ਗਈ ਸੀ ਜੋ ਅਸ਼ਟਮੀ ਇਕਾਦਸ਼ੀ ਦੇ ਮੌਕੇ ‘ਤੇ ਸ਼੍ਰੀ ਵਿੱਠਲ ਦੇ ਦਰਸ਼ਨਾਂ ਲਈ ਪੰਢਰਪੁਰ ਗਈ ਸੀ।
ਟਾਈਮਜ਼ ਆਫ਼ ਇੰਡੀਆ ਦੀ ਇੱਕ ਰਿਪੋਰਟ ਦੇ ਮੁਤਾਬਕ ਸੰਤ ਗਜਾਨਨ ਮਹਾਰਾਜ ਦੀ 56ਵੀਂ ਸਾਲਾਨਾ ਪਾਲਕੀ ਯਾਤਰਾ 1 ਜੂਨ ਦੀ ਸਵੇਰ ਨੂੰ ਪੰਢਰਪੁਰ ਲਈ ਰਵਾਨਾ ਹੋਈ। ਇਸ ਜਲੂਸ ਵਿੱਚ 700 ਤੋਂ ਵੱਧ ਵਾਰਕਰੀ (ਸ਼ਰਧਾਲੂ), ਭਜਨ ਮੰਡਲੀਆਂ ਅਤੇ ਘੋੜੇ ਸ਼ਾਮਲ ਸਨ।
ਗਜਾਨਨ ਮਹਾਰਾਜ ਸੰਸਥਾਨ ਦੁਆਰਾ ਆਯੋਜਿਤ ਇਹ ਸਾਲਾਨਾ ਅਧਿਆਤਮਿਕ ਯਾਤਰਾ ਪੈਦਲ ਇੱਕ ਭਗਤੀ ਯਾਤਰਾ ਹੈ ਜੋ ਦੋ ਮਹੀਨਿਆਂ ਵਿੱਚ ਲਗਭਗ 1,275 ਕਿਲੋਮੀਟਰ ਦੀ ਯਾਤਰਾ ਕਰਦੀ ਹੈ। ਇਸ ਵਿੱਚ ਪੰਢਰਪੁਰ ਤੱਕ 725 ਕਿਲੋਮੀਟਰ ਅਤੇ ਸ਼ੇਗਾਂਵ ਤੱਕ 550 ਕਿਲੋਮੀਟਰ ਦੀ ਵਾਪਸੀ ਯਾਤਰਾ ਸ਼ਾਮਲ ਹੈ। ਇਹ 1968 ਵਿੱਚ ਸ਼ੁਰੂ ਹੋਈ ਸੀ।
ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਵਾਇਰਲ ਹੋ ਰਹੀ ਵੀਡੀਓ ਨੂੰ ਫਰਜ਼ੀ ਦਾਅਵੇ ਦੇ ਨਾਲ ਸ਼ੇਅਰ ਕੀਤਾ ਜਾ ਰਿਹਾ ਹੈ। ਇਹ ਵੀਡੀਓ ਮਹਾਰਾਸ਼ਟਰ ਦੇ ਬੁਲਢਾਣਾ ਵਿੱਚ ਕੱਢੇ ਗਏ ਗਜਾਨਨ ਮਹਾਰਾਜ ਪਾਲਕੀ ਦੇ ਜਲੂਸ ਦਾ ਹੈ।
Sources
Divya Varhad Marathi YouTube Video, Dated August 1, 2025
Saam TV News Facebook Post, Dated July 31, 2025
Divya Marathi Report, Dated July 31, 2025
The Times of India Report, Dated June 3, 2025
False
