ਫਾਈਨਲ ਮੈਚ ਤੋਂ ਬਾਅਦ ਪ੍ਰੀਤੀ ਜ਼ਿੰਟਾ ਦਾ ਦਰਦ ਛਲਕਿਆ ਅਤੇ ਉਹਨਾਂ ਨੇ ਜਾਣ ਬੁੱਝ ਕੇ ਹਰਾਉਣ ਦੇ ਇਲਜ਼ਾਮ ਲਗਾਏ?

ਸੋਸ਼ਲ ਮੀਡਿਆ ਤੇ ਪੰਜਾਬ ਕਿੰਗਜ਼ ਦੀ ਸਹਿ ਮਾਲਕਿਨ ਅਤੇ ਅਦਾਕਾਰ ਪ੍ਰੀਤੀ ਜ਼ਿੰਟਾ ਦੇ ਟਵੀਟ ਨੂੰ ਸ਼ੇਅਰ ਕਰ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਫਾਈਨਲ ਮੈਚ ਨੂੰ ਲੈ ਕੇ ਪ੍ਰੀਤੀ ਜ਼ਿੰਟਾ ਦਾ ਦਰਦ ਛਲਕਿਆ ਅਤੇ ਉਹਨਾਂ ਨੇ ਜਾਣ ਬੁੱਝ ਕੇ ਹਰਾਉਣ ਦੇ ਇਲਜ਼ਾਮ ਲਗਾਏ।

ਵਾਇਰਲ ਹੋ ਰਹੇ ਗ੍ਰਾਫਿਕ ਨੂੰ ਐਫ ਨਿਊਜ਼ ਪੰਜਾਬ ਚੈਨਲ ਨੇ ਸ਼ੇਅਰ ਕੀਤਾ ਜਿਸ ਵਿੱਚ ਪ੍ਰੀਤੀ ਜ਼ਿੰਟਾ ਦਾ ਟਵੀਟ ਦੇਖਿਆ ਜਾ ਸਕਦਾ ਹੈ। ਇਸ ਟਵੀਟ ਨੂੰ ਆਈਪੀਐਲ ਫਾਈਨਲ ਮੈਚ ਤੋਂ ਬਾਅਦ ਪ੍ਰੀਤੀ ਜ਼ਿੰਟਾ ਦੁਆਰਾ ਕੀਤੇ ਗਏ ਟਵੀਟ ਦਾ ਦੱਸਦਿਆਂ ਸ਼ੇਅਰ ਕੀਤਾ ਜਾ ਰਿਹਾ ਹੈ।

ਗੌਰਤਲਬ ਹੈ ਕਿ ਆਰਸੀਬੀ ਨੇ ਫਾਈਨਲ ਮੈਚ ਵਿੱਚ ਪੰਜਾਬ ਕਿੰਗਜ਼ ਨੂੰ 6 ਦੌੜਾਂ ਨਾਲ ਹਰਾ ਕੇ ਆਪਣੀ ਪਹਿਲੀ ਆਈਪੀਐਲ ਟਰਾਫੀ ਜਿੱਤੀ। ਆਈਪੀਐਲ ਦੇ 18 ਸਾਲਾਂ ਦੇ ਇਤਿਹਾਸ ਵਿੱਚ ਇਹ ਪਹਿਲਾ ਮੌਕਾ ਹੈ ਜਦੋਂ ਆਰਸੀਬੀ ਨੇ ਆਈਪੀਐਲ ਦਾ ਖਿਤਾਬ ਜਿੱਤਿਆ ਹੈ।

ਟਵੀਟ ਵਿੱਚ ਲਿਖਿਆ ਹੈ,”ਇੰਨੇ ਹਾਈ ਪ੍ਰੋਫਾਈਲ ਟੂਰਨਾਮੈਂਟ ਵਿੱਚ, ਇੰਨੀ ਤਕਨਾਲੋਜੀ ਦੇ ਨਾਲ, ਤੀਜੇ ਅੰਪਾਇਰ ਦਾ ਇਸ ਤਰ੍ਹਾਂ ਦਾ ਫੈਸਲਾ ਕਿਸੇ ਵੀ ਤਰ੍ਹਾਂ ਸਵੀਕਾਰਯੋਗ ਨਹੀਂ ਹੈ ਅਤੇ ਭਵਿੱਖ ਵਿੱਚ ਅਜਿਹਾ ਨਹੀਂ ਹੋਣਾ ਚਾਹੀਦਾ।’ ਮੈਚ ਖਤਮ ਹੋਣ ਤੋਂ ਬਾਅਦ, ਮੈਂ ਕਰੁਣ ਨਾਲ ਗੱਲ ਕੀਤੀ ਅਤੇ ਉਸਨੇ ਪੁਸ਼ਟੀ ਕੀਤੀ ਕਿ ਇਹ ਇੱਕ ਛੱਕਾ ਸੀ।”

Fact Check/Verification

ਵਾਇਰਲ ਹੋ ਰਹੇ ਦਾਅਵੇ ਦੀ ਜਾਂਚ ਲਈ ਅਸੀਂ ਗੂਗਲ ‘ਤੇ ਕੁਝ ਕੀ ਵਰਡ ਦੀ ਮਦਦ ਨਾਲ ਸਰਚ ਕੀਤੀ। ਸਰਚ ਦੇ ਦੌਰਾਨ ਸਾਨੂੰ ਪ੍ਰੀਤੀ ਜ਼ਿੰਟਾ ਦੇ ਅਧਿਕਾਰਿਕ ਟਵਿੱਟਰ ਹੈਂਡਲ ਤੇ ਸਾਨੂੰ ਇਹ ਟਵੀਟ ਮਿਲਿਆ। ਇਹ ਟਵੀਟ ਪ੍ਰੀਤੀ ਜ਼ਿੰਟਾ ਦੁਆਰਾ ਮਈ 25, 2025 ਨੂੰ ਟਵੀਟ ਕੀਤਾ ਮਿਲਿਆ। ਇਸ ਤੋਂ ਸਪਸ਼ਟ ਹੈ ਕਿ ਇਹ ਟਵੀਟ ਪੁਰਾਣਾ ਹੈ।

