ਕੀ ਸੀਓਏਐਸ ਜਨਰਲ ਦਿਵੇਦੀ ਨੇ ਕਿਹਾ ਕਿ ਫੌਜ ‘ਗੈਰ-ਹਿੰਦੂ’ ਸੈਨਿਕਾਂ ਦੀ ਗਿਣਤੀ ਘਟਾਏਗੀ?

ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਕਥਿਤ ਤੌਰ ‘ਤੇ ਫੌਜ ਮੁਖੀ (COAS) ਜਨਰਲ ਉਪੇਂਦਰ ਦਿਵੇਦੀ 2028 ਤੱਕ ਗੈਰ-ਹਿੰਦੂ ਸੈਨਿਕਾਂ ਦੀ ਗਿਣਤੀ 50% ਤੋਂ ਵੱਧ ਘਟਾਉਣ ਦੀ ਨਵੀਂ ਨੀਤੀ ਦਾ ਐਲਾਨ ਕਰਦੇ ਦਿਖਾਈ ਦੇ ਰਹੇ ਹਨ।

ਨਿਊਜ਼ਚੈਕਰ ਨੂੰ ਇਹ ਵੀਡੀਓ ਵਟਸਐਪ ਟਿਪਲਾਈਨ (+91-9999499044) ‘ਤੇ ਵੀ ਮਿਲਿਆ ਜਿਸ ਵਿੱਚ ਵੀਡੀਓ ਦੀ ਜਾਂਚ ਕਰਨ ਦੀ ਬੇਨਤੀ ਕੀਤੀ ਗਈ ਸੀ। 

Fact Check/Verification

“ਜਨਰਲ ਉਪੇਂਦਰ ਦਿਵੇਦੀ,” “ਗੈਰ-ਹਿੰਦੂ,” ਅਤੇ “ਭਾਰਤੀ ਫੌਜ” ਵਰਗੇ ਕੀ ਵਰਡਸ ਨਾਲ ਗੂਗਲ ਸਰਚ ਕਰਨ ‘ਤੇ ਸਾਨੂੰ ਕੋਈ ਭਰੋਸੇਯੋਗ ਖ਼ਬਰਾਂ ਜਾਂ ਅਧਿਕਾਰਤ ਪ੍ਰੈਸ ਰਿਲੀਜ਼ ਨਹੀਂ ਮਿਲੀ ਜਿਸ ਵਿੱਚ ਅਜਿਹੇ ਕਿਸੇ ਬਿਆਨ ਦਾ ਜ਼ਿਕਰ ਹੋਵੇ। ਭਾਰਤੀ ਫੌਜ ਦੇ ਅਧਿਕਾਰਤ ਸੋਸ਼ਲ ਮੀਡੀਆ ਅਕਾਊਂਟਸ ( ਇੱਥੇ , ਇੱਥੇ ਅਤੇ ਇੱਥੇ) ਤੇ ਵੀ ਇਸ ਦਾਅਵੇ ਬਾਰੇ ਕੋਈ ਜਾਣਕਾਰੀ ਨਹੀਂ ਸੀ।

ਵਾਇਰਲ ਕਲਿੱਪ ਦੇ ਕੀ ਫ੍ਰੇਮਾਂ ਦੀ ਰਿਵਰਸ ਇਮੇਜ ਸਰਚ ਕਰਨ ‘ਤੇ ਸਾਨੂੰ 1 ਨਵੰਬਰ, 2025 ਨੂੰ ਮੀਡਿਆ ਏਜੇਂਸੀ ANI ਦੁਆਰਾ ਅਪਲੋਡ ਪੋਸਟ ਮਿਲੀ। ਅਸੀਂ ਪਾਇਆ ਕਿ ਵਾਇਰਲ ਹੋ ਰਹੀ ਕਲਿਪ ਅਤੇ ANI ਦੁਆਰਾ ਅਪਲੋਡ ਪੋਸਟ ਹੁਬੂਹੁ ਇੱਕ ਸਮਾਨ ਹੈ। ਇਸ ਪ੍ਰਮਾਣਿਤ ਵੀਡੀਓ ਵਿੱਚ ਜਨਰਲ ਦਿਵੇਦੀ ਨੂੰ TRS ਕਾਲਜ, ਰੀਵਾ ਵਿੱਚ ਆਪਣੀ ਫੇਰੀ ਬਾਰੇ ਬੋਲਦੇ ਹੋਏ ਸੁਣਿਆ ਜਾ ਸਕਦਾ ਹੈ ਨਾ ਕਿ ਧਰਮ ਜਾਂ ਫੌਜੀ ਨੀਤੀ ਬਾਰੇ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਭਾਰਤੀ ਫੌਜ ਨੇ ਜਨਰਲ ਦਿਵੇਦੀ ਦੇ ਸਤਨਾ ਅਤੇ ਰੀਵਾ ਦੇ ਵਿਦਿਅਕ ਅਦਾਰਿਆਂ ਦੇ ਦੌਰੇ ਬਾਰੇ ਵੀ ਪੋਸਟ ਕੀਤਾ। 

