Claim: உலக பட்டினி நாடுகளில் இந்தியாவிற்கு மூன்றாவது இடம்.

Fact: வைரலாகும் தகவல் தவறானதாகும். உண்மையில் இந்தியா உலகளாவிய பட்டினி குறியீட்டில் இவ்வருடம் (2024) 105-ஆவது இடத்தை பெற்றுள்ளது.

உலக பட்டினி நாடுகளில் இந்தியாவிற்கு மூன்றாவது இடம் என்று குறிப்பிட்டு தகவல் ஒன்று சமூக ஊடகங்களில் பரவி வருகின்றது.

Facebook Link | Archive Link

Archive Link

Archive Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய இத்தகவல் குறித்து நியூஸ்செக்கர் தமிழ் சார்பில் ஆய்வு செய்ய முடிவு செய்தோம்.

Also Read: 2026 தேர்தல் தொடர்பாக உதயநிதி-அண்ணாமலை ரகசிய சந்திப்பு; வைரலாகும் தகவல் உண்மையானதா?

Fact Check/Verification

உலக பட்டினி நாடுகளில் இந்தியாவிற்கு மூன்றாவது இடம் என்று குறிப்பிட்டு தகவல் ஒன்று பரவியதை தொடர்ந்து இதுக்குறித்து தேடினோம். அத்தேடலில் இத்தகவல் தவறானது என்று அறிய முடிந்தது.

ஒவ்வொரு ஆண்டும் உலகளாவிய பட்டினி குறியீடு வெளியிடப்படும் நிலையில் இவ்வருடத்தில் (2024) இந்தியா 105 ஆவது இடத்தை பெற்றுள்ளது. இத்தகவலை இந்த குறியீட்டை வெளியிடும் அதிகாரப்பூர்வ இணையத்தளமான globalhungerindex.org தளத்தின் வாயிலாக அறிய முடிந்தது. மொத்தம் 127 நாடுகளில் 27. 3 புள்ளிகளை பெற்று இந்தியா இவ்விடத்தை பெற்றுள்ளது.

அதில் இந்திய மக்கள் தொகையில் 13.7 சதவீதம் பேர் ஊட்டசத்து குறைவாக உள்ளதாகவும், 5 வயதுக்குட்பட்ட குழந்தைகளில் 35.5 சதவீதம் பேர் வளர்ச்சி குன்றி இருப்பதாகவும், 5 வயதுக்குட்பட்ட குழந்தைகளில் 18.7 சதவீதம் பேர் எடை குன்றி இருப்பதாகவும்,  18.7 சதவீதம் குழந்தைகள் ஐந்து வயதை அடைவதற்கு முன்பே இறந்து விடுவதாகவும் தெரிவிக்கப்பட்டிருந்தது.டி பார்க்கையில் வைரலாகும் வீடியோவில் காணப்படும் சம்பவம் உண்மையானதல்ல, பொழுதுப்போக்குக்காக உருவாக்கப்பட்ட புனைவு சம்பவம் என்பது தெளிவாகின்றது.

 Also Read: தவெக காணாமல் போய்விடும் என்று அதிமுக ஜெயக்குமார் கூறியதாகப் பரவும் நியூஸ்கார்ட் உண்மையா?

Conclusion

உலக பட்டினி நாடுகளில் இந்தியாவிற்கு மூன்றாவது இடம் கிடைத்ததாக பரப்பப்படும் தகவல் தவறானதாகும். உண்மையில் இந்தியா உலகளாவிய பட்டினி குறியீட்டில் இவ்வருடம் (2024) 105-ஆவது இடத்தை பெற்றுள்ளது. இந்த உண்மையை உரிய ஆதாரங்களுடன் விளக்கியுள்ளோம்.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: False

Our Sources
globalhungerindex.org

(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)