کمبوڈیا اور تھائی لینڈ تنازعہ سے منسوب کرکے روس کے یوکرین پر کئے گئے حملے کی ویڈیو وائرل

آل انڈیا ریڈیو کی ایک رپورٹ کے مطابق کمبوڈیا اور تھائی لینڈ کے مابین جاری سرحدی جھڑپوں میں اب تک کم از کم 12 افراد ہلاک ہوچکے ہیں، کئی افراد زخمی بھی ہوئے ہیں۔ اسی کے پیش نظر 32 سیکنڈ کی ایک ویڈیو شیئر کی جا رہی ہے۔ جس میں فضائی حملے ہوتے ہوئے دکھائی دے رہے ہیں۔ صارفین کا دعویٰ ہے کہ یہ ویڈیو تھائی لینڈ کی جانب سے کمبوڈیا پر کئے گئے فضائی حملے کی ہے۔

ویڈیو کے ساتھ ایک فیس بک صارف نے لکھا ہے “تھائی لینڈ اور کمبوڈیا میں باقاعدہ جنگ کا آغاز، تھائی لینڈ کے طیاروں کی کمبوڈیا میں سڑائک، تھائی لینڈ میں ایمرجنسی نافذ حالات کشیدہ”۔

Fact Check/Verification

کمبوڈیا اور تھائی لینڈ تنازعہ سے منسوب کرکے شیئر کی گئی ویڈیو کے چند فریموں کو ہم نے گوگل لینس کی مدد سے تلاش کیا۔ اس دوران ہمیں یہی ویڈیو 7 جون 2025 کو شیئر شدہ ایک فیس بک پیج پر موصول ہوئی۔ جس کے ساتھ فراہم کردہ معلومات کے مطابق یہ ویڈیو روس کی جانب سے یوکرین پر کئے گئے حملے کی ہے۔

پھر ہم نے کیفریم کے ساتھ انگلش میں ‘رشیا اٹیک آن یوکرین’ کیورڈ تلاش کیا۔ اس دوران ہمیں ہوبہو ویڈیو کے ساتھ 6 جون کو شائع ہونے والی اسکائی نیوز اور رشین ٹوڈے کی رپورٹس موصول ہوئیں۔ ان رپورٹس کے مطابق یوکرین نے روس کے بمبار طیاروں پر ڈرون حملے کئے تھے اور ساتھ ہی روس میں ریلوے پٹری پر بھی دھماکے کئے تھے، جس کے جواب میں روس نے بھی یوکرین پر کاروائی کی تھی اور راتوں رات یوکرین کے شہر روسی میزائل و ڈرون کی زد میں آگئے تھے۔

یہ بھی پڑھیں: بنگلہ دیش میں اسکول کیمپس پر گرکر تباہ ہوئے جنگی طیارہ ایف-7 بی جی آئی کی نہیں ہے یہ تصویر

Conclusion

لہٰذا نیوز چیکر کی تحقیقات سے واضح ہوتا ہے کہ کمبوڈیا اور تھائی لینڈ تنازعہ کا بتاکر شیئر کی گئی ویڈیو دراصل روس کی جانب سے یوکرین پر کئے گئے حملے کی ہے۔

Sources
Facebook post by Trapillsyne on 7 Jun 2025
Reports published by Sky News and RT on 6 Jun 2025