Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
Claim
مراکش کے امام نے خطبہ روک کر کلمہ پڑھا اور اللہ کو پیارا ہو گیا۔
Fact
خطبہ دیتے ہوئے مراکش کے امام کی موت نہیں ہوئی تھی، بلکہ وہ بے ہوش ہوگئے تھے۔
سوشل نٹورکنگ سائٹس فیس بک اور ٹویٹر پر ایک مسجد کے اندر کی ویڈیو وائرل ہو رہی ہے۔ جس میں امام ممبر پر خطبہ کے دوران کلمہ پڑھتے ہوئے ممبر سے گر جاتے ہیں۔ جس کے بعد وہاں موجود نمازی ان کی مدد کرتے ہوئے نظر آ رہے ہیں۔ دعویٰ کیا جا رہا ہے کہ خطبہ دیتے ہوئے مراکش کے امام کی موت ہو گئی۔
ایک فیس بک صارف نے ویڈیو کے کیپشن میں لکھا ہے کہ “مراکش کا امام خطبہ دے رہا رہا تھا، موت کے فرشتے کو دیکھا، خطبہ روک کر کلمہ طیبہ، کلمہ شہادت پڑھا اور اللہ کو پیارا ہو گیا۔ مرنا تو سب نے ہے، لیکن امام صاحب کی موت ہر مسلمان کی خواہش ہے”۔
Fact Check/Verification
وائرل ویڈیو کے ایک فریم کو ہم نے کچھ عربی کیورڈ کے ساتھ گوگل ریورس امیج سرچ کیا۔ جہاں ہمیں وجدة الآن نامی فیس بک پیج پر ہوبہو ویڈیو ملی۔ جس کے کمنٹ پڑھنے پر معلوم ہوا کہ ویڈیو وجدہ شہر کے سیدی یحی روڈ پر موجود مسجد عمر بن الخطاب کی ہے۔ جہاں امام خطبہ دیتے ہوئے بے ہوش ہو گئے تھے، جنہیں قریب کے اسپتال میں علاج کے لئے لے جایا گیا، جہاں وہ صحتیاب ہوگئے تھے۔ وجدة الآن نے امام کے ایک دوست سے رابطہ کیا تھا، جنہوں نے اس بات کی تصدیق کی تھی۔
وائرل ویڈیو کے ساتھ کئے گئے دعوے سے متعلق 2022 کو شائع شدہ مراکش کی نیوز ویب سائٹس امنوس، اسٹیپ ویڈیو گراف، جھینۃ، مغریس، ماروك 4 اور اکادیر ٹی وی پر ملیں۔ ان رپورٹس میں بھی واضح کیا گیا ہے کہ مسجد عمر بن الخطاب کے امام خطبہ کے دوران صرف بے ہوش ہوئے تھے، لیکن علاج کے بعد وہ صحتیاب بھی ہو گئے تھے۔
اس کے علاوہ ہمیں ایجنسی فرانس پریس کا ایک عربی زبان میں فیکٹ چیک ملا۔ جس کے مطابق اسلامی امور کے علاقائی وفد نے ایجنسی فرانس پریس کے نیوز انویسٹی گیشن سروس کے نامہ نگار سے بتایا تھا کہ یہ واقعہ مراکش کے وجدہ شہر کی مسجد عمر بن الخطاب میں پیش آیا تھا۔ جہاں امام کی موت نہیں ہوئی تھی بلکہ ان کی طبیعت خراب ہوگئی تھی، علاج کے بعد وہ واپس آگئے تھے اور خطبہ بھی دیا تھا۔
Conclusion
نیوز چیکر کی تحقیقات سے یہ ثابت ہوا کہ خطبہ دیتے ہوئے مراکش کے امام کی موت نہیں ہوئی تھی، بلکہ وہ بے ہوش ہوئے تھے بعد میں انہوں نے مسجد میں خطبہ بھی دیا تھا۔
Result: False
Sources
Facebook post by OujdaAlan on 5 Jun 2022
Reports published by Maroc4, Agadir tv, Maghress, juhainah-net, Amnous and Step Video Graph on 2022
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کرسکتے ہیں۔
Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