ਵਾਇਰਲ ਵੀਡੀਓ ਦਾ ਵਿਸ਼ਲੇਸ਼ਣ ਕਰਨ ‘ਤੇ ਆਡੀਓ ਗੈਰ-ਕੁਦਰਤੀ ਅਤੇ ਤਾਲਮੇਲ ਤੋਂ ਬਾਹਰ ਲੱਗੀ। ਵਰਦੀ ‘ਤੇ ਨਾਮ ਦਾ ਟੈਗ ਅਤੇ ਨਿਸ਼ਾਨ ਵਿਗੜਿਆ ਹੋਇਆ ਸੀ ਤੇ ਏਐਨਆਈ ਦੇ ਮਾਈਕ੍ਰੋਫ਼ੋਨ ਨਾਲ ਛੇੜਛਾੜ ਕੀਤੀ ਗਈ ਜਾਪਦੀ ਹੈ।

ਪੁਸ਼ਟੀ ਕਰਨ ਲਈ ਅਸੀਂ ਕਲਿੱਪ ਦੀ ਜਾਂਚ ਕਈ AI ਅਤੇ ਡੀਪਫੇਕ ਖੋਜ ਟੂਲਸ ਦੀ ਵਰਤੋਂ ਕਰਕੇ ਕੀਤੀ:

ਹਾਈਵ ਮੋਡੇਰਸ਼ਨ : AI ਦੁਆਰਾ ਤਿਆਰ ਕੀਤੇ ਜਾਣ ਦੀ 99.8% ਸੰਭਾਵਨਾ ਮਿਲੀ।
ਹਿਆ ਡੀਪਫੇਕ ਵੌਇਸ ਡਿਟੈਕਟਰ: ਆਡੀਓ ਨੂੰ “ਸੰਭਾਵਤ ਡੀਪਫੇਕ” ਦੱਸਿਆ।
ਰਿਸੈਮਬਲ AI: ਆਵਾਜ਼ ਨੂੰ ਨਕਲੀ ਪਛਾਣਿਆ।

ਪੀਆਈਬੀ ਫੈਕਟ ਚੈਕ ਯੂਨਿਟ ਨੇ ਇਸ ਦਾਅਵੇ ਨੂੰ ਲੈ ਕੇ ਪੁਸ਼ਟੀ ਕੀਤੀ ਕਿ ਜਨਰਲ ਉਪੇਂਦਰ ਦਿਵੇਦੀ ਨੇ ਕਦੇ ਵੀ ਅਜਿਹਾ ਕੋਈ ਬਿਆਨ ਨਹੀਂ ਦਿੱਤਾ। ਪੀਆਈਬੀ ਨੇ ਵੀਡੀਓ ਨੂੰ ਮਨਘੜਤ ਦੱਸਿਆ।

Conclusion

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਵਾਇਰਲ ਹੋ ਰਹੀ ਇਹ ਵੀਡੀਓ ਏਆਈ ਜਨਰੇਟਡ ਹੈ।

Sources
X Post By ANI, Dated November 1, 2025
X Post By PIB Fact Check, Dated November 4, 2025
Hive Moderation Website
Resemble.ai Website
Hiya Deepfake Voice Detector