Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact Check
ٹویٹر پر ایک یوزر نے بھارتیہ کرکٹ کے سابق کپتان مہیندرسنگھ دھونی کی ایک تصویر شیئر کی ہے۔ جس کے کنارے میں لکھا ہے کہ مہیندر سنگھ دھونی اپنا سر منڈواکر بھکشو بن گئے ہیں۔
ٹویٹر پوسٹ کا آرکائیو لنک۔
کرکٹر مہیندر سنگھ دھونی بھارتیہ کرکٹ ٹیم کے سابق کپتان رہ چکے ہیں۔ دھونی نے 15اگست 2020 کو کرکٹ کی دنیا کو الوداع کہہ دیا تھا۔ بتا دوں کہ دھونی نے بطور کپتان ہندوستان کو سال 2007 میں ٹی 20 ورلڈ کپ ، 2011 میں ون ڈے کرکٹ ورلڈ کپ اور 2013 میں چمپئنز ٹرافی دلائی ہے۔ دھونی انڈین ٹیم کے بہترین بلے باز اور وکٹ کیپر رہ چکے ہیں۔ وہیں ان دنوں سوشل میڈیا پر دھونی کی ایک تصویر مختلف دعوے کے ساتھ خوب گردش کررہی ہے۔ جس میں وہ بودھ مذہب کے لباس میں نظر آرہے ہیں۔
اس تصویر کو مختلف زبان میں مختلف دعوے کے ساتھ شیئر کیا گیا ہے۔ اردو میں ایک یوزر نے دھونی کی تصویر والا پوسٹر شیئر کیا ہے۔ جس میں لکھا ہے کہ مہیندر سنگھ دھونی سرمنڈا کر بھکشو بن گئے ہیں۔ اس تصویر کے ساتھ کیپشن میں “ملک کا وزیراعظم بننے سے اچھا ہے کہ بندہ سر منڈوا کر بنی گالہ میں ہی آستانہ بناکر بیٹھ جاتا کم سے کم عزت تو نہیں اچھلتی” لکھا ہے۔ وہیں ہندی یوزر کا دعویٰ ہے کہ دھونی نے بودھ مذہب اپنا لیا ہے۔
جب ہم نے وائرل تصویر کے ساتھ کئے گئے دعوے کو کراؤڈٹینگل پر سرچ کیا تو پتاچلا کہ ہندی زبان میں اس موضوع پر 123 لوگ تبصرہ کرچکے ہیں۔ جس کا اسکرین شارٹ درج ذیل ہے۔
مہیندر سنگھ دھونی کی وائرل تصویر کی سچائی جاننے کے لئے ہم نے سب سے پہلے تصویر کے ساتھ لکھے جملے کو سرچ کیا۔ جہاں ہمیں پاکستانی نیوز ویب سائٹ ایکسپریس نیوز پر وائرل تصویر کے ساتھ ایک خبر ملی۔ جس میں مذکورہ کیپشن کے ساتھ خبر شائع کی گئی ہے۔
پھر ہم نے ایم ایس دھونی کے وائرل تصویر کو ریورس امیج سرچ کیا۔ اس دوران ہمیں اسکرین پر دھونی کی وائرل تصویر کے حوالے سے کئی خبروں کے لنک فراہم ہوئے۔ جس کا اسکرین شارٹ درج ذیل ہے۔
پھر ہم نے کچھ کیورڈ سرچ کیا۔ جہاں ہمیں اے بی پی پر شائع ایک خبر ملی۔ رپورٹ کے مطابق ایم ایس دھونی کی یہ تصویر آئندہ آنے والی ایک تشہیر کی ہے۔ لیکن اے بی پی کے رپورٹ پڑھنے کے بعد ہمیں کئی باتیں مشکوک لگی۔ جس سے یہ واضح نہیں ہو پا رہا تھا کہ وائرل تصویر دھونی کی آنے والی تشہیر کی ہے یا کسی اور معاملے کی۔
مذکورہ جانکاری سے واضح نہیں ہوسکا کہ دھونی کی یہ تصویر کس موقع محل کے پیش نظر کلک کی گئی ہے۔ پھر ہم نے اسپورٹ کے ٹویٹر ہینڈل کو کھنگالا۔ جہاں ہمیں اسٹار اسپورٹس کے آفیشل ٹویٹر ہینڈل پر ایک ویڈیو ملا۔ جس میں مہیندر سنگھ دھونی اُسی حُلیے میں ہیں جو وائرل تصویر میں نظر آرہا ہے۔
سرچ کے دوران ہمیں اسپورٹ کیڑا نامی ویب سائٹ پر وائرل تصویر ملی۔ جس کے مطابق ویڈیو کے کیپشن میں لکھا ہے کہ اسپورٹ نے آئی پی ایل 2021 کے پہلے کومرشیئل کو ریلیز کردیا ہے۔ جس میں دھونی کو بھکشو کے حلیے میں دکھا یا گیا ہے۔
نیوزچیکر کی تحقیقات میں یہ ثابت ہوتا ہے کہ مہیندر سنگھ دھونی نے نہ تو بودھ مذہب اپنایا ہے اور نا ہی سر منڈوا کر بھکشو بنے ہیں۔ بلکہ ایم ایس دھونی کی یہ تصویر آئی پی ایل 2021 کے ایک تشہیر کی ہے۔ جس میں دھونی بودھ بھکشو کے حلیے میں نظر آرہے ہیں۔
expresspk:https://www.express.pk/story/2154814/16/
abp:https://news.abplive.com/sports/ipl/ipl-2021-ms-dhoni-s-monk-avatar-is-breaking-the-internet-know-the-reason-behind-this-new-look-1448400
Sport:https://www.sportskeeda.com/cricket/news-monk-ms-dhoni-stars-new-ipl-promo
Tweet:https://twitter.com/StarSportsIndia/status/1371085863493406722
نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔
9999499044
