ਕਰਨਲ ਸੋਫੀਆ ਕੁਰੈਸ਼ੀ ਨੇ ਆਪਣੇ ਧਰਮ ਬਾਰੇ ਕਹੀਆਂ ਇਹ ਗੱਲਾਂ? ਵਾਇਰਲ ਵੀਡੀਓ ਡੀਪਫੇਕ ਹੈ

Claim

ਭਾਰਤੀ ਫੌਜ ਦੀ ਕਰਨਲ ਸੋਫੀਆ ਕੁਰੈਸ਼ੀ ਨੂੰ ਪ੍ਰੈਸ ਕਾਨਫਰੰਸ ਵਿੱਚ ਇਹ ਕਹਿੰਦੇ ਸੁਣਿਆ ਜਾ ਸਕਦਾ ਹੈ ਕਿ ਉਹ ਮੁਸਲਮਾਨ ਹਨ ਪਰ ਪਾਕਿਸਤਾਨੀ ਨਹੀਂ, ਉਹ ਇੱਕ ਮੁਸਲਮਾਨ ਹਨ ਪਰ ਅੱਤਵਾਦੀ ਨਹੀਂ ਹਨ। ਅੱਤਵਾਦ ਦਾ ਕੋਈ ਧਰਮ ਨਹੀਂ ਹੁੰਦਾ।

Fact

ਵਾਇਰਲ ਵੀਡੀਓ ਨੂੰ ਰਿਵਰਸ ਇਮੇਜ ਸਰਚ ਦੀ ਮਦਦ ਨਾਲ ਖੰਗਾਲਣ ‘ਤੇ ਸਾਨੂੰ ਪਤਾ ਚੱਲਿਆ ਕਿ ਇਹ ਆਪ੍ਰੇਸ਼ਨ ਸਿੰਦੂਰ ਤੋਂ ਬਾਅਦ ਪਹਿਲੀ ਪ੍ਰੈਸ ਕਾਨਫਰੰਸ ਦਾ ਦ੍ਰਿਸ਼ ਹੈ। ਅਸੀਂ 7 ਮਈ, 2025 ਨੂੰ ਹੋਈ ਪ੍ਰੈਸ ਕਾਨਫਰੰਸ ਨੂੰ ਧਿਆਨ ਨਾਲ ਸੁਣਿਆ ਅਤੇ ਵੀਡੀਓ ‘ਚ ਕਰਨਲ ਸੋਫੀਆ ਕੁਰੈਸ਼ੀ ਧਰਮ ਬਾਰੇ ਗੱਲ ਨਹੀਂ ਕਰ ਰਹੇ ਹਨ ਸਗੋਂ ਕਰਨਲ ਨੂੰ ਆਪ੍ਰੇਸ਼ਨ ਸਿੰਦੂਰ ਵਿੱਚ ਅੱਤਵਾਦ ਦੇ ਵਿਰੁੱਧ ਕਾਰਵਾਈ ਬਾਰੇ ਗੱਲ ਕਰਦੇ ਸੁਣਿਆ ਜਾ ਸਕਦਾ ਹੈ ਜੋ ਭਾਰਤੀ ਫੌਜ ਨੇ ਪਹਿਲਗਾਮ ਅੱਤਵਾਦੀ ਹਮਲੇ ਦੇ ਜਵਾਬ ਵਿੱਚ ਕੀਤਾ ਸੀ।

ਅਸੀਂ ਵਾਇਰਲ ਹੋ ਰਹੀ ਵੀਡੀਓ ਨੂੰ ਧਿਆਨ ਨਾਲ ਦੇਖਿਆ ਤੇ ਪਾਇਆ ਕਿ ਸੋਫੀਆ ਕੁਰੈਸ਼ੀ ਦੇ ਬੋਲਣ ਦੇ ਤਰੀਕੇ ਵਿੱਚ ਕੁਝ ਅਸਮਾਨਤਾਵਾਂ ਹਨ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਅਸੀਂ Resemble.ai ਟੂਲ ਦੀ ਵਰਤੋਂ ਕਰਕੇ ਵਾਇਰਲ ਵੀਡੀਓਜ ਅਤੇ ਆਡੀਓ ਦੀ ਜਾਂਚ ਕੀਤੀ। ਜਾਂਚ ਮੁਤਾਬਕ ਟੂਲ ਨੇ ਇਸ ਵੀਡੀਓ ਦੀ ਆਡੀਓ ਨੂੰ ਨਕਲੀ ਦੱਸਿਆ।

ਅਸੀਂ ਯੂਬੀ ਮੀਡੀਆ ਫੋਰੈਂਸਿਕਸ ਲੈਬ ਦੁਆਰਾ ਬਣਾਏ ਗਏ ਡੀਪਫੇਕ-ਓ-ਮੀਟਰ ਟੂਲ ਦੀ ਵਰਤੋਂ ਕਰਕੇ ਵੀਡੀਓ ਦੀ ਜਾਂਚ ਕੀਤੀ ਤਾਂ ਇਸ ਵੀਡੀਓ ਦੇ ਜ਼ਿਆਦਾਤਰ ਨਿਰੀਖਣ ਇਹ ਦਰਸਾਉਂਦੇ ਹਨ ਕਿ ਵੀਡੀਓ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਦੁਆਰਾ ਬਣਾਇਆ ਗਿਆ ਹੈ।

ਇਸ ਤਰ੍ਹਾਂ ਸਾਡੀ ਜਾਂਚ ਤੋਂ ਸਪਸ਼ਟ ਹੈ ਕਿ ਕਰਨਲ ਸੋਫੀਆ ਕੁਰੈਸ਼ੀ ਦੀ ਵਾਇਰਲ ਹੋ ਰਹੀ ਇਹ ਵੀਡੀਓ ਡੀਪ ਫੇਕ ਹੈ।

Sources
Video by DD News, dated May 7, 2025
resemble.ai 
Deepfake-O-Meter