ਇਰਾਨੀ ਗਿਰੋਹ ਦੇ ਲੁਟੇਰਿਆਂ ਦਾ ਪੁਰਾਣਾ ਪੋਸਟਰ ਹਾਲੀਆ ਦੱਸਕੇ ਮੁੜ ਹੋਇਆ ਵਾਇਰਲ

ਸੋਸ਼ਲ ਮੀਡਿਆ ਤੇ ਇੱਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਵਿੱਚ ਲੱਗੇ ਪੋਸਟਰ ਤੇ ਕੁਝ ਲੋਕਾਂ ਦੇ ਚਿਹਰੇ ਦਿਖਾਈ ਦੇ ਰਹੇ ਹਨ। ਵੀਡੀਓ ਵਿੱਚ ਇਹ ਵੀ ਲਿਖਿਆ ਹੈ ਕਿ ਪੁਲਿਸ ਨੇ ਹਾਲ ਹੀ ਵਿੱਚ ਇਹ ਤਸਵੀਰਾਂ ਜਾਰੀ ਕੀਤੀਆਂ ਹਨ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਤਸਵੀਰ ਵਿੱਚ ਦਿਖਾਈ ਰਹੇ ਵਿਅਕਤੀ ਕੱਪੜੇ ਜਾਂ ਕੰਬਲ ਬੇਚਣ ਦੇ ਬਹਾਨੇ ਲੋਕਾਂ ਦੇ ਘਰ ਦੇ ਰੇਕੀ ਕਰਦੇ ਹਨ ‘ਤੇ ਰਾਤ ਨੂੰ ਲੁੱਟਾਂ ਚੋਰੀਆ ਨੂੰ ਅੰਜਾਮ ਦਿੰਦੇ ਹਨ। ਨਿਊਜ਼ਚੈਕਰ ਦੁਆਰਾ ਪਹਿਲਾ ਵੀ ਇਸ ਵਾਇਰਲ ਪੋਸਟਰ ਨੂੰ ਲੈ ਕੇ ਫੈਕਟ ਚੈਕ ਕੀਤਾ ਗਿਆ ਸੀ।

ਵਾਇਰਲ ਹੋ ਰਹੀ ਵੀਡੀਓ ਦੇ ਵਿੱਚ ਮਹਿਲਾ ਕਹਿੰਦੀ ਹੈ,”ਜਿਹੜੀ ਤੁਸੀਂ ਆਹ ਫੋਟੋ ਦੇਖ ਰਹੇ ਹੋ। ਇਹ ਬੰਦੇ ਜਿਹੜੇ ਫਰੋਡ ਨੇ ਜਿਹੜੇ ਕਿ ਲੁੱਟਣ ਦਾ ਕੰਮ ਕਰਦੇ ਹਨ , ਇਹ ਪਹਿਲਾਂ ਘਰ ਦੀ ਰੇਕੀ ਕਰਦੇ ਹਨ ਤੇ ਦੇਖਦੇ ਹਨ ਕਿ ਘਰਾਂ ਦੇ ਵਿੱਚ ਕਿੰਨੇ ਬੰਦੇ ਤੇ ਕਿੰਨੀਆਂ ਔਰਤਾਂ ਹਨ। ਇਹਨਾਂ ਨੇ ਇੱਕ ਤਰੀਕਾ ਅਪਣਾਇਆ ਹੋਇਆ ਹੈ ਕਿ ਇਹ ਘਰਾਂ ਦੇ ਵਿੱਚ ਸਮਾਨ ਲੈ ਕੇ ਆਉਂਦੇ ਹਨ। ਕੁਝ ਗੱਦੇ ਲੈ ਕੇ ਆਉਂਦੇ ਆ, ਕਈ ਮਿਕਸੀਆਂ ਲੈ ਕੇ ਆਉਂਦੇ ਆ , ਕਈ ਕੂਕਰ ਲੈ ਕੇ ਆਉਂਦੇ ਆ, ਕਈ ਗੈਸ ਚੁੱਲੇ ਲੈ ਕੇ ਆਉਂਦੇ ਆ। ਘਰ ਦੀ ਰੇਕੀ ਕਰਨ ਤੋਂ ਬਾਅਦ ਇਹ ਲੁੱਟ ਨੂੰ ਅੰਜ਼ਾਮ ਦਿੰਦੇ ਹਨ। ਇਹ ਫੋਟੋ ਤੁਹਾਡੇ ਨਾਲ ਸ਼ੇਅਰ ਕੀਤੀ ਹੈ, ਸਾਰੀਆਂ ਨਾਲ ਸਾਂਝੀ ਕਰ ਦਿਓ ਤੇ ਇਹਨਾਂ ਨੂੰ ਕਿਸੇ ਨੂੰ ਵੀ ਘਰੇ ਨਾ ਆਉਣ ਦਿਓ ਤੇ ਨਾ ਹੀ ਕੋਈ ਸਮਾਨ ਖਰੀਦੋ ਕਿਉਂਕਿ ਲੁੱਟਾਂ ਖੋਹਾਂ ਕਰਨ ਵਾਲੇ ਬੰਦੇ ਹਨ।”

