Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact Check
Claim: பட்ஜெட் தொடங்கும் முன்பே எதிர்க்கட்சி எம்.பி.க்கள் கேண்டீன் சென்றனர்.
Fact: வைரலாகும் இத்தகவல் தவறானதாகும். கும்பமேளா இறப்புகள் குறித்து விவாதம் நடத்தக்கோரி எதிர்க்கட்சி எம்.பி.க்கள் ஆர்ப்பாட்டம் நடத்தி வெளிநடப்பு செய்தனர். இதுக்குறித்து வெளியிடப்பட்ட நியூஸ்கார்டே எடிட் செய்யப்பட்டு இவ்வாறு பரப்பப்படுகின்றது.
“பட்ஜெட் ஆரம்பிக்கும் முன்பே பாராளுமன்ற கேண்டீன் சென்ற எதிர்க்கட்சி எம்பிக்கள்” என்று குறிப்பிட்டு நியூஸ்கார்டு ஒன்று சமூக ஊடகங்களில் பரவி வருகின்றது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: 154 வயது துறவி இமயமலையிலிருந்து கும்பமேளா காண வந்ததாக பரவும் தகவல் உண்மையானதா?
பட்ஜெட் தொடங்கும் முன்பே எதிர்க்கட்சி எம்.பி.க்கள் கேண்டீன் சென்றதாக தகவல் ஒன்று பரவியதை தொடர்ந்து இதுக்குறித்து ஆய்வு செய்தோம்.
அந்த ஆய்வில் பிரயாக்ராஜ் கும்பமேளாவில் கூட்ட நெரிசலில் உயிரிழந்தவர்கள் குறித்து விவாதிக்க வேண்டும் என்று எதிர்க்கட்சியினர் அடையாள ஆர்ப்பாட்டம் நடத்தியதாக தி இந்து செய்தி வெளியிட்டிருந்த செய்தியில் வைரலாகும் நியூஸ்கார்டில் இடம்பெற்றிருந்த படம் பயன்படுத்தப்பட்டிருந்ததை காண முடிந்தது.
தொடர்ந்து தேடுகையில் எதிர்க்கட்சிகளின் இந்த ஆர்ப்பாட்டம் குறித்து ANI வீடியோவுடன் பதிவு ஒன்றை அதன் எக்ஸ் பக்கத்தில் பதிவிட்டிருந்ததை காண முடிந்தது. அவ்வீடியோவில் வைரலாகும் நியூஸ்கார்டின் படத்திலிருந்த காட்சி இடம்பெற்றிருப்பதை காண முடிந்தது.
இதனையடுத்து தேடுகையில் எம்.பிக்களின் இந்த வெளிநடப்பு குறித்து தினமணி, தினத்தந்தி, இந்து தமிழ் திசை உள்ளிட்ட ஊடகங்களிலும் செய்தி வெளியிடப்பட்டிருந்ததை காண முடிந்தது. அச்செய்திகளிலும் அதே படம் பயன்படுத்தப்பட்டிருந்தது.
இதன்படி பார்க்கையில் எதிர்க்கட்சி எம்.பி.க்கள் கேண்டீன் சென்றதாக பரப்பப்படும் தகவல் தவறானது என உறுதியாகின்றது.
இதனையடுத்து வைரலாகும் இத்தகவல் சன் நியூஸின் நியூஸ்கார்டு டெம்ப்ளேட்டை பயன்படுத்தி உருவாக்கப்பட்டிருப்பதால் அந்நிறுவனம் வைரலாகும் நியூஸ்கார்டை வெளியிட்டதா என தேடினோம்.
இத்தேடலில் சன் நியூஸ் வைரலாகும் நியூஸ்கார்டை வெளியிட்டிருக்கவில்லை. மாறாக பட்ஜெட் உரைக்கு எதிர்ப்பு தெரிவித்து எதிர்க்கட்சிகள் வெளிநடப்பு செய்ததாக நியூஸ்கார்டு ஒன்றை வெளியிட்டிருந்ததை காண முடிந்தது.
இந்த நியூஸ்கார்டை வைரலாகும் நியூஸ்கார்டுடன் ஒப்பிட்டு பார்க்கையில், இந்த கார்டை எடிட் செய்தே வைரலாகும் நியூஸ்கார்டு உருவாக்கப்பட்டுள்ளது என அறிய முடிந்தது.
இதனையடுத்து சன் நியூஸ் டிஜிட்டல் பொறுப்பாளர் மனோஜை தொடர்புக் கொண்டு வைரலாகும் நியூஸ்கார்டு குறித்து விசாரிக்கையில் வைரலாகும் நியூஸ்கார்டு போலியானது என்றும், உண்மையான கார்டின் எழுத்துப்பகுதி மாற்றப்பட்டு இந்த நியூஸ்கார்டு உருவாக்கப்பட்டுள்ளது என்றும் அவர் தெரிவித்தார்.
Also Read: சீமான் ஆபத்தான அரசியல் பேசுவதாக விமர்சனம் செய்துள்ளாரா இயக்குநர் வெற்றிமாறன்?
பட்ஜெட் தொடங்கும் முன்பே எதிர்க்கட்சி எம்.பி.க்கள் கேண்டீன் சென்றதாக பரப்பப்படும் தகவல் முற்றிலும் தவறானதாகும். கும்பமேளா இறப்புகள் குறித்து விவாதம் நடத்தக்கோரி எதிர்க்கட்சி எம்.பி.க்கள் ஆர்ப்பாட்டம் நடத்தி வெளிநடப்பு செய்தது குறித்து சன் நியூஸ் வெளியிட்டிருந்த நியூஸ்கார்டை எடிட் செய்தே இத்தகவல் பரப்பப்படுகின்றது.
இந்த உண்மையானது நமக்குக் கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Our Sources
X post by Sun News, Dated February 01, 2025
X post by ANI, Dated February 01, 2025
Report by The Hindu, Dated February 01, 2025
Phone Conversation With Manoj Kumar, Digital Head, Sun News
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்
