Authors
Vijayalakshmi leads our Tamil team. She’s worked in the media industry for more than eight years. This includes her work as a senior correspondent for Times Now before joining Newschecker. She turned to fact-checking to create awareness around misinformation through her writing.
Claim: சீமான் ஐயா! பெரியாரை ரொம்ப அடிச்சி எங்க குடும்பத்தை பிச்சை எடுக்க வச்சிறாதீங்க – கலைஞர் நியூஸ் செய்தி
Fact: வைரலாகும் புகைப்படம் போலியாக எடிட் செய்யப்பட்டதாகும்.
முதலமைச்சர் மு.க.ஸ்டாலினை பிச்சைக்காரர் போல் சித்தரித்த கலைஞர் நியூஸ் என்று புகைப்படம் ஒன்று சமூக வலைத்தளங்களில் பரவி வருகிறது.
“சீமான் ஐயா! பெரியாரை ரொம்ப அடிச்சி எங்க குடும்பத்தை பிச்சை எடுக்க வச்சிறாதீங்க” என்று இந்த புகைப்படம் பரவுகிறது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: “திமுக உபி வரான்! பயமா இருக்கு அண்ணா!!” என்று குறிப்பிட்டு விகடன் அட்டைப்படம் வெளியிட்டதா?
Fact Check/Verification
முதலமைச்சர் மு.க.ஸ்டாலினை பிச்சைக்காரர் போல் சித்தரித்த கலைஞர் நியூஸ் என்று பரவும் புகைப்படம் குறித்த உண்மையறிய அதுபற்றிய ஆய்வில் ஈடுபட்டோம்.
வைரலாகும் புகைப்படம் கலைஞர் நியூஸ் வெளியிட்டிருந்த கேலிச்சித்திரம் என்பதாக பரவும் நிலையில் அவர்களுடைய அதிகாரப்பூர்வ சமூக வலைத்தளப்பக்கத்தை ஆராய்ந்தோம்.
அதன்முடிவில், கடந்த ஜனவரி 10ஆம் தேதியன்று ”அண்ணாமலை தம்பி ஈ.வெ.ராவைத் திட்டிட்டேன். வீட்டு வாடகை பணம் போட்டுவிடு” என்று நாம் தமிழர் கட்சித்தலைவர் சீமானை கேலியாக சித்தரித்து கார்ட்டூன் வெளியிட்டிருந்தது கலைஞர் நியூஸ்.
அவர் பெரியார் குறித்து சர்ச்சைக்குரிய வகையில் பேசியிருந்த நிலையில் இந்த கேலிச்சித்திரத்தை வெளியிட்டிருந்தது கலைஞர் நியூஸ். அந்த கேலிச்சித்திரத்தை எடுத்தே அதில் முதலமைச்சர் புகைப்படத்தை ஒட்டி போலியாக பரப்பி வருகின்றனர்.
மேலும், இதுபற்றி கலைஞர் செய்திகள் ஆசிரியர் திருமாவேலனைத் தொடர்பு கொண்டு கேட்டபோது, ”வைரலாகும் புகைப்படம் போலியாக பரவுகிறது” என்று விளக்கமளித்தார்.
Conclusion
முதலமைச்சர் மு.க.ஸ்டாலினை பிச்சைக்காரர் போல் சித்தரித்து கார்ட்டூன் வெளியிட்ட கலைஞர் நியூஸ் என்று பரவும் புகைப்படம் போலியானது என்பது நமக்கு கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: Altered Image
Our Sources
Facebook Post From, Kalaignar Seithigal, Dated January 10, 2025
Phone Conversation With, Thirumavelan, Kalaignar Seithigal, Dated January 13, 2025
(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)
Authors
Vijayalakshmi leads our Tamil team. She’s worked in the media industry for more than eight years. This includes her work as a senior correspondent for Times Now before joining Newschecker. She turned to fact-checking to create awareness around misinformation through her writing.