Fact Check/Verification

ਅਸੀਂ ਸੋਸ਼ਲ ਮੀਡਿਆ ਤੇ ਵਾਇਰਲ ਹੋ ਰਹੇ ਦਾਅਵੇ ਨੂੰ ਲੈ ਕੇ ਗੂਗਲ ਤੇ ਕੁਝ ਕੀ ਵਰਡ ਦੀ ਮਦਦ ਦੇ ਨਾਲ ਸਰਚ ਕੀਤਾ। ਆਪਣੀ ਸਰਚ ਦੇ ਦੌਰਾਨ ਸਾਨੂੰ ਦਾਅਵੇ ਦੇ ਨਾਲ ਵਾਇਰਲ ਹੋ ਰਹੀ ਤਸਵੀਰ 29 ਜੁਲਾਈ, 2019 ਨੂੰ ਮੀਡਿਆ ਅਦਾਰਾ daijiworld ਦੁਆਰਾ ਪ੍ਰਕਾਸ਼ਿਤ ਆਰਟੀਕਲ ਦੇ ਵਿੱਚ ਅਪਲੋਡ ਮਿਲੀ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਰਿਪੋਰਟ ਦੇ ਮੁਤਾਬਕ ਇਹ ਮੰਗਲੌਰ ਦੀ ਬਾਜਪੀ ਪੁਲਿਸ ਵੱਲੋਂ ਜਾਰੀ ਕੀਤੀ ਗਈ ਸੂਚੀ ਹੈ। ਰਿਪੋਰਟ ਦੇ ਅਨੁਸਾਰ, “ਇਹ ਗਿਰੋਹ ਪਹਿਲਾਂ ਹੀ ਕਰਨਾਟਕ ਦੇ ਚਿੱਕਮੰਗਲੁਰੂ ਸ਼ਹਿਰ ਅਤੇ ਉਸ ਜ਼ਿਲ੍ਹੇ ਦੇ ਹੋਰ ਹਿੱਸਿਆਂ ਵਿੱਚ ਸਰਗਰਮ ਹਨ। ਇਸ ਗਿਰੋਹ ਦੇ ਮੈਂਬਰ ਦਿਨ ਵੇਲੇ ਕੰਬਲ ਵੇਚਣ ਆਉਂਦੇ ਹਨ, ਘਰ ਦਾ ਸਰਵੇਖਣ ਕਰਦੇ ਹਨ ਅਤੇ ਫਿਰ ਰਾਤ ਨੂੰ ਘਰ ਲੁੱਟ ਲੈਂਦੇ ਹਨ।

ਸਾਨੂੰ 31 ਜੁਲਾਈ, 2019 ਨੂੰ ਬੈਂਗਲੁਰੂ ਮਿਰਰ ਦੁਆਰਾ ਪ੍ਰਕਾਸ਼ਿਤ ਰਿਪੋਰਟ ਮਿਲੀ ਜਿਸ ਵਿੱਚ ਦੱਸਿਆ ਗਿਆ ਕਿ ਪੁਲਿਸ ਨੇ ਨਾਗਰਿਕਾਂ ਨੂੰ ਕੰਬਲ ਗੈਂਗ ਤੋਂ ਸਾਵਧਾਨ ਰਹਿਣ ਦੀ ਸਲਾਹ ਦਿੱਤੀ ਸੀ।

ਇਸ ਤਰ੍ਹਾਂ ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਇਹ ਪੋਸਟਰ ਹਾਲੀਆ ਨਹੀਂ ਸਗੋਂ ਸਾਲ 2019 ਦਾ ਹੈ। ਇਸ ਪੋਸਟ ਨੂੰ ਸਾਲ 2019 ਵਿੱਚ ਮੰਗਲੌਰ ਪੁਲਿਸ ਨੇ ਜਾਰੀ ਕੀਤਾ ਸੀ। ਇਸ ਪੋਸਟਰ ਨੂੰ ਹਾਲੀਆ ਦੱਸਕੇ ਮੁੜ ਸ਼ੇਅਰ ਕੀਤਾ ਜਾ ਰਿਹਾ ਹੈ।

Our Sources
Media Report published by Daji World, Dated June 29, 2019
Media Report published by Bangalore Mirror, Dated July 31, 2019