ਆਪਣੀ ਸਰਚ ਦੇ ਦੌਰਾਨ ਸਾਨੂੰ ਕਈ ਮੀਡਿਆ ਅਦਾਰਿਆਂ ਦੁਆਰਾ ਪ੍ਰੀਤੀ ਜ਼ਿੰਟਾ ਦੁਆਰਾ ਕੀਤੇ ਗਏ ਟਵੀਟ ਨੂੰ ਲੈ ਕੇ ਪ੍ਰਕਾਸ਼ਿਤ ਰਿਪੋਰਟ ਮਿਲੀਆਂ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਐਨਡੀਟੀਵੀ ਦੀ ਰਿਪੋਰਟ ਦੇ ਮੁਤਾਬਕ ਪੰਜਾਬ ਕਿੰਗਜ਼ ਦੀ ਸਹਿ-ਮਾਲਕ ਪ੍ਰੀਤੀ ਜ਼ਿੰਟਾ ਆਈਪੀਐਲ 2025 ਦੇ ਦਿੱਲੀ ਕੈਪੀਟਲਜ਼ ਵਿਰੁੱਧ ਮੈਚ ਵਿੱਚ ਤੀਜੇ ਅੰਪਾਇਰ ਦੇ ਫੈਸਲਾ ਖਿਲਾਫ ਗੁੱਸੇ ਵਿੱਚ ਆ ਗਈ। ਰਿਪੋਰਟ ਮੁਤਾਬਕ, ਪਹਿਲੀ ਪਾਰੀ ਦੇ 15ਵੇਂ ਓਵਰ ਵਿੱਚ ਪੀਬੀਕੇਐਸ ਦੇ ਸ਼ਸ਼ਾਂਕ ਸਿੰਘ ਨੇ ਦਿੱਲੀ ਦੇ ਮੋਹਿਤ ਸ਼ਰਮਾ ਨੂੰ ਛੱਕਾ ਮਾਰਿਆ। ਬਾਊਂਡਰੀ ‘ਤੇ ਕਰੁਣ ਨਾਇਰ ਨੇ ਗੇਂਦ ਨੂੰ ਫੜ ਲਿਆ ਅਤੇ ਗੇਂਦ ਨੂੰ ਅੰਦਰ ਧੱਕ ਦਿੱਤਾ। ਜਿਵੇਂ ਹੀ ਤੀਜੇ ਅੰਪਾਇਰ ਨੇ ਜਾਂਚ ਕੀਤੀ ਤਾਂ ਨਾਇਰ ਦੇ ਪੈਰ ਬਾਊਂਡਰੀ ਰੱਸੀ ਨੂੰ ਛੂਹਣ ਦਾ ਕੋਈ ਸਬੂਤ ਨਹੀਂ ਮਿਲਿਆ। ਇਸ ਲਈ ਪੰਜਾਬ ਦੇ ਬੱਲੇਬਾਜ਼ ਨੂੰ ਸਿਰਫ਼ ਇੱਕ ਦੌੜ ਦਿੱਤੀ ਗਈ।

ਮੈਚ ਤੋਂ ਬਾਅਦ ਜ਼ਿੰਟਾ ਨੇ ਟਵੀਟ ਕਰਦਿਆਂ ਕਿਹਾ ਕਿ ਇੰਨੇ ਹਾਈ ਪ੍ਰੋਫਾਈਲ ਟੂਰਨਾਮੈਂਟ ਵਿੱਚ, ਇੰਨੀ ਤਕਨਾਲੋਜੀ ਦੇ ਨਾਲ, ਤੀਜੇ ਅੰਪਾਇਰ ਦਾ ਇਸ ਤਰ੍ਹਾਂ ਦਾ ਫੈਸਲਾ ਕਿਸੇ ਵੀ ਤਰ੍ਹਾਂ ਸਵੀਕਾਰਯੋਗ ਨਹੀਂ ਹੈ। ਜ਼ਿੰਟਾ ਨੇ ਕਿਹਾ ਕਿ ਉਹਨਾਂ ਨੇ ਨਾਇਰ ਨਾਲ ਗੱਲ ਕੀਤੀ ਅਤੇ ਉਹਨਾਂ ਨੇ ਨੇ ਵੀ ਕਿਹਾ ਕਿ ਇਹ ਛੱਕਾ ਸੀ।

Conclusion

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਪ੍ਰੀਤੀ ਜ਼ਿੰਟਾ ਦਾ ਵਾਇਰਲ ਹੋ ਰਿਹਾ ਇਹ ਟਵੀਟ ਪੁਰਾਣਾ ‘ਤੇ 24 ਮਈ 2025 ਨੂੰ ਪੰਜਾਬ ਕਿੰਗਜ਼ ਅਤੇ ਦਿੱਲੀ ਕੈਪੀਟਲ ਵਿਚਾਲੇ ਹੋਏ ਮੈਚ ਤੋਂ ਬਾਅਦ ਦਾ ਹੈ।