Copyright © 2022 NC Media Pvt. Ltd. All Rights Reserved.
Fact Check
ஓசூரில் ஆலங்கட்டி மழை பெய்ததாக பரவும் தவறான வீடியோ!
Claim: ஓசூரில் ஆலங்கட்டி மழை பெய்ததாக பரவும் வீடியோ!
Fact: இத்தகவல் தவறானதாகும். உண்மையில் அம்மழை தென் சீனப்பகுதியில் பொழிந்ததாகும்.
ஓசூரில் ஆலங்கட்டி மழை பெய்ததாக வீடியோ ஒன்று சமூக வலைத்தளங்களில் பரவி வருகின்றது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய இத்தகவல் குறித்து நியூஸ்செக்கர் தமிழ் சார்பில் ஆய்வு செய்ய முடிவு செய்தோம்.
Also Read: இந்தியா கூட்டணியின் மும்பை பொதுக்கூட்டத்தின் வீடியோவா இது?
Fact Check/Verification
ஓசூரில் ஆலங்கட்டி மழை பெய்ததாக வீடியோ வைரலானதை தொடர்ந்து, அவ்வீடியோவை தனித்தனி புகைப்படங்களாகப் பிரித்து, அவற்றை ரிவர்ஸ் சர்ச் முறைக்கு உட்படுத்தி, அவ்வீடியோ குறித்து தேடினோம்.
இத்தேடலில் @yangyubin1998 எனும் பயனர் ஐடியை கொண்ட எக்ஸ் பக்கத்தில் இச்சம்பவம் சீனாவில் நடந்ததாக குறிப்பிட்டு வைரலாகும் வீடியோ ஏப்ரல் 27, 2024 அன்று வைரலாகும் இதே வீடியோவை பதிவிட்டிருப்பதை காண முடிந்தது.
தொடர்ந்து தேடியதில் லோவின் மால்ட்டா, ஏஜென்ஸியா வெனிஸுலா நியூஸ் உள்ளிட்ட ஊடகங்களின் சமூக ஊடகப் பக்கங்களில் இச்சம்பவம் தெற்கு சீனப் பகுதியில் நடந்ததாக செய்தி வெளியிடப்பட்டிருப்பதை காண முடிந்தது.
Also Read: மகாலட்சுமி திட்டம் குறித்து காங்கிரஸ் வெளியிட்ட விளம்பர வீடியோவா இது?
Conclusion
ஓசூரில் ஆலங்கட்டி மழை பெய்ததாக பரவும் வீடியோ தவறானதாகும். உண்மையில் அந்நிகழ்வு தென் சீனப்பகுதியில் நடந்ததாகும். இந்த உண்மையானது கிடைத்த ஆதாரங்களின் வாயிலாக உறுதியாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: False
Our Sources
Tweet by the user, @yangyubin1998, Dated April 27, 2024
Report from Lovin Malta, Dated April 30, 2024
Report from Agencia Venezuela News, Dated April 28, 2024
(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91-9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in. என்ற மின்னஞ்சல் முகவரிக்கோ உங்கள் கேள்விகளை அனுப்பலாம். மேலும், எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்